Fréttablaðið - 14.12.2010, Page 24

Flestir gera sér dagamun í mat og drykk um jól. Sumir fara reyndar yfir
strikið í þeim efnum. Á heilraedi.blogspot.is, vefsíðu Önnu Rögnu Magnúsar-
dóttur, doktors í heilbrigðisvísindum, er að finna nokkur góð ráð gegn ofáti
og hvaða afleiðingar ofát getur haft.
Heilsu- og þekkingarnámskeið
um fráfall maka, fyrir ekkjur
og ekkla verður haldið í fyrsta
skipti á Heilsuhótelinu að Ásbrú í
Reykjanesbæ milli jóla og nýárs.
Námskeiðið stendur frá 27. til 30.
desember og er ætlað ekkjum og
ekklum, sextíu ára og eldri.
„Við munum skoða hvernig
hátíðin og ýmsar hefðir fjölskyld-
unnar breytast þegar maki fell-
ur frá og eins þau þáttaskil sem
verða þegar nýtt ár gengur í garð.
Þar að auki verður áhersla lögð á
heilsusamlegt líf og verður boðið
upp á göngur, leikfimi, hláturjóga
og slökun svo dæmi séu nefnd,“
segir séra Bragi Skúlason sjúkra-
húsprestur, sem mun hafa umsjón
með námskeiðinu ásamt fleirum.
Hann hefur áralanga reynslu af
því að vinna með fólki sem hefur
misst og segir hátíðarnar mörgum
sérstaklega erfiðar.
„Þetta er tími sem kallar oft
fram sterkar andstæður; gleði,
sorg, ljós og myrkur. Fólki tekst
oft ágætlega að undirbúa jólin en
rekur sig svo á þegar kemur að
nýju ári. Áramótin eru gjarnan
þrungin trega enda tímamót þar
sem litið er til baka um leið og
horft er fram á veginn án mak-
ans. Því fylgir í mörgum tilfellum
mikil óvissa en við viljum nesta
fólk inn í þennan tíma með ýmis
ráð og verkfæri.“
Dagskráin alla dagana hefst
rúmlega átta og lýkur á kvöldvöku
klukkan 20 og ganga þátttakend-
ur svo til náða. Megináhersla er
lögð á hreyfingu, fræðslu, slökun
og hollan mat. Þá verða regluleg-
ar vinnustundir og viðtöl í umsjón
Braga, Gunnars Gunnarssonar sál-
fræðings og Margrétar Jónsdótt-
ur félagsfræðings. „Það verður
því bæði lögð áhersla á að fólk hitti
aðra með sambærilega reynslu en
eins að það fái tækifæri til að ræða
við okkur einrúmi,“ segir Bragi.
Hann segir þegar farið að huga að
því að hópurinn geti síðan hist með
vorinu til að fylgja málum eftir.
„Sorgarferlið getur tekið langan
tíma og þó fólk hafi farið í gegn-
um allar árstíðirnar án makans þá
getur ýmislegt orðið eftir. Sorgin
hefur sinn tíma og það þýðir lítið
að stytta sér leið. Það eru hins
vegar til ýmis ráð og verkfæri til
að létta fólki lífið.“
vera@frettabladid.is
Jól og áramót án maka
Námskeið fyrir ekkjur og ekkla verður haldið á Heilsuhótelinu að Ásbrú milli jóla og nýárs en sá árstími
getur verið sérstaklega þungbær þeim sem hafa misst maka sinn. Hugmyndin er að létta fólki lífið.
Bragi hefur langa reynslu af því að vinna með þeim sem hafa misst. FRÉTTABLAÐIÐ/GVA
JÓLAKJÓLAR
Sími 551 2070.
Fram til jóla verður opið:
virka daga: 10 - 18
laugard. 18. des. 10 - 18
Þorláksmessu: 10 - 20
Aðfangadag: 10 - 12
Gleðileg jól !
Góð þjónusta - fagleg
ráðgjöf.
www.misty.is
Vandaðir herraskór úr mjúku
leðri, skinnfóðraðir.
Tegundir: 22101 og 23007
Stærðir: 40 - 47
Verð: 16.975.-
Hátíðarskó-
fatnaður vandlátra
herramanna
FORSÍÐA VIÐSKIPTI ÍÞRÓTTIR LÍFIÐ UMRÆÐAN
Meiri Vísir.
MEIRI
GLAMÚR
Deildu Vísi með öðrum. Þeir sem
setja „like“ við Vísi á Facebook
geta unnið óvænta vinninga í
hverri viku.
m.visir.is
Fáðu Vísi í símannog iPad!
Hringdu í síma
ef blaðið berst ekki
Kynning
Culiacan, sem nýlega flutti á
Suðurlandsbraut 4a, er með
gott úrval af hollum mat á góðu
verði. Réttirnir kosta á bilinu
990-1.290 krónur.
Allir réttir eru útbúnir fyrir
framan kúnnann, þannig getur
hver og einn ráðið hvað hann
tekur og hverju hann sleppir.
Borðið er ávallt fullt af fersku
góðgæti sem oftast er borðað með
tortillu. Einnig eru salöt á mat-
seðli sem eru líka mjög vinsæl.
Staðurinn hefur verið vinsæll
hjá íþróttafólki því maturinn
inniheldur fáar kaloríur en góða
og fjölbreytta næringu.
Elín Hrund Guðnadóttir er ein
þeirra sem stundað hafa Culia-
can lengi. Hún er 26 ára, fitness-
keppandi. Elín byrjaði að keppa
í módel-fitness 2009, en tveimur
árum áður hafði hún farið sem
áhorfandi á bikarmót í fitness og
eftir það varð ekki aftur snúið.
Hún segir að aðaláherslan fyrir
fitness-keppni sé lögð á lyftingar.
Til að byggja upp vöðva og móta
líkamann þarf markvissar lyft-
ingar og rétt mataræði. Hún æfir
sex sinnum í viku alla jafna. Elín
er líka að læra einkaþjálfun hjá
Keili.
„Uppáhaldsrétturinn minn er
Ultimo burrito,“ segir Elín. „Ég
fæ mér sterka sósu á hann. Svona
burrito get ég alltaf borðað. En
þegar ég er að skera niður, henta
Fitness-réttirnir mér mjög vel.
Þeir duga mér í tvær máltíðir,
t.d. í hádeginu og seinni part, eða
seinni partinn og svo í kvöld-
matinn. Þeir eru tvískiptir og
mátulega lítið af hitaeiningum.
Ég þarf að passa vel upp á orku-
inntöku í niðurskurðinum, því
annars losna ég ekki við fituna
sem er nú tilgangurinn þegar
maður sker niður. Þar fyrir utan
tel ég ekki kaloríurnar en passa
samt upp á hvað ég borða. Ég
forðast djúpsteiktan mat, hvítan
sykur, hvítt hveiti og passa upp
á að fitan sem ég fæ sé góð, þ.e.
ómettuð.“
Á Culiacan er kjúklingurinn
grillaður en aldrei djúpsteiktur,
svo eru sósurnar og meðlætið
mjög fitusnautt og ferskt, því
allar sósur og salsa eru útbúnar
frá grunni á staðnum. Til að fá
góðu fituna sem allir þurfa er til-
valið að fá sér guacamole með
matnum. Guacamole-ið á Culia-
can er gert úr ferskum avókadó
og kryddjurtum.
Culiacan er opið alla daga milli
klukkan 10.00 og 22.00.
Fitness-réttirnir henta vel
Elín Hrund Guðnadóttir er ein þeirra
sem stundað hafa Culiacan lengi.
„Til að byggja upp vöðva og móta
líkamann þarf markvissar lyftingar og
rétt mataræði.“
Ultimo burrito: Tortilla, kjúklingur, kryddhrísgrjón, fajitas, sterk sósa og sýrður
rjómi. Grilluð með ostinum ofan á.