Fréttablaðið - 14.12.2010, Side 33

jólagjöfi n hennar ● fréttablaðið ●ÞRIÐJUDAGUR 14. DESEMBER 2010 7
● DEKURDAGUR HEIMA
Eiginmenn og unnustar með
mjúka fingur og gott hug-
myndaflug ættu að bjóða sínum
heittelskuðu upp á dekurdag
heima. Með því að láta renna
í sjóðheitt freyðibað, kveikja á
kertum og spila rólega tónlist
má búa til heilsulindarstemn-
ingu í baðherberginu heima.
Að því loknu er tilvalið að frúin
fái gott heilnudd með ilmandi
olíum. Ódýr en samt spennandi
kostur sem eykur nánd.
Til að slíkur dekurdagur virki
eins og skyldi þarf að velja
stundina vel, koma börnunum
í pössun og ýta öllum öðrum
erindum yfir á aðra daga.
●WORN BY WORSHIP Nokkrir ungir íslenskir hönnuðir hafa tekið sig saman
og stofnað vefverslunina Worn by Worship. Versluninni er ætlað að vera bæði sölu-
torg þeirra og sýningarrými svo hægt sé að kaupa vörur þeirra milliliðalaust. Hönn-
uðirnir sem standa að síðunni eru 8045, Dýrindi, Eygló, Mundi, REY, Royale Extreme,
Shadow Creatures og Sonja Bent en þeir hanna ýmist kjóla, peysur, klúta, kápur,
boli, buxur og skart.
Tíu prósent af allri sölu fara til góðgerðarmála en meðal þeirra félaga sem hljóta
framlög eru Rauði Kross Íslands, Krabbameinsfélag Íslands, Sólheimar, Dýrahjálp Ís-
lands og UNICEF. Á slóðinni www.wornbyworship.com. er því bæði hægt að kaupa
innlenda vöru og styrkja gott málefni.
● HAMUR HANDA HENNI
Hamur er nýtt íslenskt fata-
merki en að því standa þær
Dagný Gréta Ólafsdóttir, Harpa
Hrund Pálsdóttir og Klara Rut
Ólafsdóttir. Þær hanna það sem
þeim dettur í hug þá
stundina en undan-
farið hafa þær
einbeitt sér að
kjólum, herra-
bolum, blúndu-
slám og hettutrefl-
um. „Við einfald-
lega hönnum alls
konar, gerum alls
konar og segjum
alls konar,“ segir
Harpa Hrund. „Vör-
urnar okkar fást
í Collective of
Young Designers,
sem er til húsa í
kjallaranum hjá
Hemma og Valda,
og á Hamur.is. Svo
komum við til með
að vera í Fígúru á
Skólavörðustíg þegar
fram líða stundir.“
Undir formerkjum
Hams gefst hönnuð-
unum kostur á
að hanna nær
hvað sem er.
MYND/HEÓ
Sími: 533 1177
Sértilboð
Gjafakort
Sonja Bent er ein þeirra sem býður upp á sína
hönnun á síðunni.
REY hefur vakið
athygli fyrir kjóla
sína.