Fréttablaðið - 27.12.2010, Qupperneq 48

27. desember 2010 MÁNUDAGUR36
sport@frettabladid.is
17
DAGAR
GRÆNLENDINGAR eru ekki beint þekktir fyrir afrek sín á handboltavellinum en Grænland hefur engu að síður
tekið þátt í HM þrisvar sinnum. Því geta þjóðir eins og Úkraína, Kína, Makedónía, Búlgaría, Grikkland, Ítalía og Holland
ekki státað af.
Skráning er hafin á
www.flugskoli.is
Flugfreyju- og f lugþjónanám
10 vikna kvöldnámskeið hefst í janúar 2011
www.f lugskoli.is
FÓTBOLTI Þótt stuðningsmenn
Manchester City hafi enn ekki
tekið Carlos Tevez fullkomlega í
sátt þá steig Argentínumaðurinn
skref í átt að því í gær. Tevez var
lykillinn að sigri City á Newcastle
3-1.
Hann lagði upp fyrsta mark-
ið fyrir Gareth Barry og kom
svo sjálfur City í 2-0. Newcastle
minnkaði muninn og átti nokkrar
hættulegar sóknir áður en Tevez
innsiglaði sigur heimamanna með
sínu öðru marki.
Roberto Mancini, stjóri City,
eyddi þó meira púðri í að hrósa
James Milner sem átti stjörnu-
leik. „Það er erfitt að kljást við
Newcastle. Þeir leita mikið að
Andy Carroll en mér fannst við ná
að verjast honum vel þrátt fyrir
markið sem hann skoraði. Það var
mikilvægt að ná þessum sigri og
allir stóðu sig vel. En sá sem skar-
aði fram úr var James Milner,“
sagði Mancini eftir leik.
„Við eigum fjóra leiki á tíu
dögum og ljóst að ég verð að gera
nokkuð mikið af breytingum fyrir
næsta leik. Nú reynir mikið á
breidd leikmannahópsins.“
Alan Pardew, stjóri Newcastle,
segir að slæm byrjun hafi gert
það að verkum að hans lið tapaði.
„Ef við hefðum byrjað leikinn eins
og við eigum að gera á heimavelli
hefðum við getað unnið þennan
leik. Það er samt erfitt að mæta
jafn sterku liði og Manchester City
er,“ sagði Pardew. - egm
Argentínumaðurinn Carlos Tevez var lykillinn að sigri City á Newcastle:
Tevez færist nær fyrirgefningu
MAÐUR MEÐ SNUÐ Tevez fagnaði með
því að stinga upp í sig snuði.
NORDIC PHOTOS/GETTY IMAGES
FÓTBOLTI Dimitar Berbatov var
settur á bekkinn hjá Man. Utd
eftir að hafa skorað fimm mörk í
leiknum þar á undan. Hann kom
aftur í lið United í gær gegn Sund-
erland og svaraði fyrir sig með því
að skora tvö mörk og tryggja Unit-
ed þrjú stig. Hann er nú búinn að
skora 13 mörk í vetur og United
hefur ekki tapað í 17 leikjum í röð
í deildinni.
Þó svo Berbatov hafi skorað
tvö mörk horfa margir til þess að
Wayne Rooney tókst ekki að skora
en stuðningsmenn félagsins bíða
enn eftir því að enski framherj-
inn reimi á sig markaskóna eftir
að hafa þvingað fram risasamning
við félagið.
Sir Alex Ferguson, stjóri Man.
Utd, hefur þó litlar áhyggjur af
markaþurrð framherjans.
„Hann átti tvær góðar tilraunir í
þessum leik. Hann var mjög óhepp-
inn með vippuna sína í leiknum og
svo varði markvörðurinn vel frá
honum. Hann er alltaf að styrkj-
ast og færast nær sínu gamla
formi. Það mikilvæga er að hann
spili vel,“ sagði Ferguson en hans
lið lék vel í gær og hefði að ósekju
mátt vinna með meiri mun.
„Ég var vonsvikinn að vera
aðeins 1-0 yfir í hálfleik. Við óðum
í færum og skutum í markstang-
irnar á milli þess sem markvörð-
urinn þeirra varði vel. Þetta var
mjög spennandi fótbolti hjá okkur
en síðan virtumst við setja í þriðja
gír. Berbatov var góður en hann
hefði hæglega getað skorað fjögur
eða fimm mörk miðað við færin
sem hann fékk í leiknum,“ sagði
Ferguson en United mætir Birm-
ingham á morgun en leikmenn
Birmingham verða úthvíldir þar
sem leik þeirra í gær var frestað.
„Liðið er komið í gott form.
Spilamennskan í síðustu leikjum
hefur verið hressileg og við erum
að ná upp þeim stöðugleika sem við
erum þekktir fyrir. Sérstaklega er
kominn góður stöðugleiki í varn-
arleikinn hjá okkur og það veit á
gott. Við munum mæta fersku liði
Birmingham og það er alltaf erf-
itt að sækja liðið heim. Við erum
meðvitaðir um það. Ég mun gera
smávægilegar breytingar á liðinu
svo liðið verði ferskt.“
Steve Bruce stýrir liði Sunder-
land og hann þekkir vel til á Old
Trafford eftir að hafa leikið með
félaginu í mörg ár. Honum líst vel
á lið Ferguson þessa dagana.
„Ég hef heyrt því fleygt að Unit-
ed sé ekki að spila vel. Liðið hefur
samt ekki tapað leik í hálft ár. Það
er ekki amalegt hjá liði sem þykir
ekki spila vel,“ sagði Bruce.
„United er á toppi deildarinnar
og á leiki inni. Sagan segir okkur
síðan að United spilar alltaf betur
eftir áramót. Ég myndi ekki veðja
gegn því að United myndi standa
uppi sem meistari.“
Eiður Smári Guðjohnsen sat á
tréverkinu hjá Stoke City í gær
eins og venjulega er liðið vann
góðan sigur á Blackburn.
Stjóri liðsins, Tony Pulis, var
að vonum himinlifandi með sigur
sinna manna.
„Það var erfitt að sætta sig við
tapið gegn Blackpool um daginn og
það var þeim mun mikilvægara að
fá jákvæð úrslit í þessum leik og
mér fannst við eiga sigurinn skil-
inn,“ sagði Pulis.
„Við vorum ekki nógu beittir í
fyrri hálfleik en stigum upp í þeim
síðari. Ég get því ekki verið annað
en kátur.“
Steve Kean var að stýra Black-
burn í fyrsta skipti og hann hefur
þegar tekið fyrirliðabandið af
Christopher Samba sem vill kom-
ast frá félaginu þar sem Sam All-
ardyce var rekinn sem stjóri liðs-
ins.
„Christopher gat ekki leikið
vegna meiðsla en ef hann hefði
spilað þá hefði hann ekki verið fyr-
irliði. Ég get ekki verið með fyrir-
liða sem vill ekki vera hjá félag-
inu. Ef honum snýst hugur þá
endurskoðum við kannski málið,“
sagði Kean.
Mark Hughes á undir högg að
sækja hjá Fulham og stuðnings-
menn félagsins kröfðust þess að
hann yrði rekinn í gær er Fulham
tapaði gegn West Ham. Fulham
hefur nú leikið átta leiki í röð án
þess að vinna.
„Þegar við töpum heimaleikjum
þá hafa stuðningsmennirnir full-
an rétt á því að láta í sér heyra.
Ég held samt að meirihluta stuðn-
ingsmannanna skilji hvað við
erum að reyna að gera með þetta
lið. Það tekur sinn tíma og menn
verða að sýna þolinmæði. Þetta er
samt leiðinlegt því við erum klár-
lega með betra lið en taflan sýn-
ir,“sagði Hughes. henry@frettabladid.is
Berbatov afgreiddi Sunderland
Dimitar Berbatov skoraði bæði mörk United gegn Sunderland í gær og hefði hæglega getað skorað fjögur
eða fimm mörk í leiknum. United hefur ekki enn tapað leik í deildinni og situr í góðri stöðu á toppnum.
HEITIR SAMAN Berbatov virðist spila betur með Rooney á vellinum og Rooney lagði
upp fyrra mark Berbatovs í gær. NORDIC PHOTOS/GETTYIMAGES
Enska úrvalsdeildin:
ASTON VILLA - TOTTENHAM HOTSPUR 1-2
0-1 Rafael van der Vaart (23.), 0-2 Rafael van der
Vaart (66.), 1-2 Marc Albrighton (81.).
BLACKBURN ROVERS - STOKE CITY 0-2
0-1 Robert Huth (50.), 0-2 Marc Wilson (92.).
BOLTON - WEST BROMWICH ALBION 2-0
1-0 Matthew Taylor (39.), 2-0 Johan Elmander
(85.).
FULHAM - WEST HAM UNITED 1-3
1-0 Zoltan Gera (10.), 1-1 Carlton Cole (36.), 1-2
Frederic Piquionne (45.), 1-3 Carlton Cole (72.).
MANCHESTER UNITED - SUNDERLAND 2-0
1-0 Dimitar Berbatov (4.), 2-0 Dimitar Berbatov
(56.).
NEWCASTLE UNITED - MANCHESTER CITY 1-3
0-1 Gareth Barry (1.), 0-1 Gareth Barry (1.), 0-2
Carlos Tevez (4.), 1-2 Andy Carroll (71.), 1-3
Carlos Tevez (81.).
WOLVES - WIGAN ATHLETIC 1-2
0-1 Hugo Rodallega (8.), 0-2 Tom Cleverley (19.),
1-2 Steven Fletcher (86.)
STAÐAN:
Man. United 17 10 7 0 38-16 37
Man. City 19 10 5 4 28-16 35
Arsenal 17 10 2 5 34-19 32
Chelsea 17 9 4 4 31-12 31
Tottenham 18 8 6 4 27-23 30
Bolton 19 7 8 4 32-25 29
Sunderland 19 6 9 4 21-20 27
Stoke City 18 7 3 8 23-22 24
Newcastle 18 6 4 8 28-29 22
Liverpool 17 6 4 7 21-22 22
Blackpool 16 6 4 6 24-29 22
WBA 18 6 4 8 24-31 22
Blackburn 19 6 4 9 23-30 22
Everton 18 4 9 5 20-21 21
Aston Villa 18 5 5 8 20-30 20
Wigan Athletic 18 4 7 7 15-29 19
Birmingham 17 3 9 5 17-20 18
Fulham 18 2 10 6 17-23 16
West Ham 19 3 7 9 19-32 16
Wolves 18 4 3 11 19-32 15
NÆSTU LEIKIR:
Arsenal-Chelsea Mán. 27. desember
Man. City-Aston Villa Þri. 28. desember
Stoke-Fulham Þri. 28. desember
Sunderland-Blackpool Þri. 28. desember
Tottenham-Newcastle Þri. 28. desember
WBA-Blackburn Þri. 28. desember
West Ham-Everton Þri. 28. desember
Birmingham-Man. Utd Þri. 28. desember
Chelsea-Bolton Mið. 29. desember
Wigan-Arsenal Mið. 29. desember
Liverpool-Wolves Mið. 29. desember
MARKAHÆSTIR:
Dimitar Berbatov, Man. Utd 13 mörk
Carlos Tevez, Man. City 12
Andy Carroll, Newcastle 11
Tim Cahill, Everton 9
Johan Elmander, Bolton 9
Samir Nasri, Arsenal 8
Kevin Nolan, Newcastle 8
Rafael van der Vaart, Tottenham 8
ÚRSLIT
FÓTBOLTI Hollendingurinn Rafael
van der Vaart var enn eina ferð-
ina hetja Tottenham er liðið lagði
Aston Villa, 2-1, á útivelli þrátt
fyrir að vera manni undir í rúman
klukkutíma.
„Við vissum alltaf að þetta yrði
erfitt enda er Villa með gott lið.
Það var frábært að ná útisigri
með aðeins tíu leikmönnum. Þetta
var gríðarlega erfitt en við stóð-
um okkur vel og börðumst fram á
síðustu mínútu,“ sagði Hollending-
urinn sem var sérstaklega ánægð-
ur með seinna markið. „Seinna
markið var gríðarlega mikilvægt
og þá fékk ég á tilfinninguna að
við myndum vinna.“ - hbg
Tottenham sýndi mikinn styrk gegn Aston Villa:
Villa réð ekki við
tíu leikmenn Spurs
SJÁUMST Jermain Defoe fékk að líta rauða spjaldið í gær en það kom ekki að sök.
NORDIC PHOTOS/GETTY IMAGES