Fréttablaðið - 31.12.2010, Qupperneq 62
31. desember 2010 FÖSTUDAGUR54
sport@frettabladid.is
13
DAGAR
ÍSLAND hefur einu sinni tekið þátt á HM í Svíþjóð áður en það var þegar keppnin fór þar fram árið 1993. Íslenska landsliðið
endaði í 8. sæti á mótinu eftir 21-22 tap fyrir Tékkóslóvakíu í leiknum um 7. sætið. Liðið vann Ungverja, Bandaríkjamenn og Dani á
mótinu en tapaði fyrir Svíum, Þjóðverjum, Rússum og Tékkum. Ísland er í riðli með Ungverjalandi núna eins og fyrir 17 árum.
ÓTRÚLEGT ÁR Í HÓLMINUM Snæfellingar, með Hlyn Bærings-
son fremstan í flokki, urðu tvöfaldir meistarar í körfubolta á
árinu. Liðið varð Íslandsmeistari í fyrsta sinn eftir hörkueinvígi
gegn Keflavík í úrslitum. FRÉTTABLAÐIÐ/DANÍEL
TITILL EFTIR LANGA BIÐ Berglind Íris Hansdóttir lyftir hér
Íslandsmeistarabikarnum í handbolta en Valur varð þá
meistari í fyrsta sinn í 27 ár. FRÉTTABLAÐIÐ/ANTON
KLYFJAÐUR VERÐLAUNAGRIPUM Haukar
unnu fjóra titla á síðasta keppnistímabili
undir stjórn Arons Kristjánssonar og
bættu þeim fimmta í safnið í haust er
liðið vann Meistarakeppni HSÍ. Þá var
Aron reyndar farinn til Þýskalands þar
sem hann er þjálfari Hannover-Burgdorf.
FRÉTTABLAÐIÐ/DANÍEL
Íþróttaárið 2010 í máli og myndum
Eins og ávallt kenndi ýmissa grasa í íþróttalífinu á árinu. Fréttablaðið stiklar hér á því helsta sem átti sér stað
en fulltrúar Íslands náðu góðum árangri á Evrópumeistaramótum í handbolta, fótbolta og hópfimleikum.
VANN TVÖFALT Birgir Leifur Hafþórsson
varð fyrsti maðurinn í mörg ár til að
afreka það að verða bæði Íslandsmeist-
ari í höggleik og holukeppni á árinu.
FRÉTTABLAÐIÐ/DANÍEL
UNGA LIÐIÐ VARÐ MEISTARI Ungt lið Breiðabliks varð Íslands-
meistari í knattspyrnu í fyrsta sinn í sögu félagsins eftir harða
baráttu við FH og ÍBV. Ólafur Kristjánsson, þjálfari liðsins, varð
einnig Íslandsmeistari í fyrsta sinn á sínum langa ferli sem
leikmaður og þjálfari. FRÉTTABLAÐIÐ/ANTON
HM-BRONS Helga Margrét Þorsteins-
dóttir náði þeim glæsilega árangri í júlí
í sumar að vinna til bronsverðlauna í
sjöþraut á HM unglinga sem fór fram í
Moncton í Kanada. FRÉTTABLAÐIÐ/ARNÞÓR
SÖGULEGUR ÁRANGUR Íslenska karlalandsliðið, skipað
leikmönnum 21 árs og yngri, var ein sjö Evópuþjóða sem
komust upp úr undankeppni Evrópumeistaramótsins og
keppir í úrslitakeppninni í Danmörku næsta sumar. Liðið vann
glæsilegan 4-1 sigur á ríkjandi Evrópumeisturum í þessum
aldurs flokki, Þýskalandi, í Kaplakrika í sumar og lagði svo
Skota í umspilsleikjum í haust. FRÉTTABLAÐIÐ/ANTON
AFTUR TVÖFALT Valur varð bæði Íslands- og bikarmeistari
kvenna í knattspyrnu í sumar, annað árið í röð. Þetta var
fimmti Íslandsmeistaratitill liðsins í röð. FRÉTTABLAÐIÐ/STEFÁN
BRONS Í AUSTURRÍKI Ísland vann til verðlauna á sínu öðru stórmóti í handbolta karla í röð. Strákarnir okkar unnu brons á EM í Austurríki eftir sigur á Pólverjum í háspennu-
leik þar sem Alexander Petersson náði að stela boltanum í hraðaupphlaupi Pólverja á ögurstundu. FRÉTTABLAÐIÐ/DIENER
STJARNA Í ÞÝSKALANDI Gylfi Þór
Sigurðsson átti frábært ár. Hann varð
fastamaður í A-landsliðinu, skoraði bæði
mörkin í 2-1 sigri á Skotum í Edinborg
sem tryggði U-21 landsliðinu sæti á EM
og var valinn leikmaður ársins hjá enska
B-deildarliðinu Reading. Hann var svo
seldur til Hoffenheim í Þýskalandi fyrir
metfé, um sex milljónir evra, og hefur
slegið í gegn þar. NORDICPHOTOS/BONGARTS
EVRÓPUMEISTARAR Ísland eignaðist Evrópumeistara í hópfim-
leikum á árinu er lið Gerplu bar sigur úr býtum á EM sem fór
fram í Malmö í Svíþjóð. FRÉTTABLAÐIÐ/ANTON EINOKUN SPÁNVERJA Landslið Spánar festi sig í sessi sem eitt allra besta landslið
sögunnar með sigri á HM í Suður-Afríku í sumar eftir sigur á Hollandi í úrslitaleik.
Liðið er einnig ríkjandi Evrópumeistari. NORDIC PHOTOS/AFP
TVÖFÖLD ÁNÆGJA Í LUNDÚNUM Chel-
sea varð bæði Englands- og bikarmeist-
ari á síðasta keppnistímabili. Hér er
fyrirliðinn John Terry með sigurlaunin
í einni elstu og virtustu bikarkeppni
heims, FA-bikarnum. NORDICPHOTOS/GETTY
ÓTRÚLEGUR JOSE Inter varð þrefaldur
meistari í vor undir stjórn Jose
Mourinho. Liðið varð Evrópumeistari
eftir 2-0 sigur á Bayern München í
úrslitaleik Meistaradeildar Evrópu sem
fór fram á Santiago Bernabeu í Madrídar-
borg. Stuttu síðar var Mourinho búinn að
ráða sig til Real Madrid. NORDICPHOTOS/GETTY