Sameiningin - 01.11.1945, Blaðsíða 12

188
Sennilega er ekki hægt að segja það með orðum, hve
rnikil blessun hefir af því starfi hlotist, í erfiðleikum í
gleði og í sorg.
Þú skilar kveðju minni og hamingjuóskum til þeirra
allra sem þú hittir á kirkjuþinginu og annarsstaðar. Til
barnanna og unga fólksins, sem mér féll svo einkar vel við,
,til þeirra sem fulltíða eru og aldraða fólksins, sem eins og
eðlilegt er horfir oftast í anda heim til Islands með heitum
tilfinningum.
íslendingar vestan hafs eiga mínar innilegustu blessun-
aróskir og fyrirbænir.
Þinn
Pabbi.
ðja frá séra Friðrik
Hallgrímssynni
Lesin af Próf. Á. Guðmundssyni.
Reykjavík, 12. júní 1945.
Kæru bræður og systur í Hinu Evangeliska Lúterska
Kirkjufélagi íslendinga í Vesturheimi.
Ljúft hefði mér verið að geta haldið þessa sextíu ára
afmælishátíð með y.kkur. En eg er nú farinn að gj örast aldr-
aður og hefi ekki sama áræði og þrek til ferðalaga og eg
hafði meðan eg var samverkamaður ykkar.
En eg hugsa til ykkar á þessari hátíð. Því að hugljúft
var mér starfið með ykkur árin mörgu sem eg var hjá ykk-
ur, og margar góðar minningar geymi eg frá þeim árum.
Eg minnist margra góðra samverkamanna, leikra og
lærðra, sem eg var þá í náinni samvinnu við, og reyndust
mér aílir sem bræður. Sumir þeirra eru enn starfandi í
Kirkjufélaginu, en margir 'eru horfnir ú bópnum. Guð blessi
þá alla, lífs og liðna! — Og eg minnist margra ánægjulegra
kirkjuþinga og prestafunda, þar sem sameiginlegur áhugi
fyrir eflingu guðsríkis hjá þjóðarbrotinu íslenzka vestan
hafs sameinaði okkur til samstarfs og treysti vináttuböndin
okkar á milli. Oft hugsa eg til ykkar.