Sameiningin - 01.11.1945, Blaðsíða 26

202
Ársskýrsla trúboðsnefndar 1 945
TrúboSsnefnd Kirkjufélagsins hefir starfað áfram á hinu
liðna ári í sama anda og endranær, og sýnt viðleitni í þá
átt að sinna þörfum hins víðlenda trúboðsakurs eftir beztu
getu. Þörfin er afar mikil, og möguleikarnir til að sinna
þörfinni allir fyrir hendi í ríkum mæli, ■— að einu undan-
teknu. Bæði áhugi og peningar eru fyrirliggjandi hjá Kirkju-
félaginu, Trúboðsnefndinni og Heimatrúboðsnefnd hinnar
miklu kirkjuheildar (United Lutheran Church in America)
til að fullnægja öllum okkar trúboðsþörfum alt til yztu
endimarka hinnar miklu dreifingar íslendinga í Vestur-
heimi. Akurinn er hvítur til uppskeru, en starfsmennirnir
eru of fáir. Hefðum við a. m. k. sex unga og hæfa presta til
að bæta við hóp kennimanna vorra, gæti Trúboðsnefndin
gefið ykkur margfalt glæsilegri skýrslur en henni er nú
mögulegt.
Á þeim svæðum, sem starfrækt hafa verið, hefir árang-
urinn orðið mikill og blessunarríkur. Þau héruð, sem ekki
hafa getað notið fastrar prestsþj ónustu, hafa tekið með
fögnuði á móti þeirn prestum, sem nefndin hefir sent til
þeirra með fagnaðarerindið.
Nefndin leyfir sér nú að leggja fyrir kirkjuþing greinar-
gjörð af ráðsmensku sinni, starfi og trúboðsviðhorfi á hinum
ýmsu héruðum sem tilheyra hennar verkahring.
Seattle, Washington.
Ágætt samstarf prests og safnaðar hefir ummyndað
Hallgrímssöfnuð (Calvary Lutheran Church) 1 Seattle. Síðan
séra Haraldur S. Sigmar hóf þar starf fyrir tveimur árum,
hefir tala safnaðarmeðlima farið vaxandi, og teljast alls í
lok apríl mánaðar s. 1. 248, en af þeirri tölu eru 175 fermdir
meðlimir, og af þeim hafa 106 gengið til altaris á árinu.
Söfnuðurinn greiddi s. 1. ár, helming af launum prestsins,
en Board of American Missions hinn helminginn. Á yfir-
standandi ári greiðir söfnuðurinn tvo þriðju af prests-
launum, en B.A.M. einn þriðjung. Einnig hefir söfnuðurinn
tekið að sér að borga leiguna á prestshúsinu. Til að byggja
prestshús, sem skuli vera eign safnaðarins, hefir sjóður