Sameiningin - 01.11.1943, Page 11

105
árum undir áhrif þessa mikilsvirta og ástsæla æskulýðs-
leiðtoga heimaþjóðarinnar, munu einnig jafnan minnast
hans með þakklæti og virðingu.
Undanfarin ár hefir séra Friðrik dvalið í Danmörku og
hefir, auk annara starfa, lokið við að rita æfisögu sína.
Danska stórblaðið “Berlingatíðindi’' í Kaupmannahöfn flutti
á afmælisdaginn langt samtal við hann, en vinir hans og
samstarfsmenn héldu honum aímælisveislu í húsi K. F. U. M.
þar í borginni. Hafði hann áður dvalið langvistum og starfað
að kristilegum málum í landi þar og er þar vinsæll mjög
eigi síður en í heimalandi sínu. Vinir hans hérna megin
hafsins senda honum kveðjur og árnaðaróskir yfir hið
breiða haf og fagna þeirri frétt, að líðan hans er góð.
Preslaslefnan 1943.
Prestastefna íslands var í ár háð í Reykjavík dagana
27.—29. júní, og var hin fjölmennasta, sem haldin hefir verið
í seinni tíð, er 70 prestvígðir menn sóttu hana og að auk
nokkurir guðfræðinemar. Við guðsþjónustu þá, er fram fór
í byrjun prestastefnunnar, var vígður til Glaumbæjarpresta-
kalls séra Gunnar Gíslason cand. theol. frá Seyðisfirði. Kvað
vígsluathöfnin hafa verið bæði fögur og hátíðieg, eins og
vænta mátti. Auk hans höfðu fjórir nýir starfsmenn bætst
í hóp íslenzkra presta á árinu, meðal þeirra Sigurbjörn Ást-
valdur Gíslason, er vígður var heimilisprestur á Elliheimil-
inu Grund í Reykjavík. Samkvæmt skýrslu biskups höfðu
einnig fimm prestar fallið frá á árinu, og var séra Stefán
Björnsson á Eskifirði, prófastur í Suður-Múlaprófastsdæmi
og fyrrv. ritstjóri “Lögbergs”, einn þeirra.
Þá skýrði biskup frá því að allmargar kirkjur væru í
smíðum víðsvegar á landinu, eða yrðu reistar á þessu ári.
Ennfremur greindi hann frá því að sálmabókarnefndin
hefði að mestu leyti lokið störfum sínum og kæmi hin
nýja sálmabók væntanlega út í haust eða snemma vetrar.
Munu margir fagna þeim tíðindum og hyggja gott til útgáfu
sálmabókar þessarar, því að hennar er sannarlega engin
vanþörf.
Prestastefnan hafði með höndum mörg merkismál, varð-
andi andlegt líf þjóðárinnar og menningu hennar, meðal
annars samþykkti hún sérstaklega eftirtektarverðar tillögur
um aukna kristindómsfræðslu í skólum landsins, unglinga
skólum, héraðs- og gagnfræðaskólum, húsmæðraskólum,
kvennaskólum og stúdentaskóium, er fara fram á það, að