Fréttablaðið - 08.03.2011, Blaðsíða 12

8. mars 2011 ÞRIÐJUDAGUR
HEILBRIGÐISMÁL Börn með ADHD
verða oft á tíðum fyrir fordóm-
um og dregið hefur úr stuðnings-
úrræðum innan skólanna fyrir
börn með hegðunar- og þroskafrá-
vik. Þetta er mat fimm barna- og
unglingageðlækna á BUGL, sem
Læknablaðið greinir frá.
Á málþingi Læknadaga í síð-
asta mánuði fór fram umræða um
ADHD. Þar kom meðal annars
fram að ADHD sé í mörgum til-
vikum óþekkt og að sumir kennar-
ar heimti greiningu á uppivöðslu-
sama drengi sem fái ekki útrás
fyrir hreyfiþörf sína í skólanum.
Að mati geðlæknanna Gísla
Baldurs sonar, Bertrands Lauth,
Helga Garðarssonar, Dagbjartar
Sigurðardóttur og Guðrúnar B.
Guðmundsdóttur var sú umræða
villandi og eru þau ósátt við að
blandað sé saman málefnum barna
og fullorðinna þegar um ADHD er
að ræða.
Guðrún B. Guðmundsdóttir
segir langflesta foreldra ekki vilja
setja börnin sín á lyf. Allt að fimm
prósent barna séu mögulega með
ADHD og nauðsynlegt sé að finna
betri úrræði fyrir þau í skólum.
„Börnin passa kannski ekkert
inn í hið hefðbundna form skóla-
kerfanna. Það væri óskandi að það
væru fleiri úrræði og meiri mögu-
leikar á því að setja börnin í minni
hópa,“ segir Guðrún. - sv
Barnageðlæknar segja börn með ADHD verða fyrir fordómum í samfélaginu:
Úrræðum fyrir börnin ábótavant
BUGL Fimm geðlæknar á BUGL gagnrýna
þá umræðu sem hefur verið um börn
með ADHD og segja úrræði skorta.
SAMGÖNGUR Fyrirhugaður starfs-
hópur ríkisstjórnarinnar um við-
brögð við verðhækkunum á elds-
neyti mun meðal annars skoða
eflingu almenningssamgangna í
samstarfi við sveitarfélög landsins.
Halldór Halldórsson, for maður
Sambands íslenskra sveitar-
félaga, segist, í samtali við Frétta-
blaðið, vona að ríkið hverfi alfarið
frá skattlagningu á almennings-
samgöngur.
Að mati Halldórs myndu slík-
ar aðgerðir hafa jákvæð áhrif og
bæta nýtingu á almenningssam-
göngum.
„Það er slæmt að sjá hálftóma
strætisvagna á götunum og það
er okkar skoðun að ef skattlagn-
ingu verði hætt, muni það verða
til þess að almenningssamgöngur
verði samkeppnisfærar við einka-
bíla.“
Halldór segir að með því væri
til mikils að vinna þar sem aukin
notkun almenningssamgangna
kæmi öllum landsmönnum vel.
Stjórnvöldum hefur verið kynnt
afstaða sveitarfélaga og segir
Halldór að móttökur hafi verið
jákvæðar.
„Svo er bara spurning hvern-
ig verður unnið úr því, en okkar
stefna er klár.“ - þj
Sveitarfélög um hugmyndir til eflingar almenningssamgangna:
Ekki skatta á almenningssamgöngur
ALLIR MEÐ STRÆTÓ Samband íslenskra
sveitarfélaga vill afnema skatta á
almenningssamgöngur. FRÉTTABLAÐIÐ/PJETUR
Þú færð meira, meira eða
miklu meira í Vodafone Gull.
0 kr. úr heimasíma
í heimasíma og
fullt af mínútum
í farsíma
Skráðu þig í 1414 strax í dag
vodafone.is
SKÓLAMÁL Leikskólasvið Reykja-
víkurborgar hefur sagt upp samn-
ingi um leikskóladvöl barna sem
flytjast milli leikskóla á höfuð-
borgarsvæðinu.
„Undanfarin ár hafa mun fleiri
börn með lögheimili í nágranna-
sveitarfélögum Reykjavíkur
dvalið í reykvískum leikskólum
en reykvísk börn í leikskólum
þeirra,“ segir Kristín Egilsdóttir,
fjármálastjóri leikskólasviðs borg-
arinnar, í bréfi til nágrannasveit-
arfélaganna.
Samkvæmt upplýsingum frá
leikskólasviði eru að jafnaði 33
börn úr öðrum sveitarfélögum í
leikskóla í Reykjavík en fimmtán
reykvísk börn í leikskólum ann-
arra sveitarfélaga.
Kristín segir upphæðir í gjald-
skrá sem notuð sé til viðmiðunar
vera langt undir raunkostnaði og
þar með sé Reykjavíkurborg að
niðurgreiða leikskóladvöl þeirra
barna sem séu í reykvískum leik-
skólum en eigi lögheimili í öðru
sveitarfélagi. „Það er óviðunandi,
ekki síst í árferði sem nú, þegar
grípa þarf til sársaukafullra
aðgerða til að hagræða í rekstri,“
skrifar Kristín í bréfi sínu.
Uppsögnin á samkomulaginu
tekur gildi 1. júní. Kristín segir
leikskólasvið Reykjavíkurborgar
hafa reynt allt frá árinu 2008 að
fá viðmiðunargjaldskrá Sambands
íslenskra sveitarfélaga (SÍS)
breytt þannig að hún endurspegli
raunkostnað við leikskóladvölina.
„Ekkert hefur þokast í samnings-
átt,“ segir Kristín, sem upplýsir
að við gerð fjárhagsáætlunar
borgarinnar hafi verið ákveðið að
fara ekki eftir gjaldskránni held-
ur innheimta meðalraunkostnað
fyrir börn í sama árgangi í leik-
skólum borgarinnar. Sparnaður
vegna þessara breytinga er áætl-
aður á sjöundu milljón króna á ári.
Fjármálastjóri leikskólasviðsins
stingur upp á tveimur útfærslum
við skiptingu kostnaðarins.
Annars vegar að borgin sendi
mánaðarlega reikning fyrir
dvölina til lögheimilissveitar-
félagsins sem síðan rukki foreldr-
ana fyrir þeirra hlutdeild. Hins
vegar að foreldrununum sé send-
ur reikningur fyrir því sem svar-
ar til fullrar gjaldskrár lögheim-
ilissveitarfélagsins og síðan fái
sveitar félagið reikning fyrir því
eftir stendur.
Fulltrúar allra sveitarfélaganna
og SÍS funduðu 1. mars til að fara
yfir breytingarnar. Þar var mál
manna að fara eftir fyrri leiðinni
hér að ofan á síðari helmingi þessa
árs, það er að senda sveitarfélög-
unum reikningana en ekki for-
eldrunum beint. SÍS hyggst síðan
leggja fram tillögur um framtíðar-
skipanina 1. september. „Á meðan
það er uppi ágreiningur um hvaða
forsendur eigi að nota til að reikna
út sanngjarnt viðmiðunargjald
þá klárum við ekki málið,“ segir
Tryggvi Þórhallsson hjá lögfræði-
sviði SÍS.
gar@frettabladid.is
Samningi um dvöl á
leikskólum sagt upp
Borgaryfirvöld segja óviðunandi að niðurgreiða leikskóladvöl barna úr öðrum
sveitarfélögum og segja upp samningi um dvalarskipti. Viðmiðunargjaldskrá sé
langt undir kostnaði. Borgin vill spara á sjöundu milljón með breyttri gjaldskrá.
LEIKSKÓLABÖRN Reykjavíkurborg telur fjárhagslega á sig hallað varðandi vistaskipti
leikskólabarna milli sveitarfélaga á höfuðborgarsvæðinu. FRÉTTABLAÐIÐ/STEFÁN