Fréttablaðið - 08.03.2011, Blaðsíða 30

8. mars 2011 ÞRIÐJUDAGUR22 22
menning@frettabladid.is
Tónlist ★★★★
Tíbrá
Herdís Anna Jónasdóttir sópran og Semjon Skigin píanóleikari í
Salnum í Kópavogi
Flott, ferskt og spennandi
Herdís Anna Jónasdóttir sópran og
Semjon Skigin píanóleikari í Salnum í
Kópavogi.
Blóm eru ekki bara blóm. Rauð
rós táknar ást, valmúi svefn, hvít lilja
hreinleika Maríu meyjar. Blóm koma
fyrir í skáldskap hvað eftir annað og
ótal tónskáld hafa lyft þessum ljóðum
í hæstu hæðir.
Á sérlega vel ígrunduðum tón-
leikum í Salnum í Kópavogi á laugar-
daginn var boðið upp á hugleiðingar
um blóm og margt af því sem þau
standa fyrir. Þarna voru ljóðasöngvar
eftir Schumann, Grieg, Rakmaninov,
Rimskí-Korsakov, Richard Strauss og
Debussy. Einnig eftir nánast óþekkt
tónskáld í íslensku tónlistarlífi, Carlos
Guastavino frá Argentínu.
Ég segi vel ígrunduðum vegna þess
að tónleikar söngvara hér á landi eru oft lítið annað en fremur ómerkilegt
bland í poka. Það er jú Draumalandið og annað í þeim dúr. Og svo er hent
í mann nokkrum aríum til að sýna hvers söngvarinn er megnugur. Ekkert
konseft, engin heildarmynd, enginn listrænn metnaður.
Hér var annað á ferðinni. Ein lykilhugmynd sem hélt dagskránni saman,
rauður þráður sem tengdi ólík lög. Og ekki bara tónlist sem allir hafa heyrt
margoft, heldur líka eitthvað ferskt og spennandi – alla leið frá Argentínu!
Svona fagmannlega samansett dagskrá lofaði góðu um sjálfan
flutninginn. Og hann olli ekki vonbrigðum. Herdís Anna Jónasdóttir
sópran er ættuð frá Ísafirði, og hún er enn í námi í Hanns Eisler
tónlistarháskólanum í Berlín. Hún hlýtur að vera á síðustu stigum námsins,
því hún gaf topp fagmanneskju með margra ára reynslu lítið eftir.
Vissulega mátti greina ákveðinn LÆRDÓM í túlkuninni, fjarlægð frá skáld-
skapnum sem einkennir námsmanninn. Herdís Anna er enn að tileinka sér
hvernig á að gera hlutina, og það gerði túlkunina örlítið þurra, sérstaklega
í byrjun. En hún söng samt svo vel, og byggði túlkunina svo vel upp, litaði
skáldskapinn með svo fallegum litum að ekki var annað hægt en að hrífast
með. Ég dáðist að fagurri röddinni, sem var silkimjúk, tær og kraftmikil, og
ég dáðist að öllum blæbrigðunum í raddhljómnum. Og sviðsframkoman var
afslöppuð og eðlileg, sem er ekki lítið atriði. Herdís Anna er án efa einhver
efnilegasta tónlistarmanneskjan á Íslandi í dag.
Semjon Skigin, sem starfar sem meðleikari við Hanns Eisler tónlistar-
háskólann, var einnig frábær. Píanóleikurinn var óvanalega litríkur og lifandi,
en líka einstaklega nákvæmur og skýr. Og hann rann svo vel saman við
sönginn að maður vissi varla hvar annað endaði og hitt byrjaði. Þannig á
píanómeðleikur einmitt að vera.
Ég hlakka til að heyra Herdísi syngja aftur, helst með svona góðum píanó-
leikara! Jónas Sen
Niðurstaða: Tónleikar Herdísar Önnu Jónasdóttur og Semjon Skigin voru
einstök skemmtun.
GUITAR ISLANCIO Á ÁLAFOSSI Gítartríóið Guitar Islancio leikur á Kaffihúsinu á Álafossi í Mosfellsbæ á
fimmtudagskvöld. Tríóið er nýkomið frá Þýskalandi þar sem það lék meðal annars á hinum margrómaða Bix Jazzclub
í Stuttgart. Félagarnir munu leika fjölbreytta tónlist á Kaffihúsinu á Álafossi og verður hvergi slegið af í hryn og tóni.
Tónleikarnir hefjast klukkan 21 og er miðasala við innganginn.
Hverfiskettir kvikmynda-
gerðarmannsins Ástu
Briem eru viðfangsefni
ljósmyndasýninga hennar
í Galleríi Horni og Kaffi-
félaginu á Skólavörðustíg.
„Ætli þessi sýning sé ekki afrakst-
ur síðustu þriggja ára eða svo.
Sjálf hef ég búið í póstnúmerinu
101 í tíu ár og því eru gönguferð-
irnar í hverfinu orðnar ófáar,“
segir kvikmyndagerðarmaður-
inn Ásta Briem, sem opnaði ljós-
myndasýninguna 101 köttur í gær.
Eins og nafnið gefur til kynna er
um að ræða ljósmyndir af 101 ketti
sem búa í 101 Reykjavík, eða eiga
þar í það minnsta sitt varnarþing.
Ásta segir tildrögin að sýning-
unni þau að hún hafi iðulega verið
með myndavél meðferðis á göngu
sinni um hverfið, til og frá vinnu
og í fleiri erindagjörðum. „Þetta
mikla kattaval í 101 vakti athygli
mína og eftir að hafa smellt mynd-
um af tíu köttum eða svo einsetti
ég mér að linna ekki látum fyrr en
kettirnir á myndunum væru orðn-
ir 101 talsins,“ segir hún og bætir
við að næsta ljósmyndaverkefni
sé enn óráðið, en hún hafi gaman
af því að taka myndir og ætli sér
að halda því áfram. „Þetta er svo
skemmtileg andstæða við kvik-
myndagerðina, þar sem allt er svo
stórt og gerist svo hratt. Í raun
eru ljósmyndirnar róandi áhuga-
mál hjá mér.“
Ásta opnaði sýninguna í fullri
stærð á vinnustofu sinni, Galleríi
Horni á Skólavörðustíg 6b, sem
einnig hýsir Leynileikhúsið, í
gær. Aðgangseyrir er enginn, enda
snúa ljósmyndirnar að gluggum
gallerís ins og gestum því frjálst
að njóta sýningarinnar allan
sólar hringinn næsta mánuðinn.
Smækkuð mynd sýningarinnar,
svokölluð örsýning, var þá einnig
opnuð í barnaglugga Kaffifélags-
ins að Skólavörðustíg 10, en þar
verða sýningar eftir fleiri lista-
menn næstu mánuði.
Í takt við viðfangsefnið hefur
Ásta komið fyrir bökkum með
kattamat fyrir utan Gallerí Horn
og býður hún alla ketti meira en
velkomna á sýninguna. „Ef eig-
endur rekast á myndir af gælu-
dýrunum sínum stendur þeim líka
til boða að kaupa þær á gríðar-
lega hófsömu verði,“ segir Ásta að
lokum. kjartan@frettabladid.is
101 köttur í 101 Reykjavík
HVERFISKETTIRNIR Ásta Briem hefur síðustu þrjú árin tekið ljósmyndir af köttum
sem hafa orðið á vegi hennar í 101 Reykjavík. FRÉTTABLAÐIÐ/VALLI
Dýrasta málverk heims, Nu au
Plateau de Sculpteur eða Nekt,
græn lauf og brjóstmynd, eftir
Pablo Picasso, verður til sýnis í
Tate Modern nútímalistasafninu í
London. Verkið hefur aldrei verið
sýnt í Bretlandi áður en þetta
verður í fyrsta sinn síðan 1961
sem myndin kemur fyrir almenn-
ingssjónir.
Myndin var máluð 1932
og sýnir eiginkonu og músu
Picassos, Marie-Therese Walter.
Sérstakur Picasso-salur var út-
búinn á safninu fyrir verkið.
Nekt, græn lauf og brjóstmynd
komst í metabækurnar í fyrra
þegar málverkið var slegið á upp-
boði fyrir 106,5 milljónir dala eða
um 13,6 milljarða króna. Kaup-
andinn vildi ekki láta nafn síns
getið. - bs
Dýrasta verkið til
sýnis í Tate Modern
NEKT, GRÆN LAUF OG BRJÓSTMYND
Picasso málaði myndina á einum degi
árið 1932 og er hún af ástkonu hans og
músu, Marie-Therese Walter.
ÍS
L
E
N
S
K
A
S
IA
.I
S
M
S
A
5
31
35
0
2/
11
100%
HÁGÆÐA
MYSUPRÓTEIN
WWW.MS.IS
NÚ EINNIG FÁANLEGUR Í FERNU
PRÓTEINDRYKKURINN SEM
ÍSLENDINGAR FÁ ALDREI NÓG AF
HLEðSLA ER KJÖRIN FYRIR ALLA ÞÁ SEM TREYSTA Á
HOLLA OG UPPBYGGILEGA NÆRINGU EFTIR GÓðA ÆFINGU,
LANGT HLAUP EðA MILLI MÁLA. ÞAð ER ENGIN TILVILJUN
Að ÍSLENDINGAR FÁ ALDREI NÓG AF HLEðSLU.
HENTAR VEL FÓLKI MEð MJÓLKURSYKURSÓÞOL.
MJÓLKURSAMSALAN
NÝBRAGð-TEGUND
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU