Fréttablaðið - 08.03.2011, Blaðsíða 14

14 8. mars 2011 ÞRIÐJUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Kæri Jón!Við erum að fara í gegnum ólgusjó
og í því ljósi skiptir miklu að hafa réttsýn-
an og kjarkmikinn stjórnanda sem stýrir
okkur á lygnan sjó.
Í Fréttablaðinu þann 5. mars sl. birtist
eftir þig grein, þar sem þú talaðir um
sameiningu leikskóla og vitnar í skólana
sem ég stýri. Ég finn mig knúna til að
leiðrétta grundvallarmisskilning í þeirri
umræðu. Forsendurnar að sameiningu
skólanna Tjarnarborgar og Öldukots voru
allt aðrar en þær sem eru lagðar til grund-
vallar í þeim sameiningum sem nú standa
fyrir dyrum.
Leikskólarnir Tjarnarborg og Öldukot
voru sameinaðir til að taka þátt í tilrauna-
verkefni um samrekstur. Báðir leikskól-
arnir eru staðsettir í miðborginni, þeir
starfa eftir svipaðri hugmyndafræði, eru
vel mannaðir og hafa skilað góðu starfi
undanfarin ár.
Annað sem mælti með því að þessir leik-
skólar tækju þátt í tilraunaverkefninu er
að leikskólastjóri Öldukots hafði sagt upp
störfum. Engum starfsmanni var sagt upp
störfum. Þessi staðreynd skiptir sköpum
þar sem grundvallarbreyta í breytingar-
ferlinu er að allt starfsfólk sé sátt við ferl-
ið, sem er samkvæmt öllum kennismiðum
breytingafræða, langt og strangt.
Núna ætlið þið að höggva í það mikla og
góða uppbyggingastarf sem unnið hefur
verið á síðastliðnum þrjátíu árum í leik-
skólum borgarinnar fyrir túkall.
Í samrekstri leikskólanna sem ég stýri
höfum við ekki enn orðið vitni að fjár-
hagslegum ávinningi. Staðreyndin er sú
að starf leikskólastjóra er margþætt, til
dæmis sjáum við um rekstur skólanna,
faglega sýn og erum starfsmannastjórar.
Þar sem ég stýri tveimur húsum þarf ég
að vera til staðar í þeim báðum og í því
ljósi minnkar viðvera mín um helming.
Það þýðir að álagið eykst á millistjórnend-
um, og að ráða þarf starfsfólk í það hlut-
fall er uppá vantar! Því spyr ég: Erum við
ekki að bíta í skottið á okkur?
Kæri Jón, við erum að vinna með „alls
konar“ manneskjur, traust er hugtak sem
skiptir gríðarlega miklu máli í vinnu með
fólki. Ég finn það svo sannarlega í öllum
þeim breytingum sem ég er að stýra í
þessum skrifuðu orðum hvað gott og
traust fólk er mikill fengur. Þegar kenn-
arar og starfsfólk er ánægt í starfi spegl-
ast það í þeim sem erfa landið, börnunum
okkar!
Taktu eitt skref í einu því góðir hlutir
gerast hægt.
Bréf til borgarstjóra
Leikskólar
Hulda
Ásgeirsdóttir
leikskólastjóri
Tjarnarborgar og
Öldukots
Höskuldur
Ný alda óánægju vegna hárra launa
bankastjóra hefur skollið á sam-
félaginu. Höskuldur Ólafsson í Arion
á sviðið. Hann er með nokkuð á
fimmtu milljón króna á mánuði.
Rúmar 50 milljónir á ári. Meðal-
árslaun í landinu eru tæpar fimm
milljónir. Almennt var talið að
ofurlaun hefðu runnið sitt skeið.
Að einn af lærdómunum eftir fall
bankanna hefði verið að mjög
há laun nokkurra væru
óheppileg hér í fámenn-
inu. En það hefur svo
sem sýnt sig áður að
sumir vilja ekkert læra.
Samkeppnisbransi
Fyrir hrun fóru bankamenn með þá
möntru að laun þeirra þyrftu að vera
samkeppnishæf við það sem gerðist
í útlöndum. Bankastarfsemi
væri jú alþjóðleg sam-
keppnisgrein. Þeir sögðu
að ef þeir fengju ekki góð
laun hér færu þeir bara að
vinna fyrir einhvern banka
í útlöndum. Það yrði missir
okkar hinna. Auðvitað
vildum við nú
að þeir hefðu
farið. En. Telur
Arion sig eiga
á hættu að
missa Höskuld
Ólafsson? Þarf meira en 50 milljónir
á ári til að halda honum í starfi?
Við eigum 39,4 milljarða
Það er rétt að rifja upp fyrir þá sem
ráða Arion að bankinn er reistur á
rústum Kaupþings. Gjaldþrot þess
fyrirtækis er eitt af tíu stærstu gjald-
þrotum heimsviðskiptasögunnar.
Framlag íslenska ríkisins – íslenskra
skattborgara – til Arion nemur 39,4
milljörðum króna. Er til of mikils
mælst að biðja um að þessi banki
umgangist peninga af virðingu? Að
hann sýni íslenskum skattgreiðend-
um svolitla auðmýkt og lagi sig að
því samfélagi sem hér er?
bjorn@frettabladid.is
F
orsvarsmenn stórra fyrirtækja í alþjóðlegum rekstri eru
ekki ánægðir með rekstrarumhverfið sem þeim er boðið
upp á hér á landi. Í síðasta helgarblaði Fréttablaðsins
gagnrýndi Niels Jacobsen, stjórnarformaður Össurar,
hringlandahátt og flumbrugang stjórnvalda harðlega, en
daginn sem viðtalið var tekið ákvað aðalfundur Össurar að afskrá
félagið úr Kauphöll Íslands.
„Það er erfitt að reka fyrirtæki í landinu þegar lögum og reglum
er breytt. Sumar er erfitt að fá nokkurn botn í en aðrar eru aftur-
virkar. Það er erfitt að reka fyrirtæki með afturvirkum lögum,“
segir Jacobsen. Á meðal þess sem hann hefur út á að setja er hringl
með reglur um yfirtökuskyldu, gjaldeyrishöft og kynjakvóti í
stjórnum. Um íslenzku krónuna segir hann: „Við getum ekki verið
skráð á hlutabréfamarkað sem
notar gjaldmiðil sem er ekki
nothæfur.“
Hilmar Veigar Pétursson, for-
stjóri tölvuleikjafyrirtækisins
CCP, tók í svipaðan streng í frétt-
um Stöðvar 2 á laugardagskvöld
og sagði stefnuleysi stjórnvalda
stórt vandamál fyrir atvinnu-
rekstur í landinu. „Í gjaldeyris-
málum finnst mér stefnan bara ekki liggja fyrir ... Það er vissulega
verið að sækja um í Evrópusambandinu og ef það verður reyndin
er það eitthvað sem hægt er að reiða sig á,“ sagði Hilmar.
Það er ástæða til að hlusta á talsmenn þessara fyrirtækja.
Afskráning Össurar úr kauphöllinni er áfall fyrir hlutabréfa-
markaðinn hér á landi og sömuleiðis fyrir orðspor landsins í alþjóð-
legu viðskiptalífi – ekki sízt þegar stjórnarformaðurinn talar eins
og hann gerir. Niels Jacobsen er þekktur í viðskiptalífi Danmerkur
og víðar og eftir orðum hans er tekið.
Það er reyndar erfitt að vorkenna stjórnendum Össurar að þurfa
að finna aðra konu til viðbótar þeirri einu, sem situr í fimm manna
stjórn fyrirtækisins, en aðra gagnrýni Jacobsens hljóta stjórnvöld
að taka til sín. Eftir það áfall sem íslenzkt efnahagslíf varð fyrir
við bankahrunið ættu stjórnvöld að kappkosta að bjóða fyrirtækjum
upp á sem stöðugast viðskiptaumhverfi, í stað þess að hringla til og
frá með skatta, gjöld og reglur.
Gjaldmiðilsmálin eru svo sérkapítuli. Öllum er ljóst að krónan
getur ekki orðið framtíðargjaldmiðill Íslands. Um það eru stjórn-
endur fyrirtækja og almenningur í landinu sammála. Umsóknin
um aðild að ESB ætti að vera sterk yfirlýsing um að hér sé stefnt
að upptöku evru og þeim aga í hagstjórn sem henni fylgir, en vegna
þess að ríkisstjórnin er sjálfri sér sundurþykk í Evrópumálunum
er sú yfirlýsing mun veikari en ella og fyrirtækin telja áfram að
óvissa ríki um framtíðina.
Fyrirtæki í alþjóðlegum rekstri, sem eiga þess kost að fara annað
til að útvega sér fjármagn, grípa tækifærið. Jón Sigurðsson, for-
stjóri Össurar, sagðist í fréttum Stöðvar 2 á laugardaginn vorkenna
þeim sem eftir sætu og rækju fyrirtæki við þessar aðstæður. Þeir
eiga ekki kost á alþjóðlegu fjármagni á alþjóðlegum kjörum.
Sú spurning hlýtur að vakna hvað upprennandi fyrirtæki –næsti
Össur eða næsta CCP – sem eiga möguleika á að verða umsvifamikil
á alþjóðavettvangi, gera til að tryggja sér stöðugleika og fjármögn-
un. Ákveða þau að fara eða vera?
Viðskiptaumhverfið er
alþjóðlegum fyrirtækjum andsnúið.
Að fara eða vera?
Ólafur Þ.
Stephensen
olafur@frettabladid.is
SKOÐUN