Fréttablaðið - 08.03.2011, Blaðsíða 34
8. mars 2011 ÞRIÐJUDAGUR26
sport@frettabladid.is
KATRÍN JÓNSDÓTTIR , fyrirliði kvennalandsliðsins, skráði nafn sitt í sögu-
bækurnar í gær er hún lék sinn 105. A-landsleik. Hún er þar með orðinn leikjahæsti
leikmaður íslenskra A-landsliða en gamla metið átti Rúnar Kristinsson.
FÓTBOLTI Knattspyrnudeild Vík-
ings leitar nú logandi ljósi að arf-
taka Leifs Sigfinns Garðarssonar
sem félagið rak í síðustu viku. Það
styttist í að Íslandsmótið hefjist
og Víkingar verða að hafa hraðar
hendur.
Efstur á óskalista félagsins
var Húsvíkingurinn Ásmundur
Arnars son, þjálfari Fjölnis, en
hann gaf Víkingum afsvar í gær.
„Ég get staðfest að ég heyrði í
Víkingum, sem er auðvitað mik-
ill heiður. Mér leist mjög vel á
það sem þeir höfðu fram að færa.
Félagið er mjög heillandi og spenn-
andi,“ sagði Ásmundur við Frétta-
blaðið.
„Þetta var erfið ákvörðun og
reyndi ég að taka tillit til margra
þátta. Víkingur er í úrvalsdeild-
inni, með öflugan leikmannahóp
og góða umgörð. En það er stutt
í mót og fullt af góðum hlutum í
gangi í Grafarvoginum. Því fannst
mér ekki rétt á þessum tímapunkti
að stíga frá því verkefni.“
Samkvæmt heimildum Frétta-
blaðsins hafa Víkingar nú
beint sjónum sínum að Andra
Marteinssyni, þjálfara Hauka.
Jón Björn Skúlason, formaður
knattspyrnudeildar Hauka, stað-
festi við Fréttablaðið í gær að
félagið hefði gefið Andra leyfi til
þess að ræða við Víkinga. Heim-
ildir Fréttablaðsins herma einnig
að Magnús Gylfason muni taka við
Haukaliðinu, fari svo að Andri fari
til Víkings.
Björn Einarsson, formaður
knattspyrnudeildar Víkings, var
ekki á landinu í gær en kemur til
landsins í dag og þá verða hjól-
in sett á fullt í Víkinni. Aðrir
stjórnar menn ræddu við Andra
í fjarveru Björns í gær og sam-
kvæmt heimildum Fréttablaðsins
eru ágætar líkur á því að samning-
ar takist. - hbg, esá
Víkingar leita enn að arftaka Leifs Garðarssonar en þeirra fyrsti kostur, Ásmundur Arnarsson, gaf afsvar:
Andri Marteinsson efstur á óskalista Víkings
Á LEIÐ Í VÍKINA? Andri Marteinsson sat að samningaborðinu með Víkingum í gær.
FRÉTTABLAÐIÐ/VALLI
FÓTBOLTI Stelpurnar okkar skrifuðu
íslenska knattspyrnusögu upp á
nýtt í gær með 1-0 sigri á Dönum.
Sigurinn tryggði liðinu farseðil í
úrslitaleik Algarve-mótsins þar
sem liðið mætir Bandaríkjun-
um sem eru líklega með besta lið
heims. Þetta er einstakur árangur
en Ísland hafði best náð sjötta sæti
í mótinu. Þetta er í sjöunda skipti
sem Ísland tekur þátt í mótinu.
Stelpurnar hafa verið í hreint
frábæru formi á mótinu og lagt
bæði Svíþjóð og Danmörk í fyrsta
skipti. Svíþjóð er í fjórða sæti á
heimslistanum.
„Þetta er ævintýri sem heldur
endalaust áfram og nú er það
úrslitaleikur. Allir leikirnir hafa
verið vel spilaðir hjá liðinu og við
gefið fá færi á okkur. Vörnin hefur
verið alveg frábær á þessu móti og
fjölmargir leikmenn að stórbæta
sinn leik. Varamenn hafa einn-
ig verið að leysa sín hlutverk vel
og þetta er alveg frábær árangur
hjá stelpunum,“ sagði afar kátur
þjálfari íslenska liðsins, Sigurður
Ragnar Eyjólfsson, eftir leik.
Það er óhætt að segja að íslenska
liðið hafi komið skemmtilega á
óvart í mótinu enda búið að vinna
alla leiki sína til þessa. Hvernig
útskýrir þjálfarinn það að liðið sé
í þetta góðu standi núna?
„Við erum ekki í toppleikæfingu
en breiddin er að aukast. Svo eru
það leikmennirnir sem hafa verið
í atvinnumennsku kannski í tvö ár
og hafa bætt leik sinn mikið. Það
er alveg ljóst að því lengur sem
okkar bestu menn spila erlendis,
þeim mun betra verður landsliðið.
Stelpurnar eru líka komnar með
góða reynslu, hafa gengið í gegn-
um lokakeppni stórmóts.
Þess utan eru ungir og efnileg-
ir leikmenn að koma upp og marg-
ir þeirra eru komnir með góða
reynslu líka. Það hjálpast allt að,“
sagði Sigurður og bætti við að
einnig skipti máli að stelpurnar
væru vel inni í þeirri taktík sem
liðið spilaði. Allir þekktu sín hlut-
verk vel.
„Það hefur verið stöðugur stíg-
andi hjá þessu liði. Við klifrum
sífellt ofar á þessum heimslista
enda er liðið að styrkjast. Ég held
að þetta lið geti náð enn lengra en
það hefur gert. Liðið hefur sýnt að
á góðum degi getur það unnið lið
sem eru hærra skrifuð.
Við vitum að við getum náð
árangri gegn öllum þeim liðum
sem við mætum. Það býr mikið í
þessu liði og meira en það hefur
sýnt hingað til. Stelpurnar hafa
verið frábærar í þessu móti og eru
að skrifa söguna upp á nýtt,“ sagði
Sigurður Ragnar en hann vonast
til þess að stelpurnar séu búnar
að stimpla sig inn á meðal þeirra
bestu í heimi með þessum árangri.
„Við erum búin að koma mörg-
um á óvart á þessu móti og ég held
að við séum að lágmarki búin að
stimpla okkur inn sem lið sem
önnur lið þurfa að varast. Ég vona
líka að við séum búin að stimpla
okkur inn meðal þeirra bestu.“
Úrslitaleikurinn er gegn Banda-
ríkjunum, eins og áður segir, en
bandaríska liðið hefur verið á
toppnum í mörg ár og er besta lið
heims að flestra mati.
„Við höfum spilað jafna leiki
gegn Bandaríkjunum og verið
óheppin að halda ekki jöfnu. Við
berum ekki virðingu fyrir neinu
liði og lítum á öll lið sem jafningja
okkar. Þannig munum við mæta
til leiks. Sjálfstraustið er mikið og
minnkaði ekki eftir þennan leik
gegn Dönum. Það er mjög spenn-
andi að spila úrslitaleik enda ekki
verið í þeirri stöðu áður.“
henry@frettabladid.is
Liðið getur náð enn lengra
Stelpurnar okkar í knattspyrnulandsliðinu náðu einstökum árangri í gær er
liðið komst í úrslitaleik Algarve-mótsins en í mótinu taka þátt öll bestu lið
heims. Sigurður Ragnar landsliðsþjálfari segir enn meira búa í íslenska liðinu.
HETJA ÍSLANDS Í GÆR Dóra María Lárusdóttir skaut íslenska liðinu í úrslitaleik
Algarve-mótsins með laglegu marki. FRÉTTABLAÐIÐ/DANÍEL
HANDBOLTI Á morgun mun
íslenska handboltalandsliðið taka
á móti því þýska í undankeppni
EM 2012. Liðin mætast svo aftur
ytra á sunnudaginn en um gríðar-
lega mikilvæga leiki er að ræða
fyrir bæði lið.
Ísland tapaði fyrir Austurríki í
október síðastliðnum en skömmu
áður höfðu þeir austurrísku náð
óvæntu jafntefli í Þýskalandi.
Þessi þrjú lið berjast því um þau
tvö sæti á EM sem í boði eru í
riðlinum og er samkeppnin hörð.
„Til að vinna Þýskaland
þurfum við að spila vel og það
þarf nánast allt að ganga upp hjá
okkur. Og við þurfum að fá fulla
höll. Það er mér mikið kappsmál
að það takist því ég veit að sú
stemning sem þar skapast mun
hvetja okkar leikmenn áfram,“
sagði Guðmundur. „Það er því
bón mín til þjóðarinnar að við
fáum fulla höll og frábæra stemn-
ingu. Það mun hjálpa okkur í
þessari baráttu.“
Leikurinn hefst klukkan 19.45
á morgun og voru um þúsund
miðar óseldir í gær. Miðasala fer
fram á miði.is. - esá
Landsliðsþjálfarinn:
Þurfum fulla
Laugardalshöll
VILL FULLA HÖLL Guðmundur Guð-
mundsson landsliðsþjálfari á blaða-
mannafundi HSÍ í gær. FRÉTTABLAÐIÐ/PJETUR
Iceland Express-deild karla:
Stjarnan-Haukar 90-69
Stjarnan: Fannar Freyr Helgason 17/13 fráköst,
Justin Shouse 17/9 stoðsendingar, Renato
Lindmets 13/6 fráköst, Guðjón Lárusson 10/7
fráköst, Marvin Valdimarsson 10/5 fráköst, Jovan
Zdravevski 10/7 fráköst, Kjartan Atli Kjartans-
son 8, Daníel G. Guðmundsson 3, Ólafur Aron
Ingvason 2.
Haukar: Gerald Robinson 19/10 fráköst/3
varin skot, Semaj Inge 12/6 stoðsendingar/6
stolnir/3 varin skot, Örn Sigurðarson 11, Davíð
Páll Hermannsson 8, Haukur Óskarsson 8/5
stoðsendingar, Sveinn Ómar Sveinsson 5/6
fráköst, Sigurður Þór Einarsson 3, Emil Barja 3/6
stoðsendingar.
Fjölnir-Grindavík 90-91
Grindavík: Mladen Soskic 28/6 fráköst, Ólafur
Ólafsson 20/7 fráköst, Nick Bradford 14/5 fráköst,
Ryan Pettinella 11/15 fráköst, Páll Axel Vilbergs-
son 7/5 fráköst/5 stoðsendingar, Helgi Björn
Einarsson 6/4 fráköst, Ómar Örn Sævarsson 5/7
fráköst.
Fjölnir: Brandon Brown 29/13 fráköst/4 varin
skot, Ægir Þór Steinarsson 19/6 fráköst/13 stoð-
sendingar, Ingvaldur Magni Hafsteinsson 17/8
fráköst/5 stolnir, Jón Sverrisson 10/6 fráköst,
Tómas Heiðar Tómasson 8/5 stoðsendingar,
Arnþór Freyr Guðmundsson 5, Hjalti Vilhjálmsson
2.
Tindastóll-Keflavík 92-94
Tindastóll: Helgi Rafn Viggósson 23, Hayward
Fain 16/9 fráköst/7 stoðsendingar, Sean Kingsley
Cunningham 15/6 fráköst, Dragoljub Kitanovic
11/4 fráköst, Svavar Atli Birgisson 11, Friðrik
Hreinsson 11, Helgi Freyr Margeirsson 3/6
stoðsendingar, Pálmi Geir Jónsson 2.
Keflavík: Thomas Sanders 24, Magnús Þór Gunn-
arsson 15, Sigurður Gunnar Þorsteinsson 15/4
fráköst, Andrija Ciric 14/9 fráköst, Hörður Axel
Vilhjálmsson 11/6 stoðsendingar, Halldór Örn
Halldórsson 8/5 fráköst, Jón Nordal Hafsteinsson
7/4 fráköst.
ÚRSLIT
KÖRFUBOLTI Grindavík lagði Fjölni í
háspennuleik í gær og komst með
sigrinum í annað sætið. Fjölnir er
aftur á móti í tíunda sæti.
Keflavík er jafnt Grindavík
og KR að stigum en í fjórða sæti
eftir afar erfiðan sigur á Tinda-
stóli fyrir norðan. Stólarnir eru í
níunda sæti.
Stjarnan siglir svo lygnan sjó í
fimmta sæti eftir sigur á Hauk-
um, sem eru í áttunda sæti. - hbg
Iceland Express deild karla:
Grindavík í
annað sætið
SÓTT AÐ KÖRFU Stjörnumaðurinn Justin
Shouse á ferðinni í gær. FRÉTTABLAÐIÐ/VILHELM
FÓTBOLTI Chelsea hefur ekki sung-
ið sitt síðasta orð í ensku úrvals-
deildinni en liðið vann Blackpool
á útivelli í gær, 1-3.
Chelsea er þar með níu stigum
á eftir toppliði Man. Utd en hefur
leikið einum leik færra. Chelsea
getur því minnkað muninn í sex
stig með sigri í þeim leik.
Liðið situr sem stendur í fjórða
sæti en er aðeins tveim stigum
á eftir Manchester City sem er í
þriðja sæti.
John Terry skoraði eina mark
fyrri hálfleiks með skalla á 20.
mínútu. Þegar hálftími lifði leiks
fékk Chelsea dæmda umdeilda
vítaspyrnu er Salomon Kalou fór
niður í teignum. Frank Lampard
skoraði af öryggi úr spyrnunni.
Hann skoraði svo aftur fjórum
mínútum síðar er hann fékk lag-
lega stungusendingu frá Kalou.
Jason Puncheon minnkaði mun-
inn fyrir Blackpool undir lokin en
það var of lítið og of seint.
- hbg
Chelsea lagði Blackpool:
Chelsea komið í
toppbaráttuna
STERKUR Lampard fagnar öðru marka
sinna í gær. NORDICPHOTOS/GETTY IMAGES