Sameiningin - 01.07.1927, Page 5

J95
lítinn þátt í að gera guðsþjónustu þessa hátíðlega hinn mikli og
ágæti söngur safnaSarsöngflokksins, auk þess að safnaðarsöngur
stendur á mjög háu stigi hjá Fyrsta lút. söfnuði. — Séra Kolbeinn
er hinn efnilegasti starfsmaður, og hefir sjálfur rutt sér braut að
þvi takmarki að gerast prestur, þrátt fyrir það að hann er kvænt-
ur maður og á fjögur börn. Er það ekki lítill gróði fyrir félag
vort að fá nýjan starfsmann með slíkum anda. Og samtimis bæt-
ist því annar prestur, séra Carl J. O'lson, sem yfirgefur stöðu er
veitti honum að minsta kos'ti tvöfalt í aðra hönd peningalega við
það, sem preststaðan veitir. Slíkt eru gleðirík tákn timans á sviði
kirkjunnar.
Á dagsskrá þingsins voru þessi mál: i. Afstaða vor við
þjóðkirkju íslands. 2. Afstaða vor við lút. kirkjuna í Ameríku.
3. Heimatrúboð. 4. Heiðingjatrúboð. 5. Jóns Bjarnasonar skóli.
6. Betel. 7. Sunnudagsskólarnir og kristilegt uppeldi barna og
unglinga. 8. Ungmennastarfið. 9. Útgáfumál. 10. Fjármál. 11.
Mál um breyting á fyrirkomulagi kirkjuþinga. 12. Efling söng-
listar i sambandi við ikirkjustarfið. 13. Bindindismálið.
1. Þetta mál stendur í sambandi við ummæli i ársskýrslu for-
seta. Gaf tilefni til margra hlýrra ummæla í garð íslenzku kirkj-
unnar. Eftirfylgjandi þingsályktun, borin fram af dr. Birni B.
Jónssyni fyrir hönd nefndar, var samþykt:
Kirkjuþingið lýsir ánægju sinni yfir því, að samúð hefir
aukist á síðari árum milli Þjóðkirkju íslands og Kirkjufélagsins.
Óskar kirkjuþingið þess, að sem mest vinátta sé jafnan milli þess-
ara tveggja deilda íslenzkrar lúterskrar Ikristni. Biður þingið
blessun Drottins yfir móður kirkjuna íslenzku og tjáir henni ást
sína og virðingu.
Þessi kveðju-orð felur þingið skrifara sinum að skila til
biskupsins, herra Jóns Helgasonar, dr. theol.
2. Á þinginu var framkvæmdarstjóri National Eutheran
Council, dr. J. A. Morehead, er heimsótti oss einnig fyrir tveimur
árum. Er hann einn af leiðandi mönnum lútersku kirkjunnar í
Ameríku. Flutti hann tvö fróðleg og skörugleg erindi á þinginu.
Skýrði hann frá starfi National Lutheran Council, sem miðar að
því að sameina lútersku kirkjuna hér í álfu um það að hlaupa und-
ir bagga til líknar og viðreisnar þar, sem mest er þörf á sviði lút.
kirkjunnar í heiminum. Bæri oss að leggja til þess að réttum hlut-
föllum $322.40 fyrir næsta ár. Var þingið eindregið með því, óg
létu leikmenn til sín heyra fremur en prestar. Einnig hvatti dr.