Fréttablaðið - 07.04.2011, Blaðsíða 33

FIMMTUDAGUR 7. APRÍL 2011 3rúm ●
RB rúm að Dalshrauni 8 í Hafnarfirði hanna
og framleiða rúm, höfðagafla og húsgögn,
allt eftir þörfum viðskiptavina sinna.
„Fermingarrúmin eru vinsælust hjá okkur í dag,“
segir Birna Katrín Ragnarsdóttir, framkvæmda-
stjóri RB rúma, um það sem helst er á döfinni hjá
fyrirtækinu um þessar mundir. „Það liggur við
að við vinnum á vöktum því það er svo mikið að
gera,“ segir hún glettin og með sanni má segja að
starfsmenn RB rúma hafi í nógu að snúast. Fyrir
utan fermingarvertíðina liggur fyrir pöntun á um
500 hótelrúmum sem fyrirtækið þarf að smíða
fyrir hin ýmsu hótel á Íslandi.
En hvaða rúm eru vinsælust meðal fermingar-
barnanna? „Við hönnum rúmin eftir óskum
krakkanna og því geta þau valið lengd, breidd,
hæð, stífleika og útlit,“ svarar Birna og grein-
ir stolt frá því að rúmin liggi aldrei á lager hjá
fyrirtækinu heldur séu framleidd eftir óskum
viðskiptavinanna. „Undantekningalaust reynum
við síðan að klára rúmið fyrir fermingardaginn,“
segir hún glaðlega.
Hún segir algengast að fermingarbörnin velji
rúm sem eru 90 til 120 cm á breidd. Öll séu þau
með svokölluðu tvöföldu fjaðrakerfi en í því felst
að springdýna liggur ofan á trégrind með fjöðr-
um. „Þá er einnig vinsælt að vera með bólstraðan
höfðagafl og klæða rúmbotninn í sama efni. Þá
kaupa einnig margir náttborð í sama stíl,“ segir
hún en náttborðin eru helsta nýjungin í framboði
RB rúma. Einnig eru kistlarnir vinsælir, sem
fyrirtækið smíðar í öllum stærðum. Í þeim er
gott geymslupláss en þá má einnig nota sem sæti.
RB rúm standa á gömlum grunni en fyrirtæk-
ið var stofnað af föður Birnu, Ragnari Björns-
syni, árið 1943. „Það er enn í dag fjölskyldufyrir-
tæki og öll okkar framleiðsla og sala fer fram
hér í Hafnarfirðinum,“ segir Birna en bætir
við að vörurnar séu einnig seldar í Bústoð í
Keflavík og Vörubæ á Akureyri. Hún segir
marga þekkja til fyrirtækisins og góður
orðstír þess hafi borist víða, jafnvel út fyrir
landsteinana. Til marks um það hlutu RB
rúm í lok síðasta árs alþjóðleg verðlaun á Int-
ernational Quality Crown Awards í London fyrir
vandaða framleiðslu og markaðssetningu. „Við
vorum mjög ánægð með þessi verðlaun, sérstak-
lega þegar tillit er tekið til þess að ekki er hægt
að sækja um verðlaunin heldur verður einhver
að tilnefna okkur,“ útskýrir Birna. Hún bendir
fólki á heimasíðu fyrirtækisins www.rbrum.
is ef það vill fá nánari upplýsingar.
Framleiða um 500 hótelrúm
Öll rúmin eru hönnuð, framleidd og smíðuð í verksmiðju RB rúma í Hafnarfirði. „Vinsælt er að vera með bólstraðan höfðagafl og klæða rúmbotninn í sama efni. Þá kaupa einnig margir náttborð í sama stíl,“
segir Birna Katrín Ragnarsdóttir hjá RB rúmum. MYND/GVA
Fátt er rómantískara en að kúra í
mjúku rúmi og horfa upp
í hvítt flaxandi léreft yfir
höfði sér.
Höfðingjar, fyrirfólk, kóngar
og drottningar hvíldu undir
himnasængum hér fyrr á
öldum. Himnasængin var þó
í upphafi síður en svo tákn
glæsileika og ríkidæmis.
Raunar var hún notuð af al-
menningi, sem þannig skýldi sér
betur fyrir vosbúð og kulda í fremur óþétt-
um híbýlum þess tíma.
Rúm með himnasæng
og tjöldum sem hægt var að
draga fyrir voru síðar notað-
ar af lávörðum og aðalsmönn-
um á miðöldum til að halda á
sér hita en ekki síður til að fá
meira næði. Enda svaf fylgdar-
fólkið oft í sama herbergi.
Fram að sextándu öld voru
slík rúm fremur látlaus. Upp
úr því varð útskurður á höfða-
gafli og súlum vinsæll og
rúmin æ skrautlegri.
Undir hárri himnasæng
Svefnherbergi Henri II (1519-59) og Diane de Poitiers (1499-1566).
NORDICPHOTOS/GETTY
Himnasæng með kínversku sniði frá
árinu 1750.
Himnasængur þykja rómantískar enda veita þær ástföngnu pari gott næði og fallega umgjörð.
NORDICPHOTOS/GETTY
RB rúm hlutu alþjóðleg verðlaun í lok síðasta árs fyrir
vandaða framleiðslu og markaðssetningu.
Stæðilegt eikarrúm frá árinu 1570.