Fréttablaðið - 18.05.2011, Side 16

16 18. maí 2011 MIÐVIKUDAGUR
Kynning skipulagsnefndar Garðabæjar á vinnu við gerð
deiliskipulags núverandi byggðar á
Arnarnesi var haldin fimmtudaginn
31. mars í Sjálandsskóla. Fundurinn
var mjög vel sóttur. Fundarstjóri
var formaður skipulagsnefndar en
arkitekt deiliskipulagsgerðarinn-
ar, Ögmundur Skarphéðinsson, sá
um kynningu. Þar sem fundarstjóri
gaf arkitektinum skamman tíma í
viðamikla kynningu var farið hratt
yfir umfangsmikið efni og skaut-
að framhjá nokkrum mikilvæg-
um staðreyndum og öðrum sleppt.
Nefni ég nú nokkrar þeirra.
Í skipulagsuppdrætti af Arn-
arnesi frá júní 1975 sem skil-
greinir skiptingu landsins, notkun
óbyggðra og opinna svæða og skil-
greinir eign hverra þau eru segir:
Strandlengjan Arnarnesvogs-
megin og óbyggða svæðið á háholt-
inu sem aðgreind eru með grænum
skálínum eru samkvæmt skipulags-
uppdrættinum „svæði látið undir
skóla, dagheimili og opin svæði
samkvæmt samningi við Garða-
bæ.“ Svæði aðgreint með ljósbrúnni
skálínu eru samkvæmt skipulags-
uppdrætti „Svæði við norður og
norðvesturströndina er í eigu land-
eigenda“.
Mikilvægt er að íbúum Garða-
bæjar sé kunnugt að eina land-
svæðið sem telst eign landeigenda
á Arnarnesi og þá allra íbúa Arn-
arness, er eingöngu strandlengjan
norðan megin á nesinu. Garðabæ
ber því að skipuleggja strandlengj-
una vestan megin og háholtið eins
og bærinn telur að þjóni hagsmun-
um heildarinnar. Í skipulagslögum
segir að „ávallt skuli hafa hagsmuni
heildarinnar að leiðarljósi“.
Meðfram ströndinni eru 40 ein-
býlishús, þrettán húseigendur af
þessum 40 eru búnir að fara í frek-
ari landvinninga og eigna sér land
í eigu Garðabæjar og land í eigu
landeigenda Arnarness. Íbúar
þessir hafa fært lóðamörk sín alveg
niður í fjöru. Heft með því aðgengi
fólks um fjöruna þrátt fyrir að
lögum samkvæmt sé frjáls aðgang-
ur að ströndinni.
Lauslega var farið yfir nýtingu
á opna svæðinu efst á Arnarnes-
inu. Þar sýndi arkitektinn að hægt
væri að reisa byggingar samkvæmt
eldri skilmálum um blandaða byggð
eða eins og segir „svæði látið undir
skóla, dagheimili og opin svæði“.
Þetta hugnaðist nokkrum íbúum
Arnarness ekki og sögðu að það ætti
að reisa leikskóla, skóla, hjúkrunar-
heimili, íþróttavelli og verslanir á
„hinum stöðunum í bænum“ þar
sem hinir búa. Við viljum birkiskóg
og berjamó á Arnarnesi eins og einn
íbúinn orðaði það.
Göngu- og hjólastígur umhverf-
is Arnarnesið var kynntur sem
útivistarleið en ekki var hægt að
fá upplýsingar hjá hönnuði skipu-
lagsins um nánari útfærslu á efn-
isgerð eða útfærslu útivistarleiðar-
innar. Þannig að krafa meirihluta
íbúa Garðabæjar ásamt fjölmenn-
um hópi íbúa Arnarness er enn sú
sama að göngu- og hjólastíga verði
að leggja meðfram strandlengju
Arnarness íbúum öllum til yndis
og ánægju og aukinna lífgæða.
Þeir sem starfa í pólitík þurfa
ávallt að vera minnugir þess að
hafa hag heildarinnar að leiðar-
ljósi. Garðabær er bær íbúa í Silf-
urtúni, Flötum, Ásum, Holtum,
Hæðum, Hólum, Hraunum, Lund-
um, Fitjum, Móum, Prýðum, Görð-
um, Grundum, Arnarnesi, Ökrum
og Sjálandi. Allir íbúarnir eiga rétt
á að hlustað sé á þeirra sjónarmið
og tekið sé tillit til óska þeirra og
athugasemda. Jafnframt þurfa
íbúar að taka tillit hver til annars
og einhverstaðar þarf nauðsynleg
þjónustan að vera eins og áður er
upptalið.
Álag vegna opinberra bygginga
og umferðar í nærumhverfinu
er misskipt á líf íbúanna. Sumir
íbúar búa við heilsuspillandi áreiti
frá umhverfinu meðan aðrir búa
við áreiti ölduniðar, sólarupprásar
og sólarlags. Skipulagið síðastliðin
50 ár með stjórnsýslu núverandi
meirihluta hefur ákveðið að mis-
muna íbúum eins og dæmi sýna
víða um Garðabæ. Það má segja
að íbúar Arnarness (sem búa í eina
villuhverfi landsins eins og arki-
tektinn orðaði svo skemmtilega
í kynningu sinni) séu eingöngu í
hlutverki þiggjandans, engu má
fórna af þeirra nærumhverfi í sam-
neyslu fyrir bæjarbúa.
Íbúatala Garðabæjar í dag er
um 11.000 þúsund manns. Ef við
segjum að 5 manna fjölskylda búi
í hverju húsi meðfram strönd Arn-
arness, húsin við ströndina eru eins
og fyrr segir 40, þá eru það 200
íbúar sem er 1,8% af íbúafjölda
Garðabæjar. Eiga þessir 200 íbúar
að hafa meira um það að segja
hvernig landsvæði í eigu Garða-
bæjar er nýtt en hinir 8.000 gefum
okkur að einhverjir séu hlutlausir?
Eftir kynningarfundinn hvarfl-
aði sú hugsun að mér að ég hefði
bara alltaf misskilið þetta, það
væri Garðabær sem er í Arnar-
nesi en ekki Arnarnes í Garðabæ.
En ég er náttúrulega bara „Fólkið
í bænum“.
Frá því að íslenska fjármálakerf-ið hrundi árið 2008 hefur tals-
verð umræða orðið um það manna
á meðal hvernig haga beri kosning-
um. Þrátt fyrir áhuga á umbótum
hefur hvert óhappið rekið annað.
Má þar nefna kosningu til stjórn-
lagaþings, ákvörðun Alþingis um
það hverjir skyldu ákærðir fyrir
landsdómi og nú síðast kjör vígslu-
biskups í Skálholti.
Stjórnvöld virðast ekki hafa áttað
sig á því að unnt er að greiða þrem-
ur eða fleiri kostum atkvæði á þann
hátt að ekki þurfi að kjósa tvisvar,
fái enginn meirihluta atkvæða í
fyrstu umferð. Full ástæða er til
að stofnanir samfélagsins og félög
skoði með hvaða hætti sé hægt að
einfalda kosningu og atkvæða-
greiðslu þannig að menn geti tjáð
vilja sinn og tilteknir kostir verði
ekki afgreiddir fyrirfram. Til þess
hentar aðferð sem nefnist raðval og
lýst er í bókinni „Lýðræði með rað-
vali og sjóðvali“ eftir Björn S. Stef-
ánsson.
Björn Stefánsson hefur lengi
rannsakað aðferðir sem nýta megi
til þess að auðvelda mönnum að
komast að niðurstöðu með atkvæða-
greiðslu. Þróaði hann þessa aðferð
og hefur hún reynst tiltölulega auð-
veld í framkvæmd. Sá ávinningur
fæst með því að beita henni að úrslit
fást þótt þrír eða fleiri kostir séu
í boði.
Sem dæmi má nefna kosningu
þar sem fjórir eru í framboði. Kjós-
endur geta þá raðað þeim að vild. Sá
sem kjósandi vill greiða eindregið
brautargengi fær þá þrjú stig og svo
koll af kolli þannig að sá sem kjós-
andi vill síst fær þá ekkert stig.
Samanlagður stigafjöldi ræður
úrslitum. Þá er ekki víst að sá, sem
flestir velja í fyrsta sæti, nái kjöri,
því að annar maður getur feng-
ið það mörg stig í annað sæti að
þau ríði baggamuninn. Þannig eru
nokkrar líkur til að úrslitin verði
með öðrum hætti, sé einungis ein
kosning viðhöfð í stað tveggja þar
sem í seinna skipti verði kosið um
tvo efstu frambjóðendurna. Kosn-
ingar, þar sem krafist er tveggja
atkvæðagreiðslna, þegar enginn
frambjóðandi nær meirihluta, gefa
þar að auki ekki alls kostar rétta
mynd af vilja kjósenda þar sem
þeir fá yfirleitt aðeins að velja einn
kost hverju sinni og það getur haft
afdrifarík áhrif á framhaldið.
Raðval hentar einnig afar vel
þegar afgreiða þarf mál með
atkvæðagreiðslu og þrjú eða fleiri
afbrigði eru í boði. Á það hefur
verið bent að raðval kunni að draga
úr valdi fundarstjóra ef hann þarf
að úrskurða um röð eða vægi breyt-
ingartillagna, svo að eitt dæmi sé
nefnt. Ef raðvali er beitt verða slík-
ir úrskurðir óþarfir. Öll afbrigði
eru jafnrétthá og vilji manna verð-
ur ljós þegar stigin hafa verið gerð
upp.
Nokkur reynsla er af raðvali
hér á landi. Þegar menn hafa nýtt
sér kosti þessarar aðferðar hefur
hún reynst auðveld í framkvæmd
og almenningur hefur ekki átt í
neinum vandræðum með að til-
einka sér hana.
Með raðvali er hægt að leggja
ýmis álitamál í dóm kjósenda
með öðrum hætti en tíðkast hér
á landi þar sem tveimur kostum
er yfirleitt stillt upp hvorum gegn
öðrum.
Með raðvali aukast enn fremur
líkurnar á því að sá, sem flestir
sætta sig við, verði valinn.
Þá er rétt að geta þess að lokum
að raðval er þess eðlis að auðvelt
er að móta skýrar reglur um notk-
un aðferðarinnar innan stjórn-
kerfisins, sveitarfélaga og sam-
taka. Aðferðin greiðir ótvírætt
fyrir lausn mála og dregur úr
hættunni á flokkadráttum.
Frekari upplýsingar eru á síð-
unni http://abcd.is.
Óþarft að kjósa tvisvar
Er Garðabær út-
hverfi villuhverfisins
á Arnarnesi?
Kosningar
Arnþór
Helgason
starfsmaður
Lýðræðissetursins
Má þar nefna kosningu til stjórnlaga-
þings, ákvörðun Alþingis um það hverjir
skyldu ákærðir fyrir landsdómi og nú
síðast kjör vígslubiskups í Skálholti.
Skipulagsmál
Auður
Hallgrímsdóttir
Fulltrúi Fólksins
– í bænum og í
skipulagsnefnd
Garðabæjar
Ævintýralegar
sumarbúðir
fyrir 12-16 ára
Staðsetning: Alviðra í Ölfusi
Tími: 13.-16. ágúst
18-21. ágúst
,,Þetta var ótrúlega skemmtilegt.
Ég eignaðist fullt af vinum... og leiðbeinendurnir voru líka æði.”
· Hlutverkaleikir
· Kvöldvökur
· Ferðir
· Frábær skemmtun
Unnið verður með málefni sem tengjast mannréttindum og hjálparstarfi með
hlutverkaleikjum og hópverkefnum. Einnig verður mikið lagt upp úr leikjum, útivist,
kvöldvökum og annarri skemmtun.
Skráning á raudikrossinn.is.
Nánari upplýsingar á jon@redcross.is
eða í síma 5704000.
Frábærar sumarbúðir
fyrir alla unglinga!
– Lifið heil
www.lyfja.is
ÍS
L
E
N
S
K
A
/S
IA
.I
S
/L
Y
F
5
48
72
0
5/
11
SUNNY GREEN
CHLORELLA
Er svitalykt eða táfýla?
Fyrir þig
í Lyfju