Fréttablaðið - 18.05.2011, Síða 36

MARKAÐURINN18. MAÍ 2011 MIÐVIKUDAGUR6
U T A N D A G S K R Á R
Margir hafa skipt út gömlu farsímunum sínum
fyrir svokallaða snjallsíma á borð við iPhone-
símana frá Apple og sambærilegar gerðir frá
öðrum framleiðendum. Þeir bjóða upp á tals-
vert fleiri möguleika en gömlu símarnir – úr
þeim ódýrari var nær eingöngu hægt að hringja,
senda smáskilaboð og flakka lítillega um netið,
væri vafri til staðar.
Snjallsímarnir eru mun skemmtilegri að mínu
mati, enda möguleikarnir miklu fleiri og sím-
arnir í raun nær því að vera smátölvur. Sjálfur
fékk ég snjallsíma á dögunum eftir að fjögurra
ára gamall sleðasíminn frá Nokia fór til farsíma-
himnaríkis eftir hægfara hrörnunarferli. Þótt
við sleðasíminn hefðum átt góðar stundir saman
var depurðin skammvinn.
Í stað Nokia-símans keypti ég LG Optimus
One, tiltölulega ódýran snjallsíma sem keyrir á
2,2 útgáfunni af Android-stýrikerfinu. Skjárinn
er 3,2 tommur, sem er þægileg stærð.
Skömmu eftir að ég eignaðist símann komst ég
að raun um að mér finnst gott að lesa dagblöð í
símanum á sama formi og þau eru prentuð, sér-
staklega er það hentugt um helgar þegar ég er
tregari en virka daga til að hlaupa niður fjórar
hæðir í blokkinni fyrir eintak af Fréttablaðinu.
Hugbúnaður til þess arna hefur verið til um
nokkurt skeið. Sá heitir PressReader og er frá
bandaríska hugbúnaðarfyrirtækinu Newspaper-
Direct. Hugbúnaðurinn er fyrir flestar gerðir
farsíma af nýrri gerðinni, allt frá Blackberry til
síma sem styðja Windows. Sömuleiðis virkar það
á spjaldtölvur sem nota áðurnefnd stýrikerfi.
Til að lesa dagblöð á PressReader-búnaðinum
þarf að kaupa mánaðarlega áskrift. Hún kost-
ar tæpa þrjátíu Bandaríkjadali á mánuði, jafn-
virði rúmra 3.450 króna. Sömuleiðis má kaupa
einstök tölublöð. Eitt stykki kostar 99 sent,
rúmar 114 krónur. Það samsvarar einu dagblaði
á dag í þrjátíu daga. Sjálfum þykir mér mun
meira virði að greiða fyrir áskriftina enda veit-
ir hún aðgang að 1.850 dagblöðum á prentformi
frá öllum heimshornum á Netinu, allt frá Alban-
íu til Úkraínu. Litlu finnst mér skipta þótt sum
blaðanna séu á máli heimamanna, svo sem ar-
abísku og öðrum málum sem ég skil ekki. Þótt
lítill botn fáist í innihald fréttanna geta þeir
sem áhuga hafa á fjölmiðlum skemmt sér við
að skoða hvernig blöð í fjarlægum löndum líta
út. Flest eru blöðin þó frá hinum enskumælandi
heimi; 288 bandarísk dagblöð og 282 frá Kan-
ada auk þess sem forritið gefur þeim sem áskrift
eiga kost á að lesa 155 bresk dagblöð í tæki sínu.
Forvitnir snjallsímaeigendur geta halað niður
sex ókeypis eintökum af netdagblöðunum áður
en þeir ákveða hvort blaðalestur í símanum eða
spjaldtölvunni er eitthvað fyrir þá. Það sama
gildir þó ekki um Fréttablaðið, sem er ókeyp-
is þar eins og annars staðar. Ekki þarf því að
kaupa áskrift til að hala því niður.
Pappírsdagblað lesið af farsímaskjá
S V O N A E R U D A G B L Ö Ð I N L E S I N Í S Í M A N U M
1 Þeir sem eiga Android-farsíma sækja hugbúnað í
netversluninni Android Market.
Til þess að það gangi þarf síminn
annað hvort að vera tengdur
staðarneti eða 3G-farsímanetinu.
Þeir sem eiga síma sem nota
önnur stýrikerfi nota aðra verslun.
Eigendur iPhone-síma geta nálgast
hugbúnaðinn í AppStore.
2 Í Android Market er einfaldast að smella á leitarstikuna, skrifa
inn í hana PressReader og láta
símann um að finna hugbúnaðinn.
Þegar síminn hefur fundið
PressReader þarf að samþykkja
niðurhal og uppsetningu.
3 Þegar hugbúnaðurinn er notaður í fyrsta sinn birtast
þrír valmöguleikar: „My Library“,
„Store“ og „Settings“. Velja þarf
„Store“. Eftir það birtist listi yfir þau
lönd sem eiga dagblöð í kerfinu.
Íslensk dagblöð eru undir flipanum
„Iceland“.
4 Örskamma stund tekur að ná í eintak af því dagblaði sem
maður kýs. Sérhvert eintak vistast
sjálfkrafa í „My Library“ og má
blaða í gegnum það hvenær sem
tími gefst til án þess að tengja
símann við net. Nóg er að smella á
mynd af því blaði sem viðkomandi
vill lesa hverju sinni.
5 Á farsímaskjá sem er 3,2 tommur má auðveldlega skoða
hverja blaðsíðu fyrir sig. Letrið
er vissulega allt of smátt. Því má
bjarga með því að smella einu
sinni á skjáinn. Við það stækkar
blaðið. Hæglega má lesa heila
blaðsíðu í senn með því að færa
blaðið til á skjánum.
6 Einfalt mál er að fara á milli blaðsíðna í dagblöðum í
símanum eða spjaldtölvunni. Nóg
er að setja einn fingur á skjáinn og
draga hann frá hægri til vinstri yfir
hann. Við það flettist yfir á næstu
síðu í blaðinu. Ef fingri er rennt yfir
skjáinn frá vinstri til hægri er flett
til baka í blaðinu.
Í S Í M A N U M
M E Ð J Ó N I
A Ð A L S T E I N I
Til leigu Skrifstofuhúsnæði á besta stað í Reykjavík
Nánari upplýsingar eru veittar í síma 692 2323 eða 692 0900.
Til leigu er skrifstofuhúsnæði
að Rauðarárstíg 27. Um er að ræða húsnæði
á fjórum hæðum sem leigist út að hluta til eða í heild.
Á jarðhæð til leigu 333 fm.
2. hæð samtals 479 fm.
3. hæð samtals 479 fm.
4. hæð samtals 479 fm.
Gott aðgengi og næg
bílastæði bakatil.