Fréttablaðið - 29.06.2011, Side 18
29. júní 2011 MIÐVIKUDAGUR18
Tilkynningar um merkis atburði, stórafmæli og út-
farir má senda á netfangið timamot@frettabladid.is.
Auglýsingar á að senda á auglysingar@frettabladid.
is eða hringja í síma 512 5000.
timamot@frettabladid.is
Aldarfjórðungur er nú liðinn síðan þrír
vinir úr Ölfusi tóku sig saman og stofn-
uðu litla hestaleigu í útjaðri Hvera-
gerðis og síðan á Völlum við Hvera-
gerði, til að hafa eitthvað fyrir stafni
á sumrin. Þá óraði þá ekki fyrir að hún
yrði sú stærsta á landinu og heitið Eld-
hestar þekkt um allan heim.
„Upphaflega var hestaleigan nú bara
hugsuð sem aukabúgrein með fáein-
um hrossum og ferðum um svæði sem
var ferðamönnum ekki aðgengilegt á
annan hátt; nokkuð sem við félagarn-
ir gætum dundað okkar við í skólafrí-
um á sumrin. Svo urðum við smám
saman að fjölga túrum samhliða vax-
andi eftirspurn og áður en við vissum
af hafði fyrirtækið þróast út í stórveld-
ið sem það er í dag,“ minnist Hróðmar
Bjarnason, sem hefur orð fyrir vin-
unum, þeim Sigurjóni Bjarnasyni,
bróður sínum, og félaganum Þorsteini
Hjartar syni.
Ekki er annað hægt að segja en að
það séu orð að sönnu. Hrossin eru orðin
á fjórða hundrað talsins, ferðirnar
fleiri og fjölbreytt-
ari og búið að reisa
gistiaðstöðu og
nýtt hesthús á
Völlum. „Eldhest-
ar eru í raun ekki
lengur bara hesta-
leiga heldur alhliða
ferðaþjónusta sem
býður jafnframt
upp á mat og gist-
ingu í hefðbundnu
svefnpokaplássi og
á Hótel Eldhestum,
fyrsta Svans-vott-
aða hóteli lands-
ins,“ útskýrir hann
og segir standa til
að opna reiðhöll
árið 2012. „Hlutverk hennar verður
að efla námskeiðahald utan vertíðar
og styrkja markaðssetningu íslenska
hestsins með sögulegri sýningu sem
ferðamenn geta notið.“
Hróðmar tekur fram að þótt hesta-
leigan hafi sannarlega tekið stakka-
skiptum og bjóði vikulangar ferðir um
allt land séu hestaferðir um Hengils-
svæðið enn kjarninn í starfseminni.
„Þar er margar náttúruperlur að sjá,
Reykjadal, Marardal og Kattatjarnir,“
bendir hann á og bætir við að boðið sé
upp á allt frá klukkustundar löngum
ferðum upp í nokkurra daga ferðir þar
um. „Allt fer það eftir því hvað fólk
vill gefa sér langan tíma í að njóta þess
sem einstakt umhverfið hefur upp á að
bjóða.“
Spurður út í afmælisplön segir Hróð-
mar að vegna anna muni þau þurfa að
bíða um ár. „Þá ætlum við að gefa út
myndskreytt kver með ágripi af sögu
Eldhesta, sem er við hæfi þar sem þá
munum við hafa starfað í 25 ár. Svo
er aldrei að vita nema við sláum upp
smá veislu,“ segir Hróðmar og kveðst
hvergi nærri af baki dottinn þótt árin
séu orðin þetta mörg. „Nei, ég á mörg
ár eftir hér, enda er uppbyggingin
ennþá í fullum gangi, þróunin ör og
alltaf spennandi hlutir að gerast.“
roald@frettabladid.is
ELDHESTAR: FAGNA 25 ÁRA AFMÆLI
Hvergi nærri af baki dottnir
UNGUR Í ANDA „Ég
á mörg ár eftir hér,
enda er uppbygg-
ingin ennþá í fullum
gangi,“ segir Hróð-
mar Bjarnason, einn
eigenda Eldhesta.
ALHLIÐA FERÐAÞJÓNUSTA Eldhestar bjóða ekki aðeins upp á hestaferðir heldur einnig gistingu og mat.
ÁGÚST GUÐMUNDSSON leikstjóri er 64 ára í dag
„Það er orðið æ ljósara að menn gera ekki myndir á
Íslandi nema með styrk.“
64
Merkisatburðir
1198 Páll Jónsson biskup lýsir yfir helgi Þorláks biskups Þór-
hallssonar fyrirrennara síns.
1613 Leikhús Shakespeares, The Globe í London, brennur til
kaldra kola eftir að neisti berst úr fallbyssu við sýningu á
Hinriki VIII.
1632 Gísli Oddsson er kjörinn Skálholtsbiskup á Alþingi.
1802 Fyrsti dómur Landsyfirréttar kveðinn upp.
1912 Nýja bíó í Reykjavík hefur kvikmyndasýningar á Hótel
Íslandi.
1941 Flutningaskipinu Heklu er sökkt er það er á leið frá Íslandi
til Bandaríkjanna.
1951 Ísland sigrar Svíþjóð í landsleik í knattspyrnu 4:3. Ríkharð-
ur Jónsson skorar öll mörk Íslands.
1952 Ásgeir Ásgeirsson er kjörinn forseti Íslands.
1960 Mannbjörg verður er flutningaskipið Drangajökull sekkur í
Pentlandsfirði norðan Skotlands.
1964 Krabbameinsfélag Íslands opnar leitarstöð í Suðurgötu í
Reykjavík.
1974 Isabel Perón verður forseti Argentínu eftir lát eiginmanns
síns, forsetans Juans Perón.
Á þessum degi árið 1941 var flutningaskipinu
Heklu sökkt er það var á leið frá Íslandi til
Bandaríkjanna. Kafbátur, sem líklega var þýskur,
skaut tundurskeyti fyrirvaralaust að skipinu laust
fyrir klukkan þrjú eftir hádegi. Skeytið olli gríðar-
legum skemmdum og tók skipið að sökkva.
Á Heklu hafði verið 20 manna áhöfn en sjö
komust lifandi á björgunarfleka sem var sæmi-
lega búinn vistum. Dvölin á björgunarflekanum
varð löng og ströng, sérstaklega vegna kulda og
vosbúðar. Á fjórða degi skall á óveður sem stóð
í tvo sólarhringa. Að því loknu komu skipverjar
auga á stórt skip og skutu upp neyðarblysum.
Það skip sneri frá sem þótti heppilegt síðar meir
þar sem það var þýskt birgðaflutningaskip sem
stuttu síðar var sjálft skotið niður.
Það var ekki fyrr en á tíunda sólarhringnum sem
skipbrotsmönnum var bjargað um borð í breskt
herskip. Þeir voru síðan fluttir til Kanada. Einn
skipbrotsmannanna lést á leið til lands og því
fórust í allt 14 skipverjar af Heklu.
Heimild: Í aldanna rás
ÞETTA GERÐIST: 29. JÚNÍ 1941
Flutningaskipið Hekla skotið í kaf
Elskuleg eiginkona, móðir, tengdamóðir
og amma,
María Finnsdóttir
leikskólakennari,
lést sunnudaginn 26. júní sl. Útför hennar fer fram frá
Fríkirkjunni í Reykjavík þriðjudaginn 5. júlí nk.
kl. 13.00.
Ragnar Hólmarsson
Svavar Ragnarsson Lillian Ragnarsson
Finnur Ragnarsson Harpa Dögg Kjartansdóttir
Kári Hólmar Ragnarsson Elín Ósk Helgadóttir
og barnabörn.
Yndislegi drengurinn okkar, bróðir
og barnabarn,
Sindri Dagur Garðarsson
Jörundarholti 202, Akranesi,
lést á bráðamóttöku Barnaspítala Hringsins að morgni
24. júní. Útförin fer fram frá Akraneskirkju þriðju daginn
5. júlí kl. 14.00. Þeim sem vilja minnast hans er bent á
Minningarreikning nr. 552-14-601309 kt. 111177-5709.
Garðar Garðarsson Guðleif Hallgrímsdóttir
Guðmundur Gestur Garðarsson
Dagný Björk Garðarsdóttir
Hallgrímur Hafliðasson Sigurbjörg Þórðardóttir
Dagný Guðmundsdóttir
Móðir okkar, tengdamóðir, amma
og langamma,
Ragnhildur Oddný
Guðbjörnsdóttir
Hraunbæ 103, áður Hábæ 33,
andaðist í Holtsbúð 23. júní. Jarðsett verður frá
Árbæjarkirkju þriðjudaginn 5. júlí kl. 13.00.
Jónína Haraldsdóttir Vilhjálmur Albertsson
Stefanía Haraldsdóttir Halldór Ármannsson
Sigurður Már Haraldsson Rósa Friðriksdóttir
barnabörn og barnabarnabörn.
Hjartans þakkir fyrir auðsýnda samúð,
hlýhug og vináttu við andlát og útför
okkar ástkæru
Soffíu S. Ó. Axelsdóttur
Pétur Axel Pétursson Þuríður Elísabet Pétursdóttir
Pétur Jökull Pétursson Guðmundur Ketill Guðfinnsson
Stefán Pétursson Védís Guðjónsdóttir
María Pétursdóttir Auður Alfífa Ketilsdóttir
Ásta Soffía Pétursdóttir
og barnabarnabörn
Elskuleg móðir okkar,
Oddný Jónsdóttir
áður Sæfelli, Seltjarnarnesi,
sem lést 14. júní sl., verður jarðsungin frá Neskirkju
föstudaginn 1. júlí kl. 15.00.
Guðni Sigþórsson Helga Guðmundsdóttir
Guðrún J. Sigþórsdóttir Guðmundur Ingi Jónsson
Sigþóra O. Sigþórsdóttir Brynjar Sigtryggsson
Helga Óskarsdóttir
barnabörn og barnabarnabörn.