Fréttablaðið - 29.06.2011, Blaðsíða 42
29. júní 2011 MIÐVIKUDAGUR34
sport@frettabladid.is
KRISTJÁN ARASON og lærisveinar hans í Íslandsmeistaraliði FH í handknattleik karla mæta norsku meisturunum
í Haslum í forkeppni Meistaradeildarinnar í septemberbyrjun. Sigur á Haslum og mótherjum frá Makedóníu eða Ísrael
tryggir liðinu sæti í C-riðli Meistaradeildar en þar verða mótherjarnir meðal annars Þýskalandsmeistarar Hamburg.
FÓTBOLTI Staða Víkings í Pepsi-
deild karla er ekkert sérstök. Liðið
er í næstneðsta sæti deildarinnar
með aðeins einn sigur í sumar. Sá
sigur kom hinn 2. maí í 1. umferð
deildarinnar gegn Þór. Síðan þá
hefur hvorki gengið né rekið hjá
drengjunum hans Andra Marteins-
sonar.
Þrátt fyrir dapurt gengi stend-
ur ekki til að reka Andra. Hann
tók við liðinu í byrjun mars eftir
að Leifi Garðarssyni var vikið frá
störfum. Andri fékk því ekki mik-
inn tíma til þess að undirbúa liðið
eftir sínu höfði fyrir Íslandsmótið.
„Við erum sannfærðir um að við
séum með nógu hæfan þjálfara til
þess að halda okkur uppi. Það er
engin panikk í gangi. Ég get alveg
lofað því,“ sagði Björn Einarsson,
formaður knattspyrnudeildar Vík-
ings, en hann segir menn í Víkinni
enn bera höfuðið hátt.
„Það er engan bilbug á okkur að
finna þrátt fyrir erfitt gengi. Það
er sterk liðsheild í Víkinni. Það
hafa verið mikil meiðsli hjá okkur,
sem hefur ekki hjálpað til. Það er
kannski frasi en við höfum ekki
enn getað stillt upp okkar sterk-
asta liði í sumar. Við lítum þannig
á málið. Þessi hópur er að okkar
mati nógu góður til þess að klára
verkefni sumarsins, sem er ein-
faldlega að tryggja sæti í úrvals-
deildinni,“ sagði Björn. Hann
hefur þó í hyggju að styrkja liðið,
enda skiptir það Víkinga öllu að
halda sæti sínu í deildinni.
„Við munum styrkja okkur. Það
er ýmislegt í farvatninu hvað það
varðar. Það er alveg ljóst að við
bætum við okkur einum til tveim-
ur mönnum. Við í Víkinni svífumst
einskis til þess að klára þetta verk-
efni, sem er að halda liðinu uppi.
Við höfum ákveðna háleita drauma
og verkefni sumarsins skiptir
miklu máli til að þeir draumar
geti ræst. Það eru allir meðvitaðir
um það.“
Andri þjálfari er heldur ekki af
baki dottinn. „Ef ég væri búinn
að missa trúna á verkefnið væri
ég hættur. Mér þykir of vænt um
þetta félag til þess að bara vera
hér,“ sagði Andri við Fréttablaðið,
en hann hefur þegar nælt í einn
leikmann.
Framherjinn Magnús Páll Gunn-
arsson, sem áður lék með Blikum,
er búinn að semja við liðið og fleiri
eru á leiðinni eins og áður segir.
„Við þurfum styrkingu fram
á við enda höfum við ekki verið
nógu kröftugir þar. Því er heldur
ekki að neita að við þurfum meiri
breidd og höfum ekki alveg ráðið
við þau áföll sem við höfum lent
í. Við höfum verið mjög óheppnir
með meiðsli. Við eigum efnilega
leikmenn en þeir geta ekki tekið á
sig of mikla ábyrgð strax.
Þeir eiga að styðja við þá sem
eldri eru og smám saman kom-
ast inn í okkar leik,“ sagði Andri.
Hann á von á því að Helgi Sigurðs-
son verði klár í næsta leik og svo
kemur Björgólfur Takefusa inn
aftur síðar, en báðir hafa verið
meiddir. henry@frettabladid.is
Svífumst einskis til þess
að halda liðinu uppi
Stjórn knattspyrnudeildar Víkings stendur heils hugar við bakið á þjálfaranum
Andra Marteinssyni þó svo að Víkingur hafi ekki unnið leik síðan í byrjun maí.
Víkingar hafa þegar bætt við sig einum leikmanni og fleiri eru væntanlegir.
ÓHEPPNIR MEÐ MEIÐSLI Andri Marteinsson, þjálfari Víkings, getur verið öruggur
með sína stöðu hjá félaginu. Hann segir sitt lið hafa verið einstaklega óheppið með
meiðsli í sumar. FRÉTTABLAÐIÐ/VALLI
Pepsi-deild kvenna
Breiðablik - Þór/KA 2-4
0-1 Sandra Jessen (18.), 1-1 Fanndís Friðriksdóttir
(37.), 2-1 Fanndís Friðriksdóttir (56.), 2-2 Manya
Makoski (62.), 2-3 Mateja Zver (73.), 2-4 Manya
Makoski (75.)
ÍBV - Grindavík 2-1
0-1 Sarah Wilson (52.), 1-1 Berglind Björg
Þorvaldsdóttir (85.), 2-1 Berglind Björg Þorvalds-
dóttir (90.)
Þróttur R. - Valur 1-3
0-1 Elín Metta Jensen (11.), 0-2 Caitlin Miskel, víti
(23.), 1-2 Margrét María Hólmarsdóttir (45.), 1-3
Mist Edvardsdóttir (71.)
Afturelding - Stjarnan 0-4
0-1 Soffía Arnþrúður Gunnarsdóttir (20.), 0-2
Ásgerður Stefanía Baldursdóttir (45.), 0-3 Ashley
Bares (61.), 0-4 Hugrún Elvarsdóttir (77.)
KR - Fylkir 0-1
0-1 Anna Björg Björnsdóttir (81.)
Upplýsingar að hluta frá Fótbolti.net.
STAÐAN
Valur 7 6 1 0 20-6 19
Stjarnan 7 6 0 1 18-5 18
ÍBV 7 5 1 1 17-3 16
Þór/KA 7 4 0 3 14-18 12
Fylkir 7 3 1 3 9-11 10
KR 7 1 4 2 5-6 7
Breiðablik 7 2 1 4 12-14 7
Þróttur R. 7 1 2 4 8-15 5
Afturelding 7 1 1 5 6-19 4
Grindavík 7 0 1 6 6-18 1
ÚRSLIT
Lagerhreinsun
í Timbursölu BY
KO Breidd lýkur
4. júlí
Garðhúsgög
n – Girðinga
einingar – G
arðborð – B
orðplötur –
Sólbekkir –
Blómakassa
r – og marg
t fleiraSíðustu dagar
afsláttur60%
FÓTBOLTI Nýr þjálfari úrvals-
deildarliðs Chelsea í ensku knatt-
spyrnunni, Portúgalinn André
Villas-Boas, er strax farinn að
taka til hendinni á Stamford
Bridge. Hann hefur nú slegið af
fyrirhugaðan æfingaleik liðsins
við hollenska félagið Vitesse Arn-
hem sem fram átti að fara í Hol-
landi hinn 9. júlí.
Leikmenn Chelsea eru vænt-
anlegir til æfinga á nýjan leik á
mánudaginn og taldi þjálfarinn
að leikurinn bryti upp æfinga-
áætlun félagins, sem er nýhafin.
Forsvarsmenn Vitesse Arnhem
eru allt annað en ánægðir. Þeir
segja tíðindin mikil vonbrigði
bæði fyrir félagið og stuðnings-
menn þess. - ktd
Chelsea blæs af æfingaleik:
André Villas-
Boas sagði nei
HANN RÆÐUR André Villas-Boas er
farinn að láta til sín taka. NORDIC PHOTOS/AFP
FÓTBOLTI Þór/KA sótti dýrmæt
þrjú stig í Kópavoginn í gær með
4-2 sigri á Blikum. Leikurinn var
hinn fjörugasti á að horfa, galop-
inn sem skilaði sér í markaveislu.
Eftir að hafa lent marki undir
snemma leiks komu Blikar til
baka með tveimur mörkum
Fanndísar Friðriksdóttur. Mörk-
in voru keimlík og komu eftir
fallegar stoðsendingar frá Grétu
Mjöll Samúelsdóttur. Útlitið gott
fyrir heimakonur.
Þór/KA neitaði að gefast upp
og á fimmtán mínútna kafla gjör-
breyttist leikurinn. Akureyring-
ar skoruðu þrjú mörk á fimmtán
mínútum og tryggði sér sigur.
Manya Makoski, sóknarmaður
Þórs/KA, fór á kostum í leiknum
og skoraði tvö mörk. Fyrra mark-
ið var sérstaklega snyrtilegt þar
sem hún lyfti knettinum í falleg-
um boga yfir Bryndísi markvörð
Blika sem var komin langt út úr
marki sínu.
Sigur Akureyringa var sann-
gjarn en liðið barðist vel og hafði
yfirburði á miðjunni. Með sigr-
inum heldur liðið í við efstu lið en
Blikar sitja eftir fimm stigum á
eftir Þór/KA.
Makoski, sem er Slóveni, var
hæstánægð með sigurinn þar
sem hún kastaði mæðinni og beið
eftir því að rútan legði af stað
norður. Hún sagði mikinn mun á
því að keyra norður eftir sigur-
leiki en þegar ver gengi.
Í Vestmannaeyjum leit allt út
fyrir fyrsta sigur Grindavíkur
þeagr skammt var eftir af leik.
Berglind Björg Þorvaldsdóttir
bjargaði deginum fyrir ÍBV með
tveimur mörkum undir lokin. - ktd
Pepsi-deild kvenna í gær:
Þór/KA skellti
Blikastelpum
SJÓÐANDI HEITAR Makoski og Fanndís
skoruðu tvö mörk hvor í leiknum.
MYND/HAG