Fréttablaðið - 05.07.2011, Blaðsíða 30

5. júlí 2011 ÞRIÐJUDAGUR22
menning@frettabladid.is
Skálholt
Kannski eru lummurnar það besta
við Sumartónleika í Skálholti. Á
milli tónleikanna á laugardögum
er boðið upp á hlaðborð er saman-
stendur af þjóðlegu bakkelsi og
lummurnar eru meðal kræsing-
anna. Með lummunum fylgir sulta
– krækiberjasulta að því er ég held
– og hún er ótrúlega góð.
Maður fer sem sagt ekki bara í
Skálholt á sumrin til að hlusta á
músík. Það er öll stemningin í
kringum tónleikana sem er svo
skemmtileg. Hlaðborðið á milli
tónleikanna er jú frábært, og svo
eitthvað heillandi við kirkjuna
þar sem tónleikarnir fara fram.
Hún er falleg, og kemur margt
til. Þokukennd, nánast barnsleg
mósaík-altaristafla Nínu Tryggva-
dóttur er sjarmerandi. Marglitu
gluggarnir, sem voru teiknaðir af
Gerði Helgadóttur (en eru dönsk
gjöf) skapa sömuleiðis notalegt
andrúmsloft. Svo er hljómburður-
inn frábær.
Eitt það helsta sem einkennir tón-
leikana í Skálholti er að það kostar
ekkert inn á þá. Svo er bannað að
klappa. Áheyrendur sýna virðingu
sína við tónleikahaldara með því
að standa á fætur eftir tónleika.
Það er auðvitað ekki það sama
og að láta mismikla hrifingu sína
í ljós með lófaklappi. Tónleika-
gestir fá þannig ekki að gagn-
rýna! Ég hef aldrei skilið þetta
almennilega. Kannski eru það leif-
ar af þeim hugsunarhætti að ekki
mátti gagnrýna neitt sem fram fór
í kirkjunni. Sem er ekki svo langt
síðan, að því er virðist.
Á laugardaginn hófust Sumar-
tónleikarnir í ár. Fyrsta verk-
ið á efnis skránni var eftir
Hafliða Hallgrímsson og var til-
einkað Helgu Ingólfsdóttur semb-
alleikara. Hún stofnaði Sumartón-
leikana árið 1975 og var listrænn
stjórnandi þeirra til ársins 2004.
Verkið, Í örmum draums, með
undirtitlinum Sónhenda (sonnetta)
LXXVII, við texta Michelangelos
Buonaroti, sem hér var frumflutt,
var hrífandi. Það var flutt af kórn-
um Schola Cantorum undir stjórn
Harðar Áskelssonar. Laglínurnar
voru einfaldar, margar í gangi á
sama tíma. Samsöngurinn mynd-
aði sérkennilega hljóma sem
voru framandi, en ávallt fagrir.
Yfirbragð verksins var látlaust,
engir dramatískir hápunktar,
bara afslappað flæði sem skapaði
mergjað andrúmsloft. Kórsöngur-
inn var líka flottur, tær og í góðu
jafnvægi.
Hinar tónsmíðarnar voru eftir
Bach. Þetta voru tvær mótettur
(BWV 226 og BWV 225) og ein
kantata (BWV 156). Fyrir þá sem
ekki vita er aðalmunurinn á kant-
ötu og mótettu – í mjög einföld-
uðu máli – að mótettan er sungin
en kantatan er sungin með und-
irleik. Sem fyrr var kórinn fínn,
en einsöngvararnir kannski ekki
alveg eins fínir. Þetta voru þau
Elfa Margrét Ingvadóttir, Guðrún
Edda Gunnarsdóttir og Benedikt
Ingólfsson. Sjálfsagt má skrifa
það að mestu á taugaóstyrk.
Í hljóðfæradeildinni í kantötunni
bar mest á einleik Diego Nadra
óbóleikara, sem var áferðarfal-
legur, en einstöku sinnum eilítið
óöruggur. Leikur hljómsveitar-
innar, nokkurra félaga úr Alþjóð-
legu barokksveitinni í Haag, var
þó góður í það heila og prýðilega
samtaka.
Þetta voru skemmtilegir tónleikar.
Upp úr stendur verk Hafliða, sem
ég myndi gjarnan vilja heyra
aftur. Upptaka kemur vonandi út
fljótlega. Jónas Sen
Niðurstaða: Fín byrjun á Sumartón-
leikum í Skálholti. Sérlega heillandi
tónsmíð eftir Hafliða Hallgrímsson.
Kórsöngurinn var fallegur.
Í ÖRMUM DRAUMS
Tónlist ★★★★
Sumartónleikar í Skálholti
Verk eftir Bach og Hafliða Hall-
grímsson
Miðaldasönghópurinn Voces
Thules mun sjá um tónlistina
á fjórðu og síðustu tónleikum
í tónleikaröðinni „Þriðjudags-
kvöld í Þingvallakirkju“. Fimm-
menningarnir í Voces Thules
munu þá flytja andleg og ver-
aldleg lög allt frá Sturlungaöld
til endurreisnartímans. Tón-
leikarnir hefjast klukkan átta í
kvöld og standa í tæpa klukku-
stund. Aðgangur er ókeypis en
tekið við framlögum við kirkju-
dyr.
Gestir eru beðnir um að
leggja bílum sínum við Flosagjá
og rölta síðasta spölinn.
Voces Thules
syngja í Þing-
vallakirkju
ÞINGVALLAKIRKJA Miðaldatónlist Voces
Thules mun óma í kirkjunni í kvöld.
Djasshátíðin Jazz undir fjöllum
verður haldin í áttunda sinn að
Skógum undir Eyjafjöllum laug-
ardaginn 9. júlí. Fimm tónleikar
verða á hátíðinni í ár en þemað er
sunnlenskur djass og tengjast öll
atriðin sunnlenskum djasstónlist-
armönnum.
Á aðaltónleikum hátíðarinnar í
félagsheimilinu Fossbúð á laugar-
dag leikur Stórsveit Suðurlands
undir stjórn Selfyssingsins Vignis
Þórs Stefánssonar fjölbreytta dag-
skrá. Þrír sunnlenskir söngvarar
koma fram með sveitinni: Krist-
jana Stefánsdóttir, Guðlaug Dröfn
Ólafsdóttir og Gísli Stefánsson.
Allir meðlimir hljómsveitarinn-
ar eru frá Suðurlandi eða búsett-
ir þar.
Í Skógakaffi kemur fram stór
hópur tónlistarmanna á laugar-
daginn, þar á meðal kontrabassa-
leikararnir Ólafur Stolzenwald
og Jón Rafnsson, trompetleikar-
inn Birkir Freyr Matthíasson og
píanóleikarinn Vignir Þór Stef-
ánsson.
Aðstandendur hátíðarinnar eru
Byggðasafnið í Skógum og Sigurð-
ur Flosason saxófónleikari, sem
er jafnframt listrænn stjórnandi
hennar.
Aðgangur er ókeypis í Skóga-
kaffi, en aðgangseyrir er kr. 1.500
í Fossbúð.
Djass undir fjöllum
STÓRSVEIT SUÐURLANDS Leikur á aðaltónleikum djasshátíðarinnar að Skógum á
laugardag.
COPA AMERICA NÝTUR SÍN
BEST Í SJÓNVARPI FRÁ ELKO
VILTU VINNA
SJÓNVARP
+
ÁSKRIFT
AÐALVINNINGUR ER
LG 42“ PLASMATÆKI
OG ÁSKRIFT AÐ STÖÐ 2 SPORT 2
EÐA STÖÐ 2 Í 3 MÁNUÐI
SENDU SMS ESL BOLTI
Á NÚMERIÐ 1900.
ÞÚ FÆRÐ SPURNINGU OG SVARAR MEÐ
ÞVÍ AÐ SENDA SMS SKEYTIÐ ESL A, B EÐA C
Á NÚMERIÐ 1900 OG ÞÚ GÆTIR UNNIÐ! AUKA-
VINNINGAR ERU TÖLVULEIKIR · DVD MYNDIR OG FLEIRA!
Vinningar afhentir í ELKO Lindum. 149 kr/skeytið.
Með því að taka þátt ertu kominn í SMS klúbb.
Leik líkur 22. júlí. Þú færð 3 mínútur til að svara
annars þarftu að byrja upp á nýtt
H
V
ER VINNUR
!
9.