Fréttablaðið - 23.07.2011, Qupperneq 2

23. júlí 2011 LAUGARDAGUR2
Gott að vita um Bakkakot
í krafti fjöldans
2.800 kr. GILDIR 48 TÍMA
6.000 kr. 53,3% 3.200 kr.
ÞJÓÐKIRKJAN „Þetta var heilun –
ég er frjáls,“ segir Sigrún Pálína
Ingvarsdóttir, sem í gær gekk frá
sáttagjörð við þjóðkirkjuna vegna
meðferðar kirkjunnar í kjölfar
ásakana um kynferðisbrot Ólafs
Skúlasonar.
Ásamt Sigrúnu Pálínu gerði
úrbótanefnd kirkjuþings sátt við
þær Dagbjörtu Guðmundsdótt-
ur og Stefaníu Þorgrímsdóttur
sem einnig báru að séra Ólafur
Skúlason hefði brotið gegn þeim
kynferðislega. Konurnar fá fimm
milljónir króna og Sigrún Pálína
eina milljóna króna í útlagðan
kostnað að auki vegna „mistaka
í málsmeðferð“. Við sáttaathöfn í
Grensáskirkju í gær voru viðstadd-
ir aðstandendur kvennanna auk
ýmissa fulltrúa kirkjunnar, þar á
meðal Karl Sigurbjörnsson biskup
sem undirritaði samkomulagið.
Við athöfnina fluttu Sigrún
Pálína og Stefanía ávörp. Það
gerðu einnig Pétur Kr. Hafstein,
forseti kirkjuþings, og Magnús E.
Kristjánsson, formaður úrbóta-
nefndarinnar. Sigrún Pálína færði
þjóðkirkjunni mosavaxinn stein til
minningar um áratuga baráttu.
„Sannleikurinn getur verið sár
en hann sigrar alltaf að lokum og
mun gera okkur frjáls,“ er meðal
þess sem letrað er á steininn sem
ber yfirskriftina Biskupsmálið
1978-2011.
Atburðinn sem Sigrún Pálína
vísar til segir hún hafa gerst í
Bústaðakirkju árið 1978. Þá var
Ólafur Skúlason sóknarprestur
þar.
„Mér finnst stórkostlegt – eftir
33 ára baráttu við að segja sann-
leikann um hvern mann Ólaf-
ur Skúlason hafði að geyma – að
þessi dagur sé runninn upp. Ég
trúi því og vona að ég geti skilað
ábyrgðinni í hendur kirkjunnar
og að hún taki við henni. Ég upp-
lifi að kirkjunefndin sé að vinna
að þessu af einlægni og að það sé
sterkur vilji til að taka ábyrgð á
þessu máli og afleiðingunum,“
segir Sigrún Pálína, sem eftir
athöfnina færði Stígamótum eina
milljón króna að gjöf.
Sigrún Pálína sagði sig úr þjóð-
kirkjunni árið 1996. „Ég er farin
að sjá breytingar sem eru það
jákvæðar að ég trúi því að einn
góðan veðurdag verði mögulegt að
ganga í þjóðkirkjuna aftur,“ segir
hún.
Sigrún Pálína er ósátt við
hvernig Karl biskup tók á málum
kvennanna. „Hann verður að eiga
það við eigin samvisku og sinn guð
hvort hann situr eða fer,“ segir hún
um viðhorf sitt í dag til séra Karls.
Biskupinn segir að í gær hafi
verið sáttastund sem marki gleði-
leg kaflaskil í viðkvæmu og erfiðu
máli sem valdið hafi ótal mörgum
sársauka. „Ég er þakklátur öllum
þeim sem komu að því máli og
horfi björtum augum fram á veg-
inn,“ segir Karl Sigurbjörnsson.
gar@frettabladid.is
Skila ábyrgðinni nú
í hendur kirkjunnar
Sigrún Pálína Ingvarsdóttir segist frjáls eftir sáttagjörð við þjóðkirkjuna. Þrjár
konur fá fimm milljónir króna. Sigrún Pálína segir Karl Sigurbjörnsson biskup
verða að eiga það við samvisku sína og guð sinn hvort hann sitji áfram í embætti.
SIGRÍÐUR PÁLÍNA INGVARSDÓTTIR Stórkostlegt að þessi dagur sé runninn upp
segir Sigríður Pálína Ingvarsdóttir, sem í gær gerði sátt við þjóðkirkjuna. Magnús E.
Kristjánsson, formaður úrbótanefndar, Pétur Kr. Hafstein, forseti kirkjuþings, og Karl
Sigurbjörnsson biskup voru viðstaddir sáttaathöfn í Grensáskirkju. FRÉTTABLAÐIÐ/ANTON
Ég er farin að sjá
breytingar sem eru
það jákvæðar að ég trúi því
að einn góðan veðurdag
verði mögulegt að ganga í
þjóðkirkjuna aftur.
SIGRÚN PÁLÍNA INGVARSDÓTTIR
DÓMSMÁL Héraðsdómur Reykja-
víkur hefur vísað frá dómi kröfu
manns og konu á hendur Arion
banka, sem vildu fá það viður-
kennt að þau þyrftu ekki að greiða
fasteignalán sem þau tóku í júní
árið 2007. Til vara krafðist fólkið
þess að þurfa einungis að greiða 23
milljónir króna.
Lánið var til 25 ára og gengis-
tryggt í japanskri mynt. Upphaf-
leg fjárhæð þess var 23 milljónir
króna. Fólkið greiddi mánaðarlega
af skuldabréfinu til 1. desember
2008. Vegna hruns krónunnar nam
heildarupphæð lánsins tæplega 65
milljónum króna 1. mars síðast-
liðinn samkvæmt útreikningum
Arion banka.
Vegna laga sem sett voru á síð-
asta ári þar sem kveðið var á um
að fjármálafyrirtæki skuli end-
urreikna húsnæðislán til neyt-
enda, hafi slíkt lán verið greitt
út í íslenskum krónum en endur-
greiðsla miðast við gengi erlendra
gjaldmiðla, hafði Arion banki end-
urreiknað lánið. Höfuðstóll þess
stendur því í tæpum 33 milljónum.
Þar sem Héraðsdómur sam-
þykkti hvoruga kröfu parsins kom
ekki til þess að bankinn þyrfti að
greiða þeim neitt til baka.
- jss
Héraðsdómur Reykjavíkur vísaði frá dómi kröfu á hendur Arion banka:
Verða að greiða húsnæðislánið
Gunnar, andar þú ekki léttar
þegar hátíðin er búin?
„Jú, sérstaklega ef gestir hennar
hafa lært að anda léttar.
Gunnar Eyjólfsson leikari mun kenna
gestum á útihátíðinni Sjálfstætt fólk að
anda rétt á sérstöku námskeiði.
SKATTAMÁL Olíugjald gæti verið
lagt á steinolíu á næstu misserum.
Mjög hefur færst í vöxt að steinolía
sé notuð sem eldsneyti á dísilbíla
en á næstunni verður gjaldkerfið
að baki samgönguframkvæmdum
tekið til endurskoðunar.
„Þetta verður bara tekið til skoð-
unar eins og annað. Eins og kom
fram í nýútkominni skýrslu um
hátt bensínverð stendur núverandi
gjaldkerfi ekki undir þeim sam-
gönguframkvæmdum sem menn
hafa viljað ráðast í. Það er því
ljóst að hvort sem það er steinolía
eða annað þá þarf að innheimta
gjöld af þessum
orkugjöfum því
meira sem bíla-
flotinn skiptir
yfir í þá,“ segir
Huginn Freyr
Þorsteinsson,
aðstoðarmaður
fjármálaráð-
herra.
Huginn segir
víða standa yfir
endurskoðun
á þessum málum. „Í Evrópu til
dæmis er stefnt að því að menn
greiði fyrir notkun á vegakerfinu
en sú tækni er ekki alveg tilbúin.“
Sala á steinolíu hefur aukist veru-
lega á síðustu árum en í fyrra var
hún tíu sinnum meiri en árið 2005.
Aukningin skýrist af því að færst
hefur í vöxt að steinolía sé notuð
á eldri dísilbíla, ýmist hrein eða
blönduð í dísil, enda er lítrinn af
steinolíu tugum króna ódýrari en
dísilolíulítrinn.
Ekkert olíugjald leggst á stein-
olíu enda er hún ekki ætluð sem
eldsneyti fyrir ökutæki. Olíugjald-
ið er 55 krónur á hvern lítra og því
hægt að spara talsverðar upphæð-
ir með athæfinu. - mþl
Heildurendurskoðun á tekjum hins opinbera vegna vegagerðar í vændum:
Olíugjald á steinolíu verður skoðað
HUGINN FREYR
ÞORSTEINSSON
HÉRAÐSDÓMUR REYKJAVÍKUR Dómurinn vísaði kröfu fólks, sem vildi fá það
viðurkennt að þurfa ekki að endurgreiða fasteignalán, frá dómi.
DÓMSMÁL Gæsluvarðhald yfir
ungum manni sem grunaður er
um að hafa orðið barnsmóður
sinni að bana í Heiðmörk í maí
hefur verið framlengt til 18.
ágúst.
Jafnframt hefur ríkissak-
sóknari gefið út ákæru á hend-
ur honum. Þar er gerð krafa um
refsingu en til vara krafa um
vistun á viðeigandi stofnun.
Maðurinn kom með lík kon-
unnar í skotti bifreiðar sinnar á
Landspítalann í Fossvogi 12. maí
síðastliðinn. Hann er nú vistaður
á réttargeðdeildinni á Sogni. - jss
Ákæra hefur verið gefin út:
Heiðmerkur-
maður enn inni
ALÞINGI Sigmundur Davíð Gunn-
laugsson, formaður Framsókn-
arflokksins, telur ástæðu til að
kalla Alþingi
saman til fund-
ar hið fyrsta.
Hann telur sér-
staka þörf á
að ræða stöðu
ýmissa fjár-
málastofnana.
Í því sam-
hengi nefnir
hann stöðu
SpKef, en eigið
fé sjóðsins er metið tæpum 20
milljörðum minna en var við
sameiningu við Landsbankann.
Þá vill Sigmundur ræða söluna á
Byr og inngrip í önnur fjármála-
og tryggingafyrirtæki. Sig-
mundur segir, í grein á heima-
síðu sinni, að óvissa um rekstur
bankanna og ríkisstuðning sé
óþolandi. Á sama tíma gangi
úrlausn skuldamála almennings
of hægt. Sigmundur vill einnig
ræða Evrópumál, en hann hefur
farið fram á fund í utanríkis-
málanefnd. - kóp
Vill funda um ýmis mál:
Sigmundur vill
fund á Alþingi
SIGMUNDUR DAVÍÐ
GUNNLAUGSSON
LÖGREGLUMÁL Íslenskur karl-
maður á fertugsaldri var stung-
inn með hnífi í Amsterdam í Hol-
landi í fyrrakvöld. Hann liggur nú
á sjúkrahúsi í borginni en er ekki
talinn vera í lífshættu, að því er
fram kemur á fréttavef Morgun-
blaðsins.
Svo virðist sem árásin hafi verið
tilefnislaus en árásarmaðurinn
kom aftan að manninum og stakk
hann í bakið alls fimm sinnum.
Maðurinn hefur verið á ferðalagi
í Evrópu ásamt tveimur félögum
sínum. - mþl
Ráðist á Íslending í Hollandi:
Stunginn í
Amsterdam
HOLLAND, AP Goran Hadzic var
framseldur í gær frá Serbíu til
Alþjóðlega sakadómstólsins í
Haag, þar sem hann er ákærður
fyrir stríðsglæpi.
Hadzic var handtekinn fyrr í
vikunni, síðastur þeirra eftir-
lýstu stríðsglæpamanna sem
verið hafa í felum árum saman
eftir þátttöku sína í styrjöldun-
um á Balkanskaga fyrir hálfum
öðrum áratug.
Hadzic er meðal annars grun-
aður um að hafa myrt tvö hundr-
uð króatíska stríðsfanga. - gb
Framseldur til Haag:
Hadzic sendur
frá Serbíu í gær
GORAN HADZIC Í fylgd lögreglumanna í
Haag. NORDICPHOTOS/AFP
SVÍÞJÓÐ Þremur gestum á
veitingastaðnum Mongolian
Barbeque í Gautaborg var neitað
um eftirrétt og þeim vísað út þar
sem þeir borðuðu ekki allt sem
þeir höfðu raðað á diskana sína af
hlaðborði.
Þegar þjónninn, sem hafði
boðið gestunum ís, sá að einn
gestanna hafði leift matnum til-
kynnti hann að eftirréttur væri
aðeins innifalinn í verðinu ef
menn kláruðu.
Veitingastjórinn ræddi síðan
við gestina um svöng börn í
Afríku og nauðsyn á því að kenna
unglingum að fara ekki illa með
mat. - ibs
Strangur veitingastjóri:
Fá ekki ís ef
þeir leifa mat
SPURNING DAGSINS