Fréttablaðið - 05.08.2011, Qupperneq 24

4 föstudagur 5. ágúst
H
afdís Inga er sannur
Gaflari. Hún hefur
alla tíð búið í Hafn-
arfirði og er FH-ing-
ur í húð og hár. „Ég
hef alltaf búið í Hafnarfirði ef frá
eru talin nokkur ár þar sem ég bjó
úti. Ég ólst upp með tveimur eldri
bræðrum og er því eiginlega litla
prinsessan í fjölskyldunni,“ segir
hún brosandi.
Hafdís hefur að eigin sögn allt-
af haft áhuga á að læra förðun og
lét drauminn rætast árið 2006.
„Ég vissi strax sem barn að þetta
væri eitthvað sem ég vildi vinna
við, það var eitthvað við förðun
sem mér fannst mjög spennandi.
Þegar ég var á unglingsaldri mál-
aði ég allar vinkonur mínar fyrir
böll og partý og ein besta vinkona
mín heldur því fram að það hafi
verið hún sem uppgötvaði mig.“
Á ferli sínum hefur Hafdís
komið víða við og tók meðal ann-
ars að sér verkefni fyrir sænska
ríkissjónvarpið og Reykjavík Fas-
hion Festival auk þess sem hún
hefur séð um förðunina fyrir
ýmsa sjónvarpsþætti og auglýs-
ingar. Hún segir þó skemmtileg-
ast að vinna við tískusýningar því
þar fái listsköpunin mesta útrás.
Innt eftir því hvernig sjónvarps-
starfið sé til komið segir Hafdís
það hafa verið óvænt tilboð frá
framleiðanda þáttanna. „Hann
hringdi í mig og bauð mér starf-
ið. Ég varð mjög hissa og tók mér
góðan umhugsunarfrest áður en
ég ákvað að slá til. Ég hugsaði
með mér að þetta er tilboð sem
býðst aðeins einu sinni.“
Þátturinn ber sama nafn og
áður en verður þó með nýju sniði
og öðrum áherslum. Þá verða
þáttastjórnendurnir núna þrír
talsins og markhópurinn yngri.
Hafdís segist hlakka til að tak-
ast á við verkefnið þó hún kvíði
því líka. „Ég er kannski ekki
beint kvíðin en þetta er auðvi-
tað fyrir utan minn þæginda-
ramma og maður óttast auðvitað
það að gera sig að fífli. En þetta
eru vonandi bara óþarfa áhyggj-
ur hjá mér.“
ATVINNUMENNSKA
Í HANDBOLTA
Áður en Hafdís Inga gerðist förð-
unarfræðingur var hún atvinnu-
maður í handbolta í eitt ár og
stundaði einnig nám í innan-
húsarkitektúr í Mílanó. „Eftir at-
vinnumannsárið í Danmörku fékk
ég nóg af handbolta og ákvað að
snúa mér að öðru. Ég var búin að
æfa íþróttina frá því ég var barn
og fékk aldrei frí. Ef það var pása
hjá félagsliðinu tóku við æfing-
ar með landsliðinu og að lokum
fékk ég bara nóg og ákvað að
taka mér pásu. Undanfarin tvö
ár hef ég spilað með meistaraliði
Fram en ég hef verið að glíma við
meiðsli og tel ólíklegt að ég haldi
áfram úr þessu.“
MÓÐURHLUTVERKIÐ
ÞAÐ ALLRA BESTA
Hafdís á eina dóttur sem fyllir sjö
árin nú í ágúst og er hún að sögn
hinnar stoltu móður bæði orku-
mikil og ófeimin. „Móðurhlut-
verkið er miklu, miklu skemmti-
legra en ég hafði búist við. Ég held
að fæstir geti gert sér í hugarlund
hversu frábært þetta er fyrr en
barnið er fætt. Fyrir mér er þetta
besta hlutverk í heimi.“
Hafdís var tuttugu og tveggja
ára gömul er hún varð ófrísk og
segir meðgönguna hafa gengið vel.
„Þetta var mjög óvænt en ánægju-
legt. Það tók mig kvöldstund að
venjast tilhugsuninni en svo var
ég bara spennt. Meðgangan gekk
líka mjög vel, erfiðast fannst mér
að geta ekki sofið lengur á mag-
anum.“
Þegar dóttirin var fjögurra ára
gömul ákváðu Hafdís og barns-
faðir hennar að flytja búferlum til
Mílanó þar sem hún stundaði nám
í innanhúsarkitektúr. Fjölskyldan
bjó í ár í borginni og viðurkennir
Hafdís að fyrstu þrír mánuðirnir
hafi verið erfiðir.
„Við töluðum ekki tungumál-
ið og vorum án fjölskyldunetsins
sem maður var vanur að heiman.
Menningin er líka ólík okkar og
mér fannst mjög erfitt að senda
stelpuna í leikskólann því hún
átti erfitt með að tjá sig í fyrstu
en sem betur fer var hún fljót að
aðlagast og eftir nokkrar vikur
var hún farin að tala tungumál-
ið betur en ég. Fyrstu mánuðina
fannst mér ég vera hræðilega vond
mamma að gera barninu þetta og
ég mundi hugsa mig vel um ef
ég ætlaði að flytja aftur út með
hana.“
KOM ÚT ÚR SKÁPNUM
Hafdís kynntist Söndru Sigurðar-
dóttur fyrir rúmum tveimur árum
og hafa þær nú verið saman í eitt
og hálft ár. Sambandið er enn nýtt
af nálinni en Hafdís segir að hing-
að til hafi allt gengið vel fyrir sig.
Aðspurð segist hún hafa kviðið því
mikið að segja dóttur sinni og fjöl-
skyldu frá sambandinu en að allir
hafi tekið fréttunum vel.
„Þetta var líklega eitt það erf-
iðasta sem ég hef gert. Ég hafði
miklar áhyggjur af því hvern-
ig stelpan mundi taka þessu og
reyndi að undirbúa mig vel, ég
ræddi við félagsráðgjafa og ráð-
færði mig líka við leikskólakennar-
ana hennar en svo virðast áhyggj-
ur mínar hafa verið til einskis því
þegar ég sagði henni þetta sagði
hún bara: „Allt í lagi. Eigum við að
lita?“ Henni finnst líka brjálæðis-
lega flott að geta sagt fólki að hún
eigi þrjár mömmur, mig og tvær
stjúpmömmur,“ segir Hafdís hlæj-
andi.
Þegar hún er innt eftir því hvort
að fréttirnar hafi komið hennar
nánustu á óvart svarar hún neit-
andi.
„Ég held að þetta hafi komið
fæstum á óvart. Áður en ég sagði
fjölskyldunni frá hafði ég ímyndað
mér allt hið versta en svo hafa allir
bara verið dásamlegir. Barnsfaðir
minn og fjölskylda hans hafa líka
verið mjög skilningsrík og þess
vegna hefur þetta verið frekar auð-
velt ferli. Það tók sjálfa mig líka
tíma að venjast tilhugsuninni og
mér finnst ennþá stundum skrít-
ið að hugsa til þess að ég eigi kær-
ustu,“ segir hún og brosir.
FINNUR LÍTIÐ FYRIR
FORDÓMUM
Hafdís segist lítið hafa fundið
fyrir fordómum gagnvart samkyn-
hneigðum og segir sína reynslu að-
eins jákvæða.
„Ég hafði mestar áhyggjur af
stelpunni og hvort hún yrði fyrir
stríðni en þetta fjölskyldumunstur
er orðið það algengt í dag og börn-
in pæla ekkert í því hvort einhver
eigi tvær mömmur eða tvo pabba.
En ég hafði líka reynt að vinna
mína heimavinnu og fengið kenn-
arana til liðs við mig þannig þetta
hefur aldrei verið vandamál. Ég
man aðeins eftir einu skipti þar
sem hún kom heim og sagði ein-
hvern hafa notað orðið lesbía án
þess að skilja meiningu orðsins
en það var bara tæklað um leið og
hefur ekki komið fyrir aftur.“
Hinsegin dagar voru formlega
settir í gær og ná hápunkti er hin
árlega Gleðiganga verður farin um
miðbæ Reykjavíkur á morgun. Haf-
dís mun að sjálfsögðu taka þátt í
hátíðarhöldunum og viðurkenn-
ir að það sé öðruvísi tilfinning að
taka þátt eftir að hún kom út úr
skápnum.
„Það er auðvitað munur að taka
þátt í Hinsegin dögum núna. Bar-
áttan fyrir almennum mannrétt-
indum hafur alltaf verið mér hug-
leikin en stendur mér jafnvel enn
nær núna og ég táraðist næstum
á opnunarhátíðinni í fyrra. Ég er
Nýtt andlit á skjáinn Hafdís Inga Hinriksdóttir er ein af þremur stjórnendum Nýs útlits sem hefu
atvinnumaður í handbolta og nýkomin út úr skápnum.
UPPGÖTVUÐ AF
VINKONU SINNI
Hafdís Inga Hinriksdóttir er förðunarmeistari, fyrrum atvinnumaður í
handbolta og tiltölulega nýkomin út úr skápnum. Hún er ein af þremur stjórn-
endum sjónvarpsþáttarins Nýs útlits sem hefur göngu sína á Skjáeinum í haust.
Viðtal: Sara McMahon
Ljósmynd: Stefán Karlsson