Fréttablaðið - 07.09.2011, Page 32

MARKAÐURINN7. SEPTEMBER 2011 MIÐVIKUDAGUR6
U T A N D A G S K R Á R
Til leigu eða sölu
Skrifstofuhúsnæði á besta stað í Reykjavík
Nánari upplýsingar eru veittar í síma 692 2323 eða 692 0900.
Um er að ræða skrifstofuhúsnæði
á fjórum hæðum að Rauðarárstíg 27.
1. hæð samtals 467 fm.
2. hæð samtals 479 fm.
3. hæð samtals 479 fm.
4. hæð samtals 479 fm.
Gott aðgengi og næg
bílastæði.
G A M L A M Y N D I N
Á gömlu myndinni að þessu
sinni má sjá ungan dreng skoða
í búðarglugga þar sem Útvegs-
spilið er í forgrunni. Myndin er
tekin í aðdraganda jólanna 1977
þegar spilið var nýkomið út, en
það var eitt af allra fyrstu alís-
lensku borðspilunum.
Það vakti enda mikla lukku,
seldist vel og var fádæma vinsælt
meðal ungra og aldinna. Hauk-
ur Halldórsson, Jón Jónsson og
Tómas Tómasson hönnuðu spil-
ið, en megintakmarkið í spilinu
var að koma sér upp útgerð og
fiskvinnslu til útflutnings sjávar-
afurða.
Þrátt fyrir að gríðarleg gróska
hafi verið í þessum geira síðustu
ár og fjölmörg íslensk spil komi
út fyrir hverja jólavertíð hefur
enginn þó látið af því verða að
gefa út uppfærða útgáfu af Út-
vegsspilinu. Fiskveiðistjórnunar-
kerfið hefur enda tekið miklum
breytingum og hætt við því að
slettast myndi upp á vinskap
víða ef sest yrði niður við slíkt
spil, enda fá málefni jafn umdeild
þessi misserin. - þj
Útvegsspilið
heillar ungan mann
GÆGIST INN UM GLUGGANN Útvegsspilið, sem sést í glugganum, naut mikilla
vinsælda hér á landi um árabil. MYND/LJÓSMYNDASAFN REYKJAVÍKUR
Óhætt er að segja að ísbúðin Yoyo
hafi komið með miklum látum
inn á markaðinn, en réttu ári frá
stofnun hefur vegur hennar vaxið
stöðugt og nýlega var önnur búð
opnuð við Egilsgötu í Reykjavík.
Þá er fyrsta sérleyfis búðin farin
af stað í útlöndum og sér ekki
fyrir endann á þeirri þróun.
Í Yoyo geta viðskiptavinir af-
greitt sig sjálfir um jógúrtís og
valið milli fjölda bragðtegunda.
Bræðurnir Ásgeir Ingi og
Kristján Ingvi Einarssynir fara
fyrir rekstrinum, sem er sann-
kallað fjölskyldufyrirtæki að
sögn Ásgeirs.
„Við erum öll í þessu, og raun-
ar voru það foreldrar okkar sem
stungu upp á því við okkur að
fara út í svona rekstur eftir að
hafa séð svipaða búð í Flórída.“
Ásgeir segir að margt hafi
orðið til að kveikja áhuga þeirra
á að láta slag standa. „Okkur
fannst að þetta gæti orðið snið-
ugt. Sérstaklega sjálfsafgreiðslu-
formið, en þetta var líka tækifæri
til að skapa sérstöðu á markaðin-
um með hollum og fjölbreyttum
ís. Þannig að við stukkum bara
á þetta.“
Nokkur tími leið þó þar til fyrri
búðin opnaði á Nýbýlavegi, en á
meðal þess sem þurfti að gera
var að ná tökum á ísgerðinni.
„Við vorum með mjólkurfræð-
ing með okkur í þróunarvinn-
unni til að byrja með á meðan
við vorum að fullkomna ísinn,
en við gerum allan okkar ís í
búðunum, sem er bæði hagstæð-
ara og markar okkur sérstöðu.“
Ásgeir segir kynningu og
markaðssetningu hafa gengið
vel og það sé að miklu leyti því
að þakka að þeir séu með hæfi-
leikaríkt fólk með sér og það
borgi sig alltaf.
Mikið stendur enn til hjá Yoyo
þó að margt hafi þegar áunnist.
Til dæmis var fyrsta sérleyfis-
búðin opnuð erlendis fyrir
skemmstu, í Ríga í Lettlandi.
„Það hefur gengið mjög vel hjá
þeim og allt vitlaust að gera,“
segir Ásgeir. „Þeir leituðu til
okkar um að fá að opna Yoyo-
búðir úti og stefna á að opna alls
fimmtán búðir í Eystrasaltslönd-
unum á komandi árum.“
Nú segir Ásgeir að þau hjá
Yoyo ætli að staldra við eftir
sumar ösina, líta yfir síðasta ár
og marka svo næstu skref. - þj
Yoyo tók markaðinn með trompi
F Y R I R T Æ K I Ð
VIÐ BORÐIÐ Ásgeir Ingi Einarsson rekur, í félagi við bróður sinn Kristján Ingva, ísbúðir
undir nafninu Yoyo. Á fyrsta starfsári sínu hafa þeir þegar opnað aðra búð hér á landi og
sérleyfisbúð var opnuð fyrir skemmstu í Ríga í Lettlandi. FRÉTTABLAÐIÐ/HAG