Fréttablaðið - 23.09.2011, Qupperneq 6

23. september 2011 FÖSTUDAGUR6
Ársæll Valfells, lektor við
Viðskiptafræðideild HÍ:
Kostir og gallar einhliða upptöku
gjaldmiðils: USD, EUR, CAD, NOK?
Orri Hauksson, framkvæmdastjóri
Samtaka iðnaðarins, fjallar um íslensku
krónuna, kosti hennar og galla sem
gjaldmiðils og þá umgjörð sem sjálfstæð
mynt þarfnast til að þjóna hagsmunum
þjóðarinnar.
?
Benedikt Jóhannesson, framkvæmdastjóri
Talnakönnunar, fjallar um evruna og kosti
hennar fyrir Ísland samhliða aðild landsins
að ESB.
Ármann Kr. Ólafsson, oddviti Sjálfstæðisflokksins í Kópavogi flytur ávarp.
Sjálfstæðisfélag Kópavogs
Vörður – fulltrúaráð Sjálfstæðisfélaganna í Reykjavík
Sjálfstæðisfélag Hafnarfjarðar
Turninn, Kópavogi, 20. hæð, laugardaginn 24. september kl. 10.
Opinn fundur – tökum öll þátt í umræðunni!
Fundarstjóri: Guðlaugur Þór Þórðarson, alþingismaður.
Gjaldmiðlakostir Íslands
DÓMSMÁL Lögreglustjórinn á
Eskifirði hefur ákært ábúanda á
Stórhóli í Djúpavogshreppi fyrir
brot á lögum um dýravernd og
búfjárhald með því að vanrækja
að tryggja góðan aðbúnað, með-
ferð og fóðrun sauðfjár á ofan-
greindum bæ.
Ábúandanum er gefið að sök að
hafa í mars 2011 haldið of margt
fé í fjárhúsunum á bænum, eða
764 ær, þar sem aðeins var húsa-
kostur fyrir 684 ær. Jafnframt að
hafa vanrækt að halda fjárhúsun-
um þurrum þannig að for var á
gólfi í hluta þeirra. Enn fremur
að hafa vanrækt að rýja nokkrar
ær og láta bólusetja allt að 135
ásetningslömb gegn garnaveiki.
Meirihluti fjárins hafi verið van-
fóðraður og ekki hafi verið leitað
læknisaðstoðar fyrir veika og
slasaða gripi á bænum né þeir
aflífaðir.
Enn fremur er ákært fyrir
vanrækslu þar sem 237 gemling-
um hafi ekki verið tryggt húsa-
skjól í apríl árið áður, heldur þeir
geymdir í skjóllausum girðingum.
Þá eru ábúandinn og ábúandi
á Hraunkoti ákærðir fyrir van-
rækslu á 70 kindum sem fluttar
voru á ofangreindan bæ, án þess
að veita þeim húsaskjól og full-
nægjandi fóður. Aflífa varð sex
ær vegna ástands þeirra.
Refsingar er krafist auk banns
við búfjárhaldi. - jss
Fjárbóndi ákærður fyrir brot á lögum um dýravernd og búfjárhald:
Ákært fyrir vanrækslu sauðfjár
VANFÓÐRUN Meirihluti fjárins var
vanfóðraður að því er segir í ákæru.
EFNAHAGSMÁL Engin formleg
ákvörðun hefur verið tekin um að
Icesave-málið fari fyrir EFTA-dóm-
stólinn, að sögn Oda Helen Sletnes,
forseta ESA. Beðið er svara frá
íslenskum stjórnvöldum.
„Eftirlitsstofnun EFTA hefur ekki
ákveðið hvort Icesave-málinu verði
vísað til EFTA-dómstólsins. ESA
bíður nú eftir svari íslenskra stjórn-
valda við rökstuddu áliti stofnunar-
innar frá 10. júní 2011. Svarinu ber
að skila fyrir lok þessa mánaðar og
mun ESA skoða það gaumgæfilega
áður en ákvörðun um næstu skref í
málinu verður tekin,“ segir Sletnes.
Fréttablaðið greindi frá því í
gær að samkvæmt heimildum þess
fari málið fyrir EFTA-dómstólinn.
Sömu heimildir herma að þótt ekki
hafi verið tekin formleg ákvörðun
um málið muni ekkert nema upp-
greiðsla Íslands vegna Icesave
stöðva dómsmál. ESA hefur sent
frá sér rökstutt álit um að Íslend-
ingum beri að greiða lágmarks-
tryggingu samkvæmt evrópska inn-
stæðutryggingakerfinu. Sú upphæð
nemur 20 þúsundum króna á hvern
reikning, eða 675 milljörðum alls.
Íslendingar hafa frest til mánaða-
móta til að skila svörum. - kóp
Ekkert nema uppgreiðsla stöðvar dómsmál hjá EFTA-dómstólnum:
Engin ákvörðun verið tekin hjá ESA
GRIKKLAND Almenningssamgöngur
lögðust að mestu niður vegna verk-
falls í Grikklandi í gær. Almenn-
ingur sættir sig engan veginn við
þann viðbótarniðurskurð og skatta-
hækkanir, sem stjórnin kynnti á
miðvikudag.
Kennsla féll einnig niður í
skólum landsins vegna verkfalls
kennara, en auk þeirra lögðu
flugumferðarstjórar, leigubifreiða-
stjórar og starfsfólk almennings-
samgangna niður vinnu.
Ríkisstjórnin sá sér ekki annað
fært en leggja enn meiri álögur
og niðurskurð á almenning til að
fullnægja þeim skilyrðum, sem
Evrópu sambandið og Alþjóðagjald-
eyrissjóðurinn setja fyrir frekari
fjárhagsaðstoð.
Skuldavandi Grikkja er í mið-
punkti ólgunnar í evruríkjunum,
þar sem ótti við nýja kreppu hefur
vaxið jafnt og þétt undanfarið.
Verðfall varð á mörkuðum
beggja vegna Atlantshafsins í gær,
rétt eins og undanfarna daga, að
því er virðist einkum út af óviss-
unni um framtíð evrunnar og evr-
ópskra banka.
Bæði Christine Lagarde, yfir-
maður Alþjóðagjaldeyrissjóðsins,
og Robert Zoellick, bankastjóri
Alþjóðabankans, sögðu í gær að
efnahagsástandið væri komið á
hættustig.
Jürgen Stark, sem nýverið sagði
upp starfi sínu sem aðalhagfræð-
ingur seðlabanka Evrópusam-
bandsins, tekur í sama streng og
segir nú nauðsynlegt að ríki Evr-
ópusambandsins komi sér saman
um strangari reglur og strangara
eftirlit með fjármálum einstakra
ríkja til að koma í veg fyrir að
þessi saga endurtaki sig.
Í grein sem hann skrifar ásamt
þremur öðrum hagfræðingum
útfærir hann nánari tillögur um
þessar sameiginlegu reglur, sem
hann segir nauðsynlegar.
Meðal annars eigi að setja reglur
um að samþykki allra ríkja evru-
svæðisins þurfi til ef einstök ríki
ætla að setja sér fjárlög, sem gera
ráð fyrir fjárlagahalla umfram
þriggja prósenta lágmarkið, sem
bundið er í lög ESB. Þá sé nauðsyn-
legt að ríkjum verði sjálfkrafa gert
að greiða sektir ef fjárlagahalli fer
yfir lágmarkið, en líta megi á þær
sektir sem greiðslu inn á trygg-
ingasjóð sem verði notaður ef við-
varandi halli leiðir til alvarlegra
fjárhagsvandræða viðkomandi
ríkja. gudsteinn@frettabladid.is
Grikkir mótmæla
nýjum niðurskurði
Vaxandi ótti er um framtíð evrunnar þrátt fyrir aðgerðir grísku stjórnarinnar.
Fráfarandi aðalhagfræðingur seðlabanka ESB segir strangari sameiginlegar
reglur um ríkisfjármál nauðsynlegar til að hemja skuldasöfnun evruríkja.
LESIÐ UM NIÐURSKURÐ Grikkir sætta sig engan veginn við niðurskurð og skattahækkanir, sem stjórnvöld segjast þó nauðbeygð
til að ráðast í svo greiða megi niður skuldasúpu ríkisins. NORDICPHOTOS/AFP
DÓMSTÓLLINN Ekki hefur verið tekin formleg ákvörðun um að Icesave fari fyrir EFTA-
dómstólinn. Heimildir Fréttablaðsins herma að aðeins uppgreiðsla komi í veg fyrir það.
DÓMSMÁL Ríkissaksóknari hefur
ákært tæplega fertugan karl-
mann fyrir að ráðast með hót-
unum um ofbeldi og líflát að
konu sem var við vinnu sína
sem stöðumælavörður í Reykja-
vík.
Maðurinn reif og sló ítrekað
í talstöð stöðumælavarðarins
sem var að skrifa sektarmiða á
bíl hans. Þá beitti hann hótun-
um, svo sem eftirfarandi: „… ég
elska að lemja fólk, ég elska það
ha og þú ert ekkert að fara að
sekta mig hérna …“
Jafnframt er maðurinn
ákærður fyrir ærumeiðandi
móðganir gagnvart opinberum
starfsmanni, því hann lét klúr-
yrði og meiðandi ummæli rigna
yfir stöðumælavörðinn.
- jss
Réðst gegn stöðumælaverði:
Reif og sló í tal-
stöð varðarins
KÖNNUN Ríflega helmingur lands-
manna er andvígur því að nýtt
hátæknisjúkrahús verði staðsett
við Hringbraut, eins og stjórnvöld
áforma.
Þetta er niðurstaða skoðana-
könnunar MMR.
Af þeim sem afstöðu taka
segjast 51,9 prósent andvíg því
að byggja sjúkrahúsið við Hring-
braut, en 48,1 prósent er því
hlynnt.
Athygli vekur að þeir sem segj-
ast mjög andvígir staðsetningunni
eru ríflega tvöfalt fleiri en þeir
sem eru mjög hlynntir henni. Um
32,8 prósent segjast mjög andvíg
en 15,6 prósent mjög hlynnt.
Lítill munur er á afstöðu eftir
kyni og búsetu, en yngra fólk vill
frekar byggja spítalann við Hring-
braut en þeir sem eldri eru. - bj
Umdeild staðsetning spítala:
Minnihlutinn
vill Hringbraut
Á að banna hrefnuveiðar á
Faxaflóa?
Já 27,8%
Nei 72,2%
SPURNING DAGSINS Í DAG:
Er réttlætanlegt að gefa konum
afslátt í búðum til að minna á
launamun milli kynjanna?
Segðu þína skoðun á visir.is
KJÖRKASSINN