Faxi - 01.12.1964, Blaðsíða 6

hans 'kaupmannshjónin Arnór Gunnar-
sen og Elen Gunnarsen, svo ritað þá að
dönskum sið. Síðar var Arnór kaupmaður
í Reykjavík, d. 4. okt. 1851. Hann var
bróðir Kristínar, konu séra Snorra prests
að Desjarmýri Sæmundssonar. Elín, kona
Arnórs, óist upp í Hafnarfirði hjá mad-
ame Rannveigu Sívertsen, en Þórður
Sigurðsson, faðir Elínar, var verzlunarstjóri
fyrir verzlun Bjarna riddara, en þau Þórður
ur og Rannveig voru systkinabörn. (Sýsl.
III, 146). Gunnar í Njarðvík var fóstur-
sonur Sgr. Péturs Jónssonar og 'konu hans
Arnleifar Pétursdóttur í Höskuldarkoti.
Dóttir Ingigerðar, Oddbjörg Kristín
Bjarnadóttir, mun hafa verið heitbundin
Gunnari, er þau settu bú saman í Ytri-
Njarðvík 1862, en af einhverjum óþekktum
orsökum, giftust þau ekki. Var hún ávallt
rituð ráðskona á manntalsbækur, meðan
þau bjuggu saman, en Gunnarsen lézt
2. maí 1890.
Ég heyrði Keflvíkinga oft minnast á
Gunnarsen. Einkum voru lífseigar minn-
ingar um glettni hans og gamansemi. Þá
var verzlunarstjóri fyrir Knutzsonverzlun
í Keflavík Olafur Norðfjörð, sem líka var
glettinn. Var þeim Gunnarsen vel til
vina, Oft fóru á milli þeirra sendimenn
með ýmiskonar stórfréttir, sem þeir bjuggu
til í það og það s’kiptið. Einu sinni sendi
Gunnarsen til Norðfjörðs í versta veðri
með boð um, að stórt og mikið skip væri
strandað suður í Höfnum. Norðfjörð brá
við, lét leggja á hesta sína og reið af stað.
Kom hann við í Ytri-Njarðvík og fékk
Gunnarsen til þess að verða samferða
suður í Hafnir. Riðu þeir sem mest þeir
máttu í ófærð og illviðri, unz þeir komu
í Kirkjuvog, en þar var allt með kyrrum
kjörum og minntist enginn á skipsstrand,
Norðfjörð ekki heidur. Hann snéri ferð-
inni upp í verzlunarerindi, en það hafði
Gunnarsen þótt hábölvað.
I annað skipti, að vorlagi sendi Gunnar-
sen boð með sérstökum sendimanni um,
ð smalamaður sinn, sem nýkominn var
-■'mnan úr heiði hefði séð siglingu í Mið-
nessjó. Mundi það vera Keflavíkurskip.
En sigling var þá engin komin. Þá brugðu
allir kaupmenn í Keflavík við og sendu
sameiginlega upp á Háaleiti, en þaðan
sést suður af út á Miðnessjó. Þar sást þá
ekkert skip.
Þessa sendiferð var Gunnarsen ánægður
með.
Dóttir þeirra var Ingigerður Gunnars-
dóttir, fríð !kona og einkarprúð. Hún
giftist 1891 Stefáni Erlendssyni, er þá
varð bóndi í Ytri-Njarðvík.
Hann var formaður og aflasæll, lag-
legur maður og lipurmenni. Dóttir þeirra
Kristín Oddbjörg, var falleg stúlka, giftist
Helga Olafssyni trésmíðameistara í Hafn-
arfirði. Attu þau einn son, Kristinn Stef-
án, er hún dó að 10. nóv. 1914. Sonur Ingi-
gerðar og Stefáns, er Guðmundur, sem
er búsettur í Ytri-Njarðvík.
Yngst barnanna var Ingibjörg dáin 1961.
Samtímis Ingigerði og Stefáni, bjuggu
í Ytri-Njarðvík, langa ævi, merkishjónin
Oddbjörg Þorsteinsdóttir og Jónas Jónas-
son. Verður þeirra 'hjóna ekki frekar getið
hér, en Böðvar Magnússon á Laugarvatni
hefur í bók sinni Undir tindum, skrifað
skemmtilega um Jónas og heimili hans,
er þá var í Stapakoti, bls. 168—181. Einnig
er þeirra Njarðvíkinga minnzt vel og
verðskuldað í bó’k Theodórs Friðrikssonar
I verum, bls. 549—565. Þetta voru síðustu
bændurnir í Ytri-Njarðvík. Nú er Njarð-
víkurtorfan orðin að kaupstað með götum
og fínum húsum, en fallegt var að líta
heim að Ytri-Njarðvík og býlunum þar
í kring, með vel hirtum túnum og kletta-
bryddingu, sem nam við sjó og fjöru.
Karlakór Keflavíkur.
Kórinn hélt nýlega aðalfund sinn og var
þar gerð grein fyrir starfsemi hans á s.l. ári,
sem var bæði mikil og góð.
Kórinn hélt nokkra samsöngva i Keflavík
við hinar ágætustu undirtektir.
A aðalfundinum var kórnum kosin ný
stjórn, sem er þannig skipuð: Haukur Þórðar-
son formaður, Arni Olafsson ritari, Magnús
Guðmundsson gjaldkeri og meðstjórnendur
Garðar Pétursson og Bergsteinn Sigurðsson.
Sú nýlunda hefir verið upp tekin, að á
þessu ári munu syngja með kórnum um 30
konur úr Keflavík og verður kórinn því að
nokkru leyti blandaður kór, en hann mun
þó hér eftir sem hingað til, einnig syngja
sjálfstætt.
Æfingar eru þegar hafnar og er söngstjór-
inn sami og áður, Herbert Hriberschek
Agústsson og raddþjálfari hefir verið ráðinn
Vincenzo M. Demetz. Nánar verður frá starf-
semi kórsins sagt eftir áramótin.
Flugfélagið auðveldar skólafólki ferðir
heim um jólin.
Flugfélag Islands hefir um margra ára
skeið haft þann hátt á, að veita skólafólki af-
slátt af fargjöldum innan lands um hátíðarn-
ar og auðvelda þannig þeim, sem stunda nám
við skóla fjarri heimilum sínum, samvistir
við ættingja og vini á sjálfri hátíð heimilanna,
jólunum.
<><><><<><><><><><><><><><><><><><><><><><><><><><><><><><><><><><><><>^^
Tek að mér hópferðaakstur í lengri og skemmri ferðir.
Hef 26 manna bíl. — Einnig, ef um stærri hópa er að
ræða, útvega ég bíla af beztu gerð.
Pantið tímanlega. — Upplýsingar í síma 1876.
JÚLÍUS KRISTINSSON
Kirkjuteigi 7.
<<<&S»$<*S><><<><<><><><><>><><><<<><<><><><><><><><><><><><><><><>^^ CVO«'<í