Faxi - 01.05.1982, Blaðsíða 21

Tómas Steingrímsson:
FAGURT HEIMIU
OG MÁTTUR ÞESS
Eríndi flutt í stúkunni Akurblómið á
Akranesi áríð 1938
Hér birtum við áframhald erinda Tómasar Steingríms-
sonar, er við gátum um í síðasta blaði Fáxa. Hér ræðir
Tómas um heimilisfegurð og bendir á ýmsar leiðir, til
þess að gera heimilin fegurri og meir aðlaðandi, ekki
aðeins innanhúss heldur og einnig utan, með smekkleg-
um og vel ræktuðum grasblettum og blómabeðum.
Heimilisfegurð og heimilis-
prýði er ékki alls staðar eins og
hún ætti að vera, og víða ábóta-
vant. Við þurfum ekki að fara
langt til að sjá það. Þó eru það
venjulega gestirnir, sem sjá það
fyrst og best, því máltækið segir
að glöggt sé gests augað. En ég
skal játa það að mig skortir bæði
vit og þekkingu til að ræða þetta
nógu rækilega. Svo væri efnið
nóg í heila bók, svo ég verð að
stikla hér a fáu einu, um heimilis-
fegurð. Það er margt, sem getur
miðað að því að gera heimili
manna fagurt, og það er fátt til í
þessum heimi, sem er aðdáan-
legra og hefur meiri þýðingu en
fagurt heimili. Ég ætla ekki að
ræða hér um þrifnaðinn hans
Péturs Sigurðssonar, það er víst
margur búinn að fá nóg af því.
Heimilisfegurð getur verið marg-
vísleg. Það getur líka verið hin
ytri fegurð, reisulegt og velhirt
hús, sem veitir bæði skjól, þæg-
indi og ánægju. Það getur verið
náttúrufegurð, sem vefur hið lítil-
mótlegasta býli töfrum fegurðar
sinnar, eða allt þetta til samans,
og er þá jafnvæginu fullkomlega
náð, að því er heimilisfegurð
snertir.
En það er ekki ævinlega, að
menn geti notið þessa jafnvæg-
is. Það er ekki ævinlega, að
menn geti búið í fögrum stórum
og þægilegum húsum. Það er
ekki ævinlega, að sameining,
sálarró og friður ríki á heimilun-
um, og það er ekki ævinlega, aö
náttúrufegurðin breiði töfrablæju
sína yfir bústaði mannanna eftir
því hvernig það hugtak er vana-
lega skilið. En mikið má þó gera
til þess að auka heimilisfegurð-
ina, ef skilningur og góður vilji
fylgjast að.
Þeir landar vorir, er hafa , ein-
hverra orsaka vegna, orðið að
yfirgefa ættjörð sína, finna
máske ekki mikið af hinum
breytilegu töfrum og stórkost-
legu náttúrfegurð á hinum víð-
lendu sléttum í Kanada, þeir sjá
lítið af hinum silfurtæru lækjum
eða hinum háu og tignarlegu
fjöllum er við eigum í svo ríkuleg-
um mæli. En þó flytur hvert ein-
asta vor þessum sömu mönn-
um hina aðdáanlegustu fegurð,
en það er heimþráin og kærleik-
urinn til ættjarðar sinnar, sem
hefur þar yfirhöndina, og þá get-
ur vel átt sér stað að sumir hafi
séð eftir því hvað lítið þeir hafi
lagt rækt við það heima í sínu
eigin föðurlandi, að prýða heimili
sín, úti sem inni. Við íslendingar
höfum alltof lítið gert til þess að
prýða og fegra heimili okkar.
Blómin og angandi jurtir eru allt í
kringum oss, vor og sumar, bæði
í sveitum sem kauptúnum.
Hversu oft á það sér ekki stað,
að maður kemur af skrúðgræn-
um túnum og blómi vöxnum
fjallahlíðum, angandi af skógar-
ilm, til heimilis síns, þar sem allt
er í flagi eða löðrandi í illgresi.
Hversu oft er það ekki að maður
sér vor og vorgróður umvefja allt
og alla nema heimili manna.
Hví gera menn ekki meira af
því að flytja sumarið heim að
húsum sínum en raun er á.
í stuttu máli er ekki hægt að
lýsa þeim góðu áhrifum sem vel
prýtt umhverfi hússins hefur á
heimilishag og heilbrigði manna.
Vel ræktaður grasblettur með
haganlega fyrirkomnum blóma-
beðum fyrir framan hús í bæjum
þar sem rúm er fyrir slíkt, eða þá
á bak við þau, þar sem svo
stendur á, þarf ekki að kosta
mikla peninga.
Ef menn gerðu sér það að
reglu að rækta slíkt, þá væri það
ekki aðeins heimilisprýði heldur
myndi það einnig auka heilbrigði
og fegurð og snúa heilum hverf-
um, sem oft eru döpur og gróð-
urlaus, í blómareiti.
Að lokum vil ég óska og vona
að öll heiðarleg félög, hverju
nafni sem nefnist, vilji róa að því
öllum árum og leggja alla sína
góðu krafta fram til þess að gefa
gott fordæmi í því að prýða og
fegra framkomu sína í öllum
greinum og sjá til þess að aðrir,
ungir og gamlir, gjöri það, bæði
utan húsa sem inan. Þá munu
vaxa hér rósir og friður og eining
ríkja hér í þessum bæ.
Tómas Steingrimsson.
Prjónakonur
Ath. Erum fluttirað Iðavöllum 14b
og kaupum nú einungis lopapeysur, heilar og hnepptar.
Móttaka miövikudagana 19. mai, 2., 16., og 30 júnikl. 13 -15.
að Iðavöllum 14b, Keflavík.
ISLENZKUR MARKADUR HF.
(KípUSLA/tjú’MÁi'l/
HITAVEITA
SUÐURNESJA
Hitaveita Suðurnesja
Þjónustusíminn er 3536
STEIMDÓR SIGURÐSSON
S5!
Sérleyfis og hópferdabílar
NJARÐVlK-PÓSTHÓLF 10B-SÍMI 2840-3550
FAXI - 93