Faxi - 01.01.1986, Blaðsíða 24

MINNING
Jón Páll Friðmundsson
málarameistari
F/EDDUR 17.10. 1903 - DÁINN 17.01. 1986
Jón Páll Friðmundsson málara-
meistari kvaddi heimkynni sín
hinn 17. jan. sl.
Hann fæddist 17. okt. 1903 í
Keflavík, sonur hjónanna Frið-
mundar Jónssonar og Sigur-
bjargar Pálsdóttur.
Hann missti föður sinn þegar
hann var 3ja ára, og ólst því upp
í skjóli móður, en hún lifði til
1926. Hún sá soninn vaxa til
fulltíða manns, sá hann verða
einn af þeim sem byggðu upp
samfélagið hér ,,í plássinu“,
einn þeirra sem lifði á því að
taka sjálfur til hendi þar sem
þess þurfti við, eins og margir
samtíðarmenn fyrr og síðar,
fyrst sem sjómaður, og síðar
sem málari, einn hinna fyrstu
hér, og meistari í því fagi.
Saga þessarar merkilegu aldar,
sem senn er að ljúka, er saga
þeirra manna sem lifðu á því að
taka til hendinni og hagnýta nýja
tækni og tækifæri hennar.
Hetjur þeirrar sögu falla smátt
og smátt, eins og lög lífsins
bjóða, en sjálf lifir hún. Jón og
samtíðarmenn hans hafa séð
byltinguna sem átt hefur sér
stað síðan um aldamót, frá því
lítil, köld, fá og fátækleg hús
stóðu á stangli á ströndinni
hafnlausri, engir vegir að eða frá
nema helst fyrir fætur hesta, öll
heiðin hér fyrir ofan óbyggð,
samfelld eyðimörk.
Yfir þessa sögu gat Jón í lokin
litið og riíjað upp með sjálfum
sér og fagnað henni, og brosað
með sjálfum sér, einna líkast því
brosi sem frægur málari gerði
eilíft fyrir mörg hundruð árum í
mynd af konu.
Allan síðari hluta ævinnar hélt
Jón á pensli. Yfirlætislaus og án
fyrirferðar, bætti hann pensil-
dráttum í samfélag sitt, því til
fagnaðar.
Árið 1927 giftist hann Ingileif
Ingimundardóttur, og íluttust
þau hjón þá í nýtt hús á Suður-
götu 5 í Keflavík eitt af fyrstu
húsum við þá götu, og ber það
með sér þokka eigandans. Þar
bjó Jón Páll til æviloka, en konu
sína missti hann árið 1962. Þau
eignuðust tvær dætur, Sigur-
björgu og Þorbjörgu, það voru
þeirra blóm meðan bæði lifðu en
Jóns Páls eftir það. Honum var
annt um blómin, því hvað er
auður og afl og hús ef ekkert
blóm vex í þinni krús? 'Ibngda-
synir eru Þorbergur Friðriksson
málarameistari og Eyjólfur Ey-
steinsson framkvæmdastjóri
sjúkrahússins. Ný kynslóð af-
komenda hans virðir minningu
hans, eins og líka aðrir sem
höfðu af honum kynni.
Valtýr Guðjónsson
HANDLYFTARAR
\£[netasalan h/f
Auglýsing
Með vísan til 17. og 18. gr. skipulagslaga nr. 19
frá 1964 er hér með auglýst tillaga að deiliskipu-
lagi á flugstöðvarsvæði, Keflavíkurflugvelli,
uppdráttur ásamt skipulagningar- og bygg-
ingaskilmálum. Framangreind gögn liggja
frammi almenningi til sýnis hjá flugvallarstjóra
Keflavíkurflugvelli, frá og með 27. janúar n.k. á
venjulegum skrifstofutíma til og með 10. mars
n.k.
Athugasemdir sem menn óska að gera við
skipulagstillöguna skulu hafa borist flugvallar-
stjóra, Keflavíkurflugvelli, eigi síðar en kl. 17
mánudaginn 24. mars n.k.
Athygli skal vakin á að þeir sem eigi gera at-
hugasemdir innan framangreinds frests teljast
samþykkir tillögunni.
Flugvallarstjórinn
Keflavíkurflugvelli