Faxi - 01.10.1989, Síða 15

fajkit
Útgefandi: Málfundafélagið Faxi, Keflavík.
Afgreiðsla: Hafnargötu 79, sími 11114.
Blaðstjórn: Helgi Hólm, ritstjóri, Kristján A. Jónsson,
aðst.ritstj., Guðfinnur Sigurvinsson, Hilmar Pétursson og
Birgir Guðnason.
Filmu- og plötugerð: Myndróf.
Prentun: Prentstofa G. Benediktssonar.
7. tölublað
49. árgangur
VETUR GENGUR I GARÐ
Að undanförnu hafa fréttir af erfiðleikum verið háværari
en góðar fréttir. Það hefur kveðið við bölsýnistón á flestum
sviðum. Því er ekki að neita, að víða er erfitt og margir sjá
ekki fram úr sínum vandræðum. Við skulum samt vera
minnug þess, að þjóð vor er öflug og við látum ekki bugast
við mótlæti, heldur sameinumst um að finna lausn á vand-
anum.
Vetur konungur er nú genginn í garð. Margir horfa til þess
tíma með tilhlökkun þó aðrir kvíði honum. Misjöfn veður
og oft válynd gera okkur á stundum erfitt fyrir en hins veg-
ar er tign náttúrunnar sjaldan meiri en þegar hvít mjöllin
þekur landið. Á þessum árstíma verður fólk meir en endra
nær að temja sér aðgát. Veturinn er lengsta árstíðin hér á
landi og því er mikilvægt að við tökum honum með já-
kvæðu hugarfari. Þegar myrkrið grúfir yfir, þá vill einnig
drungi hvíla yfir mannshuganum. Þá skulum við hafa það
hugfast, að einmitt um vetrartímann er svo margt hægt að
gera sér til hugarléttis. í því sambandi má nefna starf leik-
húsa og leikfélaga, tónleika hvers konar, inniíþróttir eru í
hámarki svo eitthvað sé nefnt. Svo þegar líða tekur á vetur-
inn taka skíðaferðirnar við. Við skulum horfa til vetrarins
að þessu sinni með von um skemmtilegan tíma.
ÍSLAND, EVRÓPA
OG EFNAHAGSBANDALAGIÐ
Um þessar mundir ríkir meiri eftirvænting í heiminum en
verið hefur um áratuga skeið. Það sem meira er, þessi eftir-
vænting er mörkuð von um betri veröld — von um betri sam-
skipti milli þjóðanna — samskipti án vopnaskaks. Perestrojkan
í austurhluta Evrópu hefur haft mikil áhrif og eru nú miklar
líkur á, að þær þjóðir efli samskiptin við aðrar þjóðir á næstu
árum. Góður árangur hefur náðst í afvopnunarmálum og vek-
ur það vonir um frið í framtíðinni.
Evrópubandalagslöndin hafa ákveðið, að árið 1992 verði
opnaður svonefndur innri markaður hjá þessum þjóðum. Þar
með falla niður allar hömlur sem verið hafa á viðskiptum milli
þeirra þjóða. Við íslendingar höfum á síðari árum átt vaxandi
viðskipti við EB-löndin, þannig að við eigum mikilla hags-
^ muna að gæta í þessum málum. Það er því ljóst, að við verðum
að takast á við nokkur grundvallarsjónarmið á næstu árum.
Hver á að vera staða íslands í framtíðinni? Eigum við að tengj-
ast EB á einhvern hátt? Getum við staðið til lengdar utan við
þessi samtök? Þessar og aðrar spurningar eru áleitnar og hver
og einn verður að svara þeim fyrir sjálfan sig. Eitt er víst, það
mun ráða miklu um efnahagslíf okkar í náinni framtíð, hvernig
til tekst í þessum málum. H.H.
Ársskýrsla
Málfimdafélagsins
Faxa
Fimmtugasta starfsári Málfundarfélagsins Faxa, sem
hófst 10. oklóber 1988, er nú lokið. Haldnir voru 12 fundir
á starfsárinu.
Eftirtalin framsöguerindi voru flutt:
Vilhjálmur Þórhallsson . . — Sitthvað um umhverfismál.
Kristján A. Jónsson..... — Auðlegð lands og þjóðar.
Birgir Guðnason ........ — Bifreiðir í upphafi aldar
hér á Suðurnesjum.
Margeir Jónsson ........ — Hefur íslensk þjóð reíst sér
hurðarás um öxl?
Ingólfur Falsson........ — Hafnarmál á tímamótum.
Benedikt Sigurðsson .... — Erlent fólk á íslandi.
Gunnar Sveinsson........ — Ljóð.
Karl Steinar Guðnason . . — Kjaramál.
Guðfinnur Sigurvinsson . — Löggæsla á Suðurnesjum.
Fundarsókn var góð á árinu. Um forföll var varla að
ræða, nema félagamir væru fjarverandi úr bænum.
TVeir félagar af tólf voru með 100% mætingu, en meðal-
tals fundarsókn var 88,9%
Einn félagi Huxley Ólafsson hætti á starfsárinu og var
hann kjörinn heiðursfélagi. í stað Huxleys bættist
Hjálmar Stefánsson, útibússtjóri Samvinnubankans í
Keflavík, í hópinn.
Síðasti fundur starfsársins var haldinn þann 27. aprfl
1989, og lauk þar með fimmtugasta starfsári Málfunda-
félagsins Faxa og eru fundir orðnir 690 að tölu.
Faxafélagar munu halda upp á fimmtugsafmæli félags-
ins hinn 10. október 1989, en þann dag eru liðin 50 ár
frá stofnun þess.
spara sér leigubíl
airir taka enga áhxttu!
Eftireinn
-ei aki neinn
FAXI 235