Faxi - 01.09.1990, Blaðsíða 14

)***»}V*t Wmm
i:ÚT::.'■•i;;:fcSsí
w-w^Sæsg;’
|£.»t»5áííí*'
I v ******,*;'„
SKÓLAR
Á
SUÐUR-
NESJUM
Skólaslil árið 1965. Rögnvaldur
sKÓIastjóri flytur skólaslitaræðu og
kennarar skólans hlusta á með mik-
illi athygli. A myndinni eru frá
vinstri: Gylfi Guðmundsson, núver-
andi skólastjóri grunnskólans í
Njarðvík, Ingólfur Halldórsson, fyrr-
verandi aðstoðarskólameistari FS,
Ingvar Guðmundsson, núverandi yf-
irkennari, Bjarni heitinn Halldórs-
son, fyrrverandi skólastjóri barna-
skóla Njarðvíkur, Oskar Jónsson,
Hermann heitinn Eiríksson, fyrrver-
andi skólastjóri harnaskólans i
Keflavík, Björn Guðnason, Guð-
mundur Guðmundsson, fyrrverandi
sóknarprestur á Utskálum í Garði,
Randi Træen, Björn Jónsson, fyrr-
verandi sóknarprestur í Keflavík og
núverandi æðsti templar Stórstúku
Islands og Eyjólfur Jónsson.
Á áttunda áratugnum fjölgar
framhaldsskólum landsins mjög
og þar með stór aukast möguleik-
ar ungmenna til frekara fram-
haldsnáms. Auk menntaskólanna
eru stofnaðir fjölbrautaskólar sem
höfðu bæði bóknáms- og verk-
námsdeildir. Árið 1976 er Fjöl-
brautaskóli Suðurnesja stofnaður
í hinu nýja skólahúsi iðnskólans
og tók m.a. við hlutverki þess
skóla.
Meðan þessar miklu hræringar
eiga sér stað í skólakerfinu er full-
lokið við byggingu skólahúsnæðis
Holtaskóla, sem starfaði reyndar
enn um sinn undir sínu gamla
nafni Gagnfræðaskólinn í Kefla-
vík. Með þessu nýja húsnæði virt-
ust húsnæðisvandræði skólans
endanlega vera úr sögunni, en því
miður var reyndin ekki sú. Hús-
næði hins nýstofnaða fjölbrauta-
skóla var hvergi nærri nóg fyrir
starfsemi hans. Það varð því að
ráði að fjölbrautaskólinn fengi að
mestu leyti afnot af hinni ný-
byggðu álmu gagnfræðaskólans.
Skólinn mátti því enn um sinn
þrengja að starfsemi sinni og var
áfram tvísetinn. Að vísu hafði
nemendum skólans fækkað mjög
þar sem fjölbrautaskólinn hafði
nú tekið við framhaldsdeildum
skólans og gagnfræðadeild.
Um haustið 1976 hættir Rögn-
valdur J. Sæmundsson sem skóla-
stjóri, en hann flytur til Reykjavík-
ur og tekur við starfi aðstoðar-
skólameistara Fjölbrautaskólans í
Breiðholti. Við starfi skólastjóra
tekur yfirkennarinn Sigurður E.
Þorkelsson og hefur hann gegnt
því starfi síðan. í ársleyfum þeirra
gengdu þeir Bjarni F. Halldórsson
og Gylfi Guðmundsson störfum
skólastjóra sitt árið hvor.
Árið 1964 er fyrsti yfirkennari
ráðinn við Gagnfræðaskólann í
Keflavík og var það Bjarni F. Hall-
dórsson. Síðan hafa eftirtaldir
starfað sem yfirkennarar við skól-
ann, Ingólfur Halldórsson
1968—69, Sigurður E. Þorkelsson
1971-72 og aftur 1973-76, Gylfi
Guðmundsson 1976—'82 og frá
árinu 1982 hefur Ingvar Guð-
mundsson verið yfirkennari skól-
ans.
Eins og þegar hefur komið fram
voru húsnæðisvandræði Fjöl-
brautaskólans mikil, enda
fullnægði húsnæði Iðnskólans
hvergi nærri starfsemi hins ný-
stofnaða skóla. Var þegar hafist
handa við stækkun Iðnskólahúss-
ins og jafnframt var þeirri hug-
mynd hreyft að skólarnir skiptu á
húsnæði. Að sjálfsögðu tóku for-
ráðamenn gagnfræðaskólans
með Sigurð E. Þorkelsson í farar-
broddi, þeirri hugmynd afar illa,
enda varð ekkert af henni.
Það var svo 1979 að viðbótar-
bygging Fjölbrautaskólans er full-
gerð og flytur þá Fjölbrautaskól-
inn starfsemi sína alfarið úr hús-
næði gagnfræðaskólans. Þar með
er því langþráða takmarki að skól-
inn verður einsetinn og þar með
fá nemendur samfellda stunda-
skrá. Skólinn veitir kennslu í öll-
um þáttum námsskrárinnar og
býður nemendum sínum í 9. bekk
upp á mjög fjölbreytilegt námsval
umfram kjarnagreinar. Vinnuað-
staða kennara er nú orðin með
því besta sem hliðstæðir skólar i
landinu bjóða upp á auk þess sem
allur tækjakostur skólans hefur
stór aukist.Komið hefur verið upp
aðstöðu til tölvukennslu fyrir
nemendur,auk þess eru nokkrar
tölvur til afnota fyrir kennara. Þá
er öll spjaldskrá skólans og prófút-
skriftir unnar með tölvum á skrif-
stofum skólans. í skólanum er gott
skólabókasafn auk sýningarsalar.
Bókavörður er Guðrún Jónsdóttir.
Hið nýja íþróttahús bæjarins var
vígt árið 1980. Þar með gat skól-
inn í fyrsta sinn veitt nemendum
sínum fullkomna kennslu i íþrótt-
um og nú tíu árum síðar fá loksins
allir nemendur skólans sund-
kennslu allan veturinn. Það varð
gerlegt með tilkomu nýju sund-
miðstöðvarinnar.sem er í næsta
húsi.
Meðan aðstaða Gagnfræðaskól-
ans batnaði stöðugt seig aftur á
móti mjög á ógæfuhliðina í hús-
næðismálum barnaskólans. Þar
höfðu nemendur þegar sprengt
utan af sér húsnæðið og til bráða-
birgða var lausum kennslustofum
komið fyrir á skólalóðinni til að
bæta úr brýnust þörfinni. Því var
það ráð tekið haustið 1979 að
sjötti bekkur grunnskólans var
fluttur í Gagnfræðaskólann. Ekki
voru allir aðstandendur barnanna
sáttir við þessa ráðstöfun, töldu
þeir að hún myndi hafa slæm áhrif
á börnin. Því var þessi flutningur
barnanna mjög vel undirbúinn af
forráðamönnum skólans. FjöÍ-
margir fundir voru haldnir með
foreldrum og málin rædd fram og
aftur. Kennsla í þessum bekk var

4>m
BÍLAKRÍNGLAN
GRÓFIN 7og8 §
í [EFLAVÍK
178 FAXI