Útvarpstíðindi - 12.12.1941, Qupperneq 13

Færeyskt skáld
Heðin Brú.
Árið 1930 kom nýr rithöfíindur fram
á sjónarsviðið í Færeyjum. Hann
nefndist Heðin Brú og bók hans var
skáldsaga og nefndist Lognbrá (hill-
ing). Vakti hún talsverða athygli, bæði
vegna þess, að þá var mjög fátt til fær-
eyskra skáldsagna (ekkert, sem að
kvað, nema Bábelstornið eftir Regin í
Líð), og svo var sagan mjög vel skrif-
uð, mál og stíll svo, að af bar. 1936
kom út framhald af Lognbrá: Fasta-
töbur. Sú saga gerist að nokkru leyti á
skútu við ísland. Fjallasltuggin, smá-
sagnasafn kom út 1938, og loks Feðg-
ar á jerð 1940. Sú saga lýsir viðhorfi
gamallar og ungrar kynslóðar á stór-
breytingatímum síðustu ára, hvorrar
til annarrar, og er bæði persónum og
þjóðlífi mjög vel lýst. — Innan skamms
er von á nýju smásagnasafni frá Heðin
Brú.
Höfundur þessi stendur í fremstu röð
þeirra, er rita íæreyskt mál, bæði um
frumleik og skáldlega andagift, og svo
um stíl og meðferð málsins. Færeyska
hans er fagurt og þróttmikið mál, svo
að vandgert er að neita því um virð-
ingarsess við hlið íslenzkunnar.
Heðin Brú er dulnefni. Maðurinn
heitir Hans Jacob Jacobsen, er bú-
fræðikandídat að menntun og er nú
búnaðarmálastjóri Færeyja. Er það
annamikið starf og veitir lítið tóm til
ritstarfa. Hlýtur það að teljast skaði
færeyskum bókmenntum. Hans Jacob
er fertugur að aldri. — Tvær fyrstu
bækur hans hafa komið út í þýðingum
á sænsku og dönsku, en Feðgar á ferð
eru nú að koma út í íslenzkri þýðingu
eftir Aðalstein Sigmundsson. Hann les
upp kafla úr sögunni á næstunni.
Vilhjálmur S. Vilhjálmsson
blaðamaður.
Hann talar um daginn og veginn
22. desember næstkomandi.
ÚTVARPSTÍDINDl
125