Útvarpstíðindi - 08.03.1943, Qupperneq 16

Bókin Vinsældir og áhrif eftir Dale
Carnegie er amerísk metsölubók. Er
það óneitanlega fróðlegt að kynnast
þeim bókmenntum, er slíkan titil
geta hlotið. Eftir því sem Útvarpstíð-
indum er tjáð, hefur sala bókarinnar
hér verið örari og meiri en dæmi eru
til áður með nokkra bók. Upplagið
kvað vera á þrotum.
Lesið verður upp úr bókinni í út-
varpið laugardagskvöldið 20. marz.
Vilhjálmur Þ. Gíslason segir: Þessi
bók er um hagnýta list lífernisins.
Hún er um það, hvernig menn geta
lifað lífinu sér og öðrum til ánægju,
hvernig menn geta beizlað orku ævi
sinnar og hagnýtt hana sjálfum sér
til sálubótar og til samlífsbóta á
heimilum, 1 atvinnulífi og félagslífi.
Þetta er, segir höfundurinn, bók um
nýtt líferni. Þetta er bók um hispurs-
lausa og glaða trú á lífið og gildi
mannsins. Bókin er skrifuð blátt á-
fram og víða fjörlega um daglegt líf
starfandi manna. Ýmislegt í bókinni
eru máske almenn sannindi, en þrátt
fyrir það eða þá einmitt vegna þess,
hefur hún öðlazt miklar vinsældir í
heimalandi höfundar og víðar um
lönd, því að svo er sagt, að hún hafi
selzt meira en nokkur önnur sam-
tímabók, sem ekki er skáldsaga.
Eg vona, að þessi bók geti orðið
íslenzkum lesendum til hvatningar
og skemmtunar, ekki sízt ungu fólki,
því að oft er þörf en nú er nauðsyn
á hispurslausri og hreinni, lipurri en
þróttmikilli kynslóð, sem veit hvað
hún vill og kann og þorir að beita
þekkingu sinni og manndáð í þjón-
ustu nýs lífs og nýrrar menningar.
Frú Theresía Guðmundsson flytur
erindi þann 16. marz, er hún nefnix
„Skýin“. Frú Theresía er starfsmaður
Veðurstofunnar og veðurfræðingur að
menntun.
204
ÚTVARPSTÍÐINDI