Útvarpstíðindi - 27.09.1943, Síða 18

KONUR KVEÐAST Á
í>að er ekki oft að konur kveðist á svo
vitað sé. Þó átt'i þetta sér stað á Stór-
stúkuþingi bæði 1939 og 1942. Tilefnið var
sem hér segir:
Meðal fulltrúa á stórstúkuþinginu 1939
voru þær frú Kristjana Benediktsdóttir
Blöndal, þekktur templari úr Rvík og Guð-
laug Narfadóttir, húsfreyja í Dalbæ í Flóa.
Þær voru gamalkunnugar. Kristjana hafði
þá að sessunautum séra Halldór Kolbeins
og séra Svein Ögmundsson í Kálfholti. Eitt
sinn gengu þeir saman af fundi og sat
Kristjana ein eftir, sendir hún Guðlaugu,
sem sat rétt hjá þeim, þessa visu:
Enginn prestur er mér hjá,
að mér sækir kvöl og þrá.
Eg hef fengið ást þeim á;
er ekki bezt að skæla þá?
Guðlaug svarar:
Ekki að gráta ástarböl,
alltaf er á nógum völ.
Ef að kvölin að þér sezt,
aftur reyndu að ná í prest.
Á þinginu í fyrra lenti þeim enn saman.
Tilefnið var, að Guðlaug var í fundarhléi
að tala við séra Eirík Helgason í Bjarna-
nesi. Kristjana tók að gefa þeim auga, tek-
ur Guðlaug eftir því og sendir henni þessa
vísu:
Þó einhverjum sé órótt hér
uni ég hið bezta.
Eg hef loksins lært af þér
að líta hýrt til presta.
Kristjana svarar:
Þig hef ég aldrei svona séð
sæla og endurhressta.
Enginn betri er þó með
alltof marga presta. (Aðsent).
AKUREYRINGAR!
Nýtízku bókabúð hefur allar fá-
anlegar bækur, — Verzlið við
BÓKAVERZLUN EDDU
M
Kolbeinn Högnason
Hann var tslenzkur
útbeitar hagi,
laminn af lurkum,
lobinn af sinu.
Svona yrlar bóndinn í Kollafirði. —
Næstu daga kemur eftir hann á
markaðinn — ekki ein, HELDUR
ÞRjÁR — Ijóðabœkur:
Kr æklur
Olnbogabörn
Hnoðnaglar
Allir kannast við hnyttnar tæki-
færisvísur hans, eins og til dæmis
sláttuvísurnar, en hitt sjá menn nú,
að hann er eitt af okkar beztu skáld-
um. — Bœkurnar koma nœstu daga.
BÓKAVERZLUN
ISAFOLDARPRENTSMIÐJ U
ÚTVTRPSTÍÐINDI