Starfsmannablað Reykjavíkur - 01.12.1939, Side 23

STARFSMANNABLAÐ REYKJAVlKUR
75
gang að Sundhöllinni. Hefir Sundhöll-
in því veitt samtals 35.766 skólaböð
(nem. barnsk. meðt.) fyrstu tvö árin,
sem hún var opin, þó var hún aðeins
opin hálft skólaárið 1937.
Fyrstu tvö árin má segja ao aðsókn
almennra baðgesta að Sundhöllinni hafi
verið sérlega góð, þar sem tala baðgesta
varð samtals 285.561 (fyrir utan
skólaböð), og þó var Sundhöllin ekki
opnuð fyrr en síðast í marz fyrra árið.
En nú í ár má aftur á móti segja að
töluverður afturkippur hafi komið í að-
sóknina og liggja til þess að sjálfsögðu
ýmsar ástæður, svo sem: mesta nýjung-
in farin af Sundhöllinni, heilsufar bæjar-
búa, veðurfar og fleira. Þess er þó að
vænta, að bæjarbúum almennt skiljist
fljótt hvað mikill heilsubrunnur Sund-
höllin er, og virðist vera ástæða til að
benda starfsmönnum bæjarins á að
hagnýta sér betur en hingað til hina
ágætu heilbrigðisstofnun, sem Sundhöll-
in er. Einnig má benda á það, að fleiri
geta haft gott af hveravatnsböðunum í
Sundhöllinni en þeir, sem syndir eru.
Þá væri ef til vill ekki úr vegi að
minnast nokkuð á hinar fyrirhuguðu
breytingar og viðbótarbyggingu á Sund-
höllinni. Eins og kunnugt er, var nú ný-
lega lagðar fyrir bæjarráð teikningar
og áætlun hér að lútandi, og eru þær
gerðar af húsameistara bæjarins, hr.
Einari Sveinssyni, að tilhlutun bæjar-
ráðs og forstöðum. Sundhallarinnar. En
vegna hins erfiða ástands, sem nú er
ríkjandi í heiminum, er þess varla að
vænta, að bæjarráð hefjist handa um
framkvæmdir í slíku máli, að óbreyttum
kringumstæðum. Þrátt fyrir það má
œtla að einhverjir vildu gjarnan vita,
hvernig breytingar þessar eru fyrirhug-
aðar og hver sé tilgangurinn með þeim.
Höfuðtilgangurinn með þessari fyrir-
huguðu viðbótarbyggingu og breytingu
er sá, að gera Sundhöllina að þeirri bað-
miðstöð bæjarbúa, þar sem fólk á öllum
aldri geti fengið bað við sitt hæfi. I
stuttu máli sagt eiga ungir jafnt sem
gamlir, syndir eða ósyndir, að geta
fengið þar bað, er bezt á við hvern og
einn.
Fyrst og fremst er það finsk bað-
stofa, sem hugsað er fyrir, svo kemur
hvíldarherbergi, sem ætlast er til að
menn noti eftir að hafa tekið gufubað,
og hefir hvíldin í sambandi við böðin
ekki hvað minnst að segja. I sama her-
bergi verði komið fyrir nuddbekk, því
að gera má ráð fyrir, að mörgum þyki
kostur að geta fengið nudd um leið og
þeir koma úr baðinu.
Þá er deild ætluð fyrir kerlaugar, er
aðallega er gert ráð fyrir að verði not-
aðar fyrir læknandi böð (medic. böð).
Og má í því sambandi minnast á uppá-
stungu hr. Gunnlaugs Einarssonar,
læknis, (er hefir mikinn áhuga fyrir
bættum baðskilyrðum í landinu, og hefir
kynnt sér þau mál allmikið). Hann tel-
ur afar auðvelt að flytja hingað til bæj-
arins hveraleðju frá þeim stöðum, er
hún reyndist bezt, hita hana síðan upp
og blanda með hveravatni, og væri þar
með fenginn einhver hinn bezti heilsu-
brunnur á heppilegum stað, sem menn
gætu hagnýtt sér jafnt vetur sem sum-
ar, án þess að þurfa að leggja í kostnað
til ferðalaga. Þá segir hann, að flestar
þjóðir Evrópu flytji árlega til sín á
járnbrautarvögnum hveraleðju frá
Tékkóslóvakíu, er þær nota síðan á
hressingarhælum sínum. Og er eigi
ástæða til að ætla að hin íslenzka hvera-
leðja sé verri til slíkra hluta en sú
tékkneska.