Starfsmannablað Reykjavíkur - 01.12.1939, Side 18

70
STARFSMANNABLAÐ REYKJAVIKUR
hann rústir, sem mun vera óvíst að
rétt sé. Reykvíkingar, sem í Öræfin
koma, ættu ekki að láta undir höfuð
leggjast að koma í Ingólfshöfða, þá mun
ekki iðra þess.
Þegar við höfðum skoðað höfðann,
var aftur haldið yfir leirurnar og með
eigi minni hraða en þegar út í höfðann
var farið, og lá nú leiðin heim að Fagur-
hólsmýri. Þar er tvíbýli. Jökullinn er
þar tignarlegur og fríður og mér finnst
mjög fallegt þar.
Við riðum upp með Blesakletti heim
traðimar, þar kom á móti okkur Ari
Hálfdánarson 84 ára gamall, er hann
faðir bóndans, var hann kátur og glaður
sem ungur maður væri og gat enginn
okkar séð, hve gamall hann var. Hann
bauð okkur til stofu ásamt syni sínum
og þáðum við þar hinn bezta greiða,
spjölluðum saman og skemmtum okkur,
gleymdum tímanum unz dimmt var orð-
ið. Héldum aftur heim að Skaftafelli,
riðum í myrkri, þar til tunglið kom upp,
er við vorum móts við Svínafell og var
einkennilegt að sjá skógarhríslurnar í
túninu á Skaftafelli bera við tungls-
skinslýsta breiðu Öræfajökuls.
I Skaftafelli, hjá Sigríði og Guð-
mundi, nutum við hinnar mestu gest-
risni á öllum sviðum og daginn, sem við
lögðum af stað heim til Reykjavíkur
aftur fylgdi allt heimilisfólkið okkur úi
garði.
Vildi ég óska þess, að sem flestir
Reykvíkingar hefðu tækifæri til að
koma sjálfir í öræfin og njóta hinnar
landskunnu gestrisni öræfinga og sjá
með eigin augum hina tröllslegu, en um
leið tignarlegu, ógleymanlegu náttúru-
fegurð. Myndi það verða mörgum mann-
inum ágætt líkams og sálarfóður.
Maria Maack,
Bœjarbókasafnið.
Bæjarbókasafnið er einhver vinsæl-
asta stofnun bæjarins og það er meira,
því að réttu lagi er það ein hin þarf-
asta almenningsstofnun í þessum bæ.
Rafmagnsveita, Gasstöð og Sundhöll
hafa sín augljósu hlutverk að rækja bæj-
arbúum til þæginda og heilsubótar. Ef
litið er á þessar bæjarstofnanir og aðr-
ar svipaðar út frá þvílíku sjónarmiði,
mega þær teljast miðaðar við líkamleg-
ar þarfir bæjarbúa, þar sem Bæjarbóka-
safnið er einasta bæjarstofnunin, sem
skiptir sér af andlegri uppbyggingu bæj-
arbúa almennt, þegar barnaskólanum
sleppir. Til að rækja þetta hlutverk eiga
margir bæir auk bæjarbókasafna mynd-
arleg leikhús, en því er nú ekki að fagna
í þessum bæ. En þareð Bæjarbókasafn-
ið gefur ekki af sér neinar tekjur, sem
teljandi séu, hefir það verið afrækt
meira en skyldi og á við afarlélegan
húsakost að búa og ófullnægjandi
starfslið. Tekjur safnsins runnu til árs-
ins 1935 í svonefndan dagtekjusjóð,
sem þá var orðinn um 26 þúsund kr.
Dagtekjur eru af lánsskírteinum og
dráttareyri, 25 aura og 5 aura gjöld,
sem 7. og 8. grein reglugjörðar safns-
ins gerir ráð fyrir. Sjóðurinn er ætlað-
ur fyrir húsbyggingu handa safninu, en
daglegur rekstur safnsins er að öllu leyti
kostaður af bæjarsjóði og er fjárveit-
ing til safnsins allrífleg.
Alþýðubókasafn. Bæjarbókasafn
Stofnað 18./11. 1920. Reykjavíkur, sem
nú er, hét áður
Alþýðubókasafn Reykjavíkur og var
stofnað með ákvörðun á fundi bæjar-