Bankablaðið - 01.06.1953, Blaðsíða 27

YIÐTAL VIÐ BRYNJÓLF JÓHANNESSON
Brynjólfur Jóhannesson.
Brynjólfur Jóhannesson brosti góðlátlega,
þegar ég spurði hann, hvort ég mætti ræða
við hann um stofnun Starfsmannafélags Ut-
vegsbankans. Hann tók málaleitun minni
vel, svo sem vænta mátti, þar sem Brynjólfur
er ekki vanur að liggja á liði sínu öðrum til
gagns eða gamans. Hér fer þá á eftir það
helzta úr viðtali okkar.
Hvað getur þú sagt mér um stofnun
Starfsmannafélagsins ?
Einhverju sinni er við, nokkrir fyrrverandi
meðlimir í „Falko", höfðum rætt um það
fram og aftur, hvort hægt væri að endur-
vekja félagið, gjörðist ég svo djarfur, — og
lét engan um það vita fvrr en síðar, — að
skrifa bréf til allra útibúa Útvegsbankans,
þar sem ég fór þess á leit við starfsfólkið,
að það undirritaði og endursendi síðan til
mín meðfylgjandi áskorun til starfsfólks aðal-
bankans um að stofna starfsmannafélag fyrir
allar deildir bankans. — Komu þessi bréf til
baka undirrituð af öllu starfsfólki útibúanna.
Ég hafði ekki búizt við undirskriftum úti-
bússtjóranna, en þeir rituðu allir undir á-
skorunina. Mig minnir að þetta hafi verið í
desember 1932. — Þegar það nú sýndi sig,
að starfsfólk útibúanna hafði slíkan áhuga
h'rir stofnun stéttarfélags, þótti það þess
vert að gera enn eina tilraun og var þá loks-
ins stofnað „Félag starfsmanna Útvegsbanka
íslands h. f.
Hvernig voru svo undirtektir starfs-
manna í fyrstu?
Menn voru nokkuð hikandi. Sumir höfðu
litla trú á gagnsemi slíks félags sem þessa,
og einu sinni var lögð fyrir mig þessi spum-
ing: „Hvemig heldur þú, að bankastjórarnir
líti á svona félagsstofnun." — Sem betur fór
urðu þeir í meiri hluta, sem töldu rétt, að
stéttarfélag væri starfandi innan bankans.
Hvert er álit þitt á starfi félagsins?
Það starfar á réttum grundvelli. Það vinn-
ur með hógværð að hagsmunamálum heildar-
innar og hefur á þann hátt komið ýmsu
góðu til leiðar.
Sýnist þér starf þess horfa í rétta átt ?
Já. Félagið eflist með hverju ári og stefnir
í rétta átt að mér finnst.
Þú varst starfsmaður í íslandsbanka?
Já, — fyrst í útibúi bankans á ísafirði.
Og hvenær gerðist þú starfsmaður
þar?
Árið 1917. Ég hvarf svo um tíma að öðru
starfi árið 1920, en kom aftur í bankann
sumarið 1924.
BANKABLAÐIÐ 21