Bankablaðið - 01.12.1976, Síða 36

30. þing BSRB
30. þing BSRB var haldið dagana 11.—14
okt. s.l. og sóttu það 233 fulltrúar frá 33
bandalagsfélögum. í nýútkomnu fréttabréfi
BSRB, Huga, segir að málefnaleg umræða og
mikil samstaða hafi einkennt þingið.
Formaður, Kristján Thorlacius, var endur-
kjörinn og einnig 1. og 2. varaformenn, Hers-
ir Oddsson og Haraldur Steinþórsson.
Hér á eftir verður getið nokkurra helstu
ályktana þingsins.
Kjarabætur strax
Þar sem viðskiptakjör þjóðarinnar hafa á
undanförnum mánuðum stórbatnað og allt út-
lit er fyrir framhald þeirrar þróunar, skorar
30. þing BSRB á ríkisstjórn og Alþingi að gera
ráðstafanir til þess, að kaupmáttur launa verði
þegar á þessu bausti verulega bættur, annað
hvort með efnahagsráðstöfunum eða beinni
launahækkun.
Jafnréttismál
30. þing BSRB ályktar:
Að það sé enn sem fyrr eitt af baráttumál-
um samtakanna að vinna að raunverulegu
starfs- og launajafnrétti kvenna og karla. Nauð-
syn er á því að rjúfa hefðbundnar takmark-
anir á starfsaðstöðu kvenna í þjóðfélaginu.
Leiðir til úrbóta eru m.a.:
a) Dagvinnulaun breytist þannig, að þau ein
nægi til lífsviðurværis, þannig að foreldr-
ar geti til samans lengt heimaverutíma sinn
og börnin með því eignast það sjálfsagða
öryggi sem heimilið á að vera.
b) öll börn eiga rétt á dagvistunarrými.
c) Skólar verði einsetnir og stefnuskrá sam-
ræmd venjulegum vinnutíma.
d) Auknir möguleikar á hlutastarfi karla.
e) Reist verði dagvistunarheimili fyrir aldrað
fólk.
f) Stofnaðir verði sumarskólar fyrir börn á
skólaskyldualdri.
g) Athugaðir verði möguleikar á lausn á vanda
heimila, þar sem bæði hjónin vinna utan
heimilis, vegna þeirra barna, sem eldri eru
en 6 ára, þegar skólar starfa ekki að sum-
arlagi.
ísland láglaunasvæði —
Launakjör íslenskrar alþýðu eru nú orðin ein
hin allra lægstu í Vestur-Evrópu. Jafnframt
hefur launamismunur og margháttað misræmi
í launamálum stórlega aukist.
Hér á landi hefur geysað óðaverðbólga, og
frá því að umsamin vísitöluhækkun á laun var
síðast greidd (1. mars 1974) og til 1. ágúst
1976 hefur framfærsluvísitalan hækkað um
150 % og kaupgjaldsvísitalan, sem um var sam-
ið, hefur líklega hækkað um 130%.
Launastigi opinberra starfsmanna hefur á
sama tíma einungis hækkað um 40—70%.
Þróun kjaramála hefur þannig verið opinber-
um starfsmönnum sérstaklega óhagstæð undan-
farin ár. Réttindaleysi samtakanna og félag-
anna veldur þar mestu, enda hefur verulegur
hluti baráttunnar beinst að því að knýja fram
breytingar á samningsrétti. í því efni vegur
þyngst afnám gerðardóms aðalkjarasamnings og
takmarkaður verkfallsréttur.
Leitað samstarfs við ASÍ o. fl.
Þingið telur það brýnasta verkefni samtak-
anna á næstunni að hefja markvissa baráttu
34 BANKABLAÐIÐ