Bankablaðið - 01.12.1976, Blaðsíða 39

Merkisafmæli starfsmanna
Úlvegsbanka Íslands
85 ára, Pórarinn Nielsen
fv. bankafulltrúi
Þórarinn Benedikt Nielsen fæddist á Seyðis-
firði 28. desember 1891. Að loknu námi í
Verslunarskóla íslands hóf hann störf í útibúi
íslandsbanka á Seyðisfirði 1. júlí 1914 og
fluttist til starfa í aðalbankann í Reykjavík 1.
nóvember 1918 og starfaði þar uns hann lét af
störfum fyrir aldurs sakir 31. desember 1956.
Nielsen er því sannarlega aldursforseti fyrr-
verandi starfsmanna Utvegsbanka íslands.
Nielsen var lengst af fulltrúi bankans í út-
gerðarmálum og hafði með veðsetningar að
gera. Hann var afburða vanavirkur í störfum,
Pórarintt
Nielsert.
velmetinn og vinsæll af öllum viðskiptamönn-
um bankans enda gætti hann hagsmuna þeirra
jafnt og bankans.
Nielsen hafði mikil og góð afskipti af fé-
lagsmálum bankamanna. Hann var einn af
stofnendum Starfsmannafélags Otvegsbankans,
formaður um skeið, oft í stjórn og varastjórn.
Hann sat og stofnfund Sambands ísl. banka-
manna, sem fulltrúi félagsins. Hann er heið-
ursfélagi Starfsmannafélagsins.
A.B.
80 árar Jóhann Árnason
fv. bankafulltrúi
Jóhann Ásbjörn Árnason fæddist 24. október
1896 að Hóli í Bolungarvík. Hann lauk námi
frá Verslunarskóla íslands 1915. Hann vann
ýmis verslunarstörf síðan þar til hann réðist í
íslandsbanka 14. mars 1919 og starfaði þar og
í Utvegsbankanum til 14. desember 1959, að
hann lét af störfum fyrir aldurs sakir.
Jóhann hefir verið mikill félagshyggjumað-
ur. Hann vann frábær og fórnfús brautryðj-
andastörf við undirbúning og stofnun Starfs-
mannafélags Útvegsbankans 1933. Hann var
um skeið formaður félagsins og starfaði ávallt
af vakandi áhuga að velferð félagsins og studdi
drengilega góð málefni þess og bankamanna-
stéttarinnar. Hann var fulltrúi félagsins við
stofnun Sambands ísl. bankamanna 1935.
BANKABLAÐIÐ 37