Bankablaðið - 01.09.1981, Blaðsíða 4

4
Hvcað segja þau um
samningamálin?
Þar sem kjarasamningar SÍB og
bankanna frá 15. desember 1980
runnu út um mánaðamótin ágúst-
september síðastliðin, og í hönd fara
nýjar kjarasamningaviðræður, tók
Bankablaðið tali 10 bankamenn og
Iagði fyrir þá tvær spurningar.
1) Telur þú rétt að bíða átekta og sjá
hver þróunin verður á almennum
vinnumarkaði næstu mánuði, eða
ber að knýja á um samninga sem
allra fyrst?
2) A hvað ber SIB að leggja mesta
áherslu í komandi samningum?
Svörin fara hér á eftir.
Ragnhildur Ásmundsdóttir, full-
trúi hjá Landsbanka Islands.
Hefur starfað rúm 14 ár í banka.
1) Við eigum að semja. Eg ber mikið
traust til okkar samningamanna að ég
tel við náum góðum samningum. Enda
má segja að tilgangslaust sé að vera
með stéttarfélag ef það á aðeins að
emja „við viljum sama og hinir“. Ég
trúi því ekki að óreyndu að viðsemj-
endur okkar fari að draga viðræður á
langinn eins og í síðustu samningum.
Það hlýtur að vera krafan að farið verði
að ræða saman í fullri alvöru strax og
samningar eru lausir. Og síðan gildi
nýju samningarnir frá og með þeim
degi. Það er ekki hægt að viðsemjendur
sjái sér hag í því að draga samninga von
úr viti.
2) Númer eitt er að ná aftur þeim kaup-
mætti sem skertur hefur verið. Ég
hugsa að það geti margir bankamenn
verið sammála mér í því, að margir af
þeim frægu félagsmálapökkum ríkis-
stjórnarinnar hin síðustu ár hafi ekki
þyngt launaumslagið okkar eins og
vonir stóðu til. Ég veit það þykir ekki
fínt að tala um kauphækkanir í krónu-
tölu eða prósentum svo ég bendi á að
opna launaflokkana sem flestir eru
orðnir fastir í fyrir löngu. Síðan væri
gaman ef við fengjum nú 24 vinnudaga
í sumarfrí, en ekki 20 eins og reyndin
er. Ég er ekki að gera lítið úr þeim
mikla árangri sem við höfum náð á
félagsmálasviði. Þar verðum við að
berjast áfram.
Geir Þórðarson, fulltrúi í safn-
lánadeild Verslunarbankans.
Hann hefur starfað 9 ár í banka og
er í stjóm starfsmannafélagsins.
1) Ég tel að knýja beri á um samninga sem
allra fyrst, en í þeim samningum verði
ákvæði um endurskoðun þegar þróun-
in á vinnumarkaðnum er ljós.
2) Mesta áherslu á að leggja á kauplið
samninganna, þar sem önnur ákvæði
sem meta má til launa, svo sem orlof,
orlofsfé o.n. hafa fyrst og fremst komið
þeim til góða sem eru í efri þrepum
iaunastigans.
Guðný Bernhard, aðstoðarfull-
trúi í Útvegsbanka íslands. Hefur
starfað rúm 15 ár í banka.
1) Ég álít að það sé ekki rétt að bíða, held-
ur setjast að samningum strax. Þar sem
kaupmáttur launa fer minnkandi dag
frá degi, hlýtur það að vera alveg út í
hött að sitja auðum höndum og bíða
eftir því að eitthvert kraftaverk gerist á
launamarkaðnum. Til samninga strax.
Frestun á samningaviðræðum mundi
aðeins þýða aukið öngþveiti hvað við-
kemur kaupmætti launa í óðaverðbólg-
unni, þar sem hver vinnuhópurinn á
fætur öðrum berst fyrir launahækkun
og fær hana.
2) SIB ber að leggja áherslu á einföldun
launastigans, að mínu mati, hækka
starfsaldursálagsprósentur til muna og
fækka stoppþrepum. Einnig vil ég láta
fella niður laugardaga við talningu
orlofsdaga og að jafnrétti kynjanna
verði virt bæði í stöðuveitingum og í
launum.