Bankablaðið - 01.09.1981, Blaðsíða 15

15
32. þing
þar með röskun á gerðum kjarasamning-
um. Önnur atriði eru mjög óljós og stefn-
an í heild þokukennd og óáreiðanleg.
Að ofansögðu er ljóst, að stjórn Sam-
bands íslenskra bankamanna leggst gegn
bráðabirgðalögunum og telur þau ekki
fela í sér iausn á aðsteðjandi vanda. Stjórn
sambandsins áskilur sér allan rétt til að-
gerða í þessu sambandi og bendir í því
sambandi á rétt sinn skv. ákvæðum kjara-
samninga, til endurskoðunar á kaupliðum
samninganna, verði gerðar breytingar á
umsaminni vísitölu, svo og rétt til endur-
skoðunar á launalið skv. 4. gr. samkomu-
lags um kjarasamninga félagsmanna SIB.
Að lokum vill stjórn Sambands íslenskra
bankamanna lýsa vanþóknun sinni á yfir-
lýsingum stjórnvalda um samráð við
launamenn, sem ævinlega reynast orðin
tóm“.
Nýjar viðræður
Með kjaradómi í máli BHM og fjármála-
ráðherra um áramótin, viðaukasamning-
um BSRB og fjármálaráðherra í kjölfar
þess dóms, og loks á grundvelli útreikn-
inga og upplýsinga um niðurstöður ASI
samninganna í vetur, sem birtar hafa verið
að undanförnu, taldi stjórn og samninga-
nefnd SIB ástæðu til að óska nýrra við-
ræðna við bankana um kjaramál. Þetta var
gert með ályktun og bréfi dags. 10. febrú-
ar 1981 og var þar vitnað til réttar SIB til
viðræðna um launalið sem tryggður er
með 4. gr. samkomulags um kjarasamn-
inga félagsmanna SIB.
Ekkert svar barst við þessu bréfi og á
fundi stjórnar og samninganefndar SIB
hinn 4. mars var enn samþykkt ályktun
sem send var samninganefnd bankanna
og öllum bankaráðsmönnum, en sú ný-
breytni var tekin upp hjá SIB að senda
bankaráðsmönnum ýmsar upplýsingar
um hagsmunamál bankamanna.
I kjölfar þess bréfs var síðan haldinn
sameiginlegur fundur samninganefnd-
anna hinn 11. mars 1981. A þessum fundi
lagði SIB fram skriflega kröfugerð, sem
rökstudd var á fundinuin. Að því búnu
kvaðst samninganefnd bankanna þurfa
frest til að íhuga rnálið.
Svarið barst síðan skriflega hinn 20.
mars. SIB mótmælti þessu svari kröftug-
lega og taldi það fela í sér útúrsnúninga og
afbökun á málflutningi og röksemdum
SIB. Þess var síðan krafist, að málinu yrði
skodð til gerðardóms. Þannig stóð málið,
er skýrsla þessi var búin til prentunar.
Eftirtaldir áttu upphaflega sæti í samn-
inganefnd SIB: Arni Sveinsson, form.,
Böðvar Magnússon, Sveinn Sveinsson,
Jóhanna Ottesen, Helgi Hólm, Kjartan Ó.
Nielsen og Vilhelm G. Kristinsson.
Nokkrar breytingar voru síðan gerðar á
nefndinni, m.a. vegna íjarveru nefndar-
manna af landinu, brottflutnings út á
land, auk þess sem á síðari stigum þótti rétt
að stækka nefndina. Var það gert með
samþykki mótaðila og sáttasemjara ríkis-
ins. 12. desember 1980, við undirritun
samninga, áttu eftirtaldir sæti í samninga-
nefnd SIB: Sveinn Sveinsson, form.,
Böðvar Magnússon, Kjartan Ó. Nielsen,
Helgi Hólm, Hinrik Greipson, Birgir
Jónsson, Benedikt E. Guðbjartsson,
Jóhannes Magnússon, Dóra Ingvarsdóttir
og Villielm G. Kristinsson.
Fyrir bankana unnu eftirtaldir að samn-
ingagerð: Björgvin Vilmundarson, form.,
Hannes Pálsson, Armann Jakobsson,
Bjarni Guðbjörnsson, Pétur Erlendsson,
Guðmundur Hjartarson, Baldvin
Tryggvason, Guðmundur Agústsson, Ari
Guðmundsson, Reynir Jónasson og Þór
Gunnarsson.
I ríkissáttanefnd áttu lengst af sæti þeir
Vilhjálmur Hjálmarsson, form., Hrafn
Magnússon og Jón Erlingur Þorláksson.
Opnunartímamálið
Annar áfangi opnunartímabreytingar-
innar kom til framkvæmda hinn 1.
september 1979. Breytingin fól í sér að
opið var á öllum afgreiðslustöðum klukk-
an 9:15 til 16:00 alla daga frá mánudegi til
föstudags og ennfremur var innlánsstofn-
unum heimilt að hafa opið á fimmtudög-
um klukkan 17:00 til 18:00. Þessi áfangi
var framkvæmdur, svo sem hinn fyrri, án
þess að bankamenn væru hafðir með í
ráðum.
Stjórn SIB mótmælti ítrekað þessari
málsmeðferð, og slíkt hið sama hafði fyrri
stjórn' sambandsins gert við fyrri áfanga
breytingarinnar.
Stjórn SIB fylgist náið með framvindu
málsins í starfsmannafélögunum og voru
m.a. haldnir sérstakir formannafundir
um málið.
A formannafundi hinn 20. september
1979 var samþykkt tillaga þess efnis, að
fundurinn beindi því til starfsmannafé-
laganna að reyna að ná fram samningum
við viðkomandi banka- og sparisjóðs-
stjórnir um málið. Félag starfsmanna
Landsbanka Islands hafði þá skömmu
áður náð samkontulagi við bankastjórn
Landsbankans um opnunartímamálið.
Það santkomulag fól í sér greiðslu fyrir
yfirvinnu, sem til kynni að falla vegna
breytingarinnar, m.a.
Ekki er unnt að telja, að meiriháttar
vandamál hafi risið vegna breytingarinnar
1.9.1979 og smærri vandamál hafi fiest
verið leyst. Hins vegar varð ljóst af þessum
breytingum og því, hvernig að þeim var
staðið, að gera þurfti róttækar breytingar
á grein 12.1.1. í kjarasamningi SIB og
bankanna. Grein þessi varð því löngum
meginumræðuefnið í samningaviðræðum
þeim sem í hönd fóru. Breyting varð á
greininni í samningunum frá 3. október,
sem felldir voru, og síðan aftur í samning-
unum frá 15. desember.
Telja má, að góðum áfanga hafi verið
náð í þessum efnum, þó að enn skorti tals-
vert á, að full réttindi séu tryggð.
Samráð
Hinn 12. febrúar 1981 barst SÍB bréf frá
forsætisráðuneytinu, þar sem óskað er til-
nefningar í samráðsnefnd við stjórnvöld.
Af hálfu ríkisstjórnarinnar voru tilnefndir