Bankablaðið - 01.12.1985, Qupperneq 23

23
Tölvufræðslan
Tölvufræðslan að Ármúla 36 í
Reykjavík var stofnað af þeim Ellert
Ólafssyni og dr. Kristjáni Ingvarssyni.
Þar starfa nú 3 fastir starfsmenn, en
fjöldi þeirra sem starfa við skólann er
um 35 manns.
Markmið Tölvufræðslunnar er að
veita fjölþætta fræðslu um notkun
tölva og kynna nýja tækni á þessu
sviði.
Til að ná þessu marki hefur Tölvu-
fræðslan lagt mikla áherslu á vönduð
námskeið með vel menntuðum leið-
beinendum.
Starfsemi Tölvufræðslunnar fer
stöðugt vaxandi og nemendafjöldinn
frá byrjun er á þriðja þúsund.
Kennslan fer aðallega fram í tveim
kennslustofum og telur Ellert hæfilegt
að hafa 10-15 manns í hóp. Við
kennsluna er mjög vænlegt til árang-
urs að hafa tvo og tvo nemendur saman
um hverja tölvu, því þá bæta nemend-
urnir hvorn annan upp og hjálpast að
við að leysa þau verkefni sem lögð eru
fyrir.
Þótt fyrirtækið hafi ekki starfað í
langan tíma, þá hefur starfsemin nú
þegar sprengt utan af sér núverandi
húsnæði og er nú verið að leita að betra
og stærra húsnæði.
Á námskeiðunum fyrir bankamenn
er megináhersla lögð á eftirfarandi tvo
þætti:
1) Grunnþjálfun í meðferð og notkun
tölva.
2) Innsýn í heildarskipulag tölvuvæð-
ingarinnar í bönkum.
3) Þjálfun í notkun algengra forrita
t.d. ritvinnslu, töflureiknun og
gagnasafnskerfum.
Tölvufræðslan hefur bæði haft nám-
skeið fyrir einstaklinga og hópa frá
fyrirtækjum sem eru í vaxandi mæli
að taka upp tölvunotkun.
Eftir að hafa rætt við þá Ellert og
Kristján um þá beinlínuvæðingu sem
nú stendur yfir í bönkum, þá biðjum
við þá að nefna þá fræðslu sem sér-
staklega þyrfti að þeirra mati að veita
bankamönnum.
Þeir sögðu, að eftirfarandi þætti yrði
að hafa til hliðsjónar:
a) Bankastarfsfólk almennt hefur litla
eða enga reynslu í notkun tölva.
b) Mikil breyting verður á vinnu-
brögðum, með tilkomu beinlínu-
vinnslunnar.
Þess vegna er augljóst, að mikillar
fræðslu er þörf. Fræðslan getur að
sjálfsögðu farið fram með ýmsu móti,
en ef tekið skal mið af reynslu annarra,
þá er best að allir starfsmenn fari á
hnitmiðuð námskeið sem eru sérstak-
lega sniðin fyrir þarfir bankanna.
Slíkt námskeið þarf að innihalda:
1) Grunnfræðslu um tölvur og notkun
þeirra.
2) Góða innsýn starfsfólks á hlutverki
tölvanna í bankanum.
3) ítarleg þjálfun á þau tæki sem
notuð verða.
Þeir vildu að lokum leggja áherslu á
það, að árangurinn af þessari tækni-
breytingu yrði að öllum líkindum í
hlutfalli við þá þjálfun og fræðslu sem
starfsfólk bankanna fengi.
Beinlínufræðsla Landsbankans
Sveinbjörn Guðbjarnarson sem áður
var í rafreiknideild bankans, tók að sér
að skipuleggja og reka sérstaka
fræðsludeild í sambandi við beinlínu-
verkefnið. í húsnæði bankans að
Höfðabakka var sett upp mjög góð
kennsluaðstaða og þangað var starfs-
fólkinu stefnt, bæði á vinnutíma, á
kvöldin og um helgar.
í nýútkomnu afmælisriti Banka-
mannaskólans er viðtal við Sveinbjörn
og kemur þar margt athyglisvert fram.
Hvetjum við fólk til að lesa viðtalið.
Við slógum á þráðinn til Sveinbjarnar
og leituðum frétta:
Það hittist vel á, sagði Sveinbjörn,
því að við erum einmitt nú að ljúka
þessu verkefni. Það eru um 850 starfs-
menn sem farið hafa í gegnum pró-
grammið og ég held að það hafi tekist
mjög vel.
Hvaða atriði hefur þú lagt mesta
áherslu á íþinni kennslu?
Það eru fyrst og fremst þrjú atriði
sem ég hef lagt áherslu á:
1) að skapa jákvætt viðhorf hjá starfs-
fólkinu til notkun tölva í daglegum
störfum þ.e. að eyða ótta sem mjög
víða er fyrir hendi.
2) að fá starfsfólkið til að tileinka sér
ný vinnubrögð.
3) að fræða fólk um þær nýungar
sem eru framundan, s.s. hraðbanka,
smartkortið o.fl.
Jafnframt þessu hefur verið lögð
áhersla á það, að þeir sem koma til með
að vinna við Kienzletækin fái nægilega
þjálfun á þau. T.d. eru gjaldkerar
þeirra afgreiðslna sem fá nýju tækin
látnir æfa sig meira og minna alla
vikuna áður en tækin eru tekin í
notkun.
Aðspurður í lokin kvað Svein-
björn ekki vera ákveðið, hvort eða
hvernig framhald yrði á þessari
fræðslustarfsemi.