Musica - 01.10.1948, Blaðsíða 3

Musica - 01.10.1948, Blaðsíða 3
1. ARGANGUR tHuJica OKTÓBER 1948 Útgefandi: Drangeyjarútgáfan. RITSTJÓRARABB 3. TÖLUBLAÐ Sigur Tónlistarfélagskórsins á Norræna söngmót- inu, hrifning Finna af lögum dr. Páls ísólfssonar úr „Gullna hliðinu", hljómleikar Þórunnar litlu Tryggva- dóttur og síðast en ekki sízt hinir fyrirhuguðu hljóm- leikar Rögnvalds Sigurjónssonar, sem efalaust munu færa hinum snjalla píanóleikara enn einn sigurinn á erlendum vettvangi, sýna okkur íslendingum betur en nokkru sinni fyrr, á hvaða sviði við getum bezt kynnt þjóð okkar erlendis. En það er eins og flestir hér á landi láti sér fátt um finnast sigrar hinna íslenzku tónlistarmanna og blöðin eru mjög sparsöm í fréttum sínum af viðburð- unum. Alveg nýlega hefur staðið yfir tónlistarþing í Oslo, það fyrsta, sem Islendingar taka virkan þátt í, en ekki er vitað til þess að neitt hinna íslenzku blaða hafi eða muni senda sérstakan fregnritara til Noregs til að fá sem gleggstar fréttir a'f viðburðunum. Það er vitað mál, að miklum gjaldeyri var varið til að kosta hina íslenzku keppendur á Olympíuleikana í London, og var það auðvitað sjálfsagt, en með þeim fylgdu hundruð manna sem lítið eða ekkert hafði á leikina að gera. Má nú deila um hvort þessum gjaldeyri hefði ekki verið betur varið til að kosta unga og éfnilega menn utan til tónlistarnáms t. d. Fyrst verðum við að hugsa um hið andlega upp- eldi þjóðarinnar og svo hið Mkamlega eins og Aþen- ingar gerðu, en ekki láta hið líkamlega sitja í fyrir- rúmi eins og Spartverjar. Hér í bæ eru t. .þrír ungir menn, að margra dómi afbragðs söngvaraefni. Þeir hafa lært söng í 2—3 ár og að afloknu námi hér fengið beztu vitnisburði kennara sinna, sem hafa eggjað þá til framhaldsnáms erlendis. En þá skeður hið ótrúlega — ekkert gjaldeyrisleyfi er fyrir hendi handa hinum ungu söngmönnum — og þar með er fleiri ára strit og kostnaðúr að engu orðið, og þeir sviftir öllum möguleikum til meiri fræðslu. Það er vitað, að þeim þremenningum voru gefin hálfgildis loforð, sem voru svikin. Margra ára strit er að engu gert, með litlu gulu blaði, þar sem stendur: „Yður hefur verið synjað um leyfi" o. s. frv., og þar með er dyrunum skellt í og hinir ungu menn verða að híma hér 'heima, án tæki- færis til meiri fræðslu, og með brostna drauma. En höfum við Islendingar efni á að láta svo efnilega söngvaraefni fara forgörðum? Áreiðanlega ekki, við erum svo lítil þjóð, að við verðum að hlúa að hverjum einstakling, ekkert má fara forgörðum, því okkur er hver einstaklingur dýr- mætur, og við verðum að gefa hverjum hæfileika- manni meðal vor tækifæri. Við megum umfram allt ekki loka landinu þannig, að það minni á einokunar- tímablið, þegar bændurnir mátt-u ekki fara út fyrir héraðstakmörk sín til að verzla. Við megum e\ki rígbinda einsta\linginn með vdld- boði. Munið að margir listamenn hafa orðið að flýja land sitt vegna afturhaldssemi og skilningsleysis landa sinna, látum ekki afturhaldsstimpilinn setja mark á aðgerðir okkar. MUSICA 3

x

Musica

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Musica
https://timarit.is/publication/725

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.