Árbók Tannlæknafélags Íslands - 01.01.1971, Page 19

FÉLAGSMÁL
FÉLAGSHEIMILIÐ
Hið nýja félagsheimili okkar var formlega tekið í notk-
un 4. des. s.l. að viðstöddum mörgum kollegum og eigin-
konum þeirra. Auk þess var þeim boðið, sem að innrétt-
ingu húsnæðisins stóðu, og nokkrum öðrum gestum. Að
vísu var húsnæðið ekki alveg fullbúið, en með tilliti til
þess, að fyrirsjáanlegur var einhver dráttur á, að öllu
yrði fulllokið, þótti byggingarnefndinni sjálfsagt að gefa
félagsmönnum Tannalæknafélagsins kost á að kynnast
húsakynnum sínum fyrstum gesta. Enda svo langt kom-
ið, að hægt var að taka húsnæðið í notkun.
Húsnæðið er efsta hæð Síðumúla 35, 360 m" að stærð,
eða fjórðungur alls hússins. Var húsnæðið keypt tilbúið
undir tréverk og samningar undirritaðir 14. ágúst 1970.
Vinna við innréttingar hófst í byrjun júlí s.l. og stóð
því í fimm mánuði.
Með tilkomu nýja félagsheimilisins hefur öll aðstaða
til aukins og betra félagslífs batnað. Hefur hin fram-
takssama félagsheimilisnefnd okkar sett reglur um notk-
un heimilisins, og eiga ýmsar nýjar hugmyndir nefnd-
arinnar án efa eftir að sjá dagsins ljós í framtíðinni.
OPINBER TANNLÆKNISÞJÓNUSTA
Eins og ákveðið var eftir ítarlegar umræður á tveim
fundum s.l. liaust, sendi stjórnin frá sér tillögur félags-
ins um skipulag opinberrar tannlæknisþjónustu lands-
manna. Voru tillögurnar sendar flestum fjölmiðlum,
þingmönnum, borgarfulltrúum og yfirmönnum heil-
brigðismála.
Höfum við ekki heyrt annað en að tillögunum væri
vel tekið, og verður vonandi ekki gengið fram hjá fé-
laginu næst þegar fjallað verður um þessi mál. Ættu
17