Árdís - 01.01.1950, Side 12

10
ÁRDÍ S
stað fyrir flugvöll vegna útsýnis og víðsýni sem gaf tækifæri til
varnar ef árás yrði gerð.
En ísland tjaldar sinni fegurstu skrúð þegar þú heimsækir
Gullfoss og Geysir, Þingvöll og Almannagjá og Lögberg, og stað-
næmist við Oxarár foss, þá komu í huga minn kvæðin sem ég
hafði heyrt ung um stofnun Alþingis á þessum söguríka stað. Á
Þingvöllum eru líka sumarheimili Reykvíkinga og þangað keyra
menn til að lyfta sér upp, því það er aðeins klukkustunda keyrsla
frá Reykjavík — álíka og frá Winnipeg til Húsavík, þar sem sumar-
búðir Bandalags lúterskra kvenna eru. Þar er ágætur gististaður,
Hótel Valhöll, og hvert sem maður keyrir er útsýnið dýrðlegt,
sumstaðar hrikalegt — en alstaðar tignarlegt. Hotelið og sumar-
heimilin eru byggð í kringum hið rólega, tæra Þingvalla vatn.
Á Þingvöllum eru leiði tveggja stórskálda íslands: Jónasar
Hallgrímssonar og Einars Benediktssonar. Þeir hvíla þar undir
stein töflum.
Ég var þrisvar á Þingvöllum, og í hvert skifti var mér boðið
nýtt útsýni. Það má keyra þar endalaust margar klukkustundir,
og sjá altaf nýja og tilbreytilega náttúru. Þegar ég klifraði upp
á Lögberg og stóð þar og leit yfir landið „fagurt og frítt og fann-
hvítir jöklanna tindar“, hugsaði ég ósjálfrátt um landnemana
í Nýja íslandi, sem undir eins skipulögðu sín sveitarlög og reglur
í byrjun.
Ég hafði ánægju af því að skoða ýmsar byggingar í Reykjavík
sem eru með nýjasta sniði: Háskólinn, Sjómannaskólinn, Þjóðminja-
safnið og Þjóðleikhúsið sem var opnað á sumardaginn fyrsta. Allar
þessar byggingar eru það sem við köllum „ultra modern“.
Ég var boðin á móttöku að Bessastöðum, heimili forseta íslands.
Við skoðuðum heimilið og eftir að veitingar voru fram bornar —
hina gömlu Bessastaða kirkju og kirkjugarðinn þar sem eru mörg
gömul leiði, meðal annars Gríms Thomsen skálds.
Ég eyddi degi til að skoða Reykjalund, sem er nálægt Reykja-
vík, og er fyrirtæki til hjálpar berklasjúklingum sem leyft hefir
verið að yfirgefa heilsuhæli. Það heitir „Vinnuheimilið að Reykja-
lundi“, og er vistmönnum leyfð takmörkuð vinna svo þeir geti verið
sjálfstæðir. Til frekari upplýsinga vil ég benda á grein er ég skrifaði
fyrir blaðið Icelandic Canadian í haust.
Rétt áður en ég lagði af stað heimleiðis var mér boðið á
sýningu sem haldin var af Júlíönu Sveinsdóttur, málara. Er hún