Morgunblaðið - 04.03.2009, Side 22

22 UmræðanKOSNINGAR 2009
MORGUNBLAÐIÐ MIÐVIKUDAGUR 4. MARS 2009
ÍSLENSK stjórnmálaumræða mun aldrei
verða söm eftir þá atburði sem hlutust af hita-
sótt frjálshyggjunnar. Þegar sápukúlan svo
sprakk blasti við að ekki einasta hafði fjár-
hagur þjóðarinnar hrunið – siðferðisgildin
höfðu líka beðið skipbrot. Þessir atburðir hafa
afhjúpað siðferðisbresti, hugsanaleti, ákvarð-
anafælni og meðvirkni sem gegnsýrði allt þjóð-
lífið. Í villtustu draumum gátum við ekki gert
okkur annað eins í hugarlund.
Í þeim erfiðleikum sem nú herja á þjóðina
ríður á að jafnaðarmenn standi fast í fætur
gagnvart þeim verkefnum sem bíða og þau eru
nokkur:
Sjávarbyggðirnar sem margar hafa ekki borið sitt barr
eftir að kvótakerfinu var komið á þurfa að endurheimta
náttúrurétt sinn til fiskveiða. Landbúnaðinn þarf að frelsa
undan áratugagömlu miðstýrðu framleiðslustjórn-
unarkerfi og auka möguleika bænda til þess að sinna sjálf-
stæðri matvælaframleiðslu í tengslum við ferðaþjónustu.
Byggja þarf upp háskólastarf, símenntun, samgöngur og
fjarskipti um land allt til að bæta samkeppnisstöðu byggð-
anna. Stjórnmálamenn og stjórnsýslan öll
verða að bera ábyrgð og standa vörð um hlut-
verk stofnana þannig að þær fái að sinna lög-
bundnu hlutverki sínu án inngripa stjórn-
málaflokka eða annarra hagsmunaafla.
Það er því ekki lítið verk sem bíður. Aldrei
fyrr hefur verið jafn rík þörf fyrir hugrekki og
heiðarleika í íslenskum stjórnmálum. Aldrei
fyrr hefur verið jafn rík ástæða til þess að end-
urheimta þau verðmæti sem við þó eigum Ís-
lendingar – andleg og veraldleg. Og aldrei fyrr
hefur verið jafn rík ástæða til þess að end-
urheimta þá sjálfsvirðingu sem gerir okkur
kleift að vera þjóð meðal þjóða, í bandalagi og
samstarfi við vinaþjóðir þangað sem við getum
sótt bæði tilstyrk og fyrirmynd.
Samfylkingin stendur á sögulegum tímamótum sem
stjórnmálaflokkur. Hún stendur frammi fyrir því að inn-
leiða löngu tímabærar lýðræðisumbætur samhliða end-
urreisn íslensks samfélags. Það er núna sem reynir á
hvort íslenskir jafnaðarmenn rísa undir nafni.
Eftir Ólínu Þorvarðardóttur
Ólína
Þorvarðardóttir
Höfundur gefur kost á sér í 1.-2. sæti í prófkjöri
Samfylkingarinnar í NV-kjördæmi
Hér þarf hugrekki og heiðarleika
SAMFÉLAGSMYND
okkar er að breytast með
aukinni tækni. Mikil
tækni gefur möguleika á
nákvæmri greiningu og
bestu meðferð fyrir
hvern og einn. Aldraðir
eru viðkvæmari fyrir
sjúkdómum og fylgikvill-
um sem fylgja hækkandi
aldri en þeir yngri. Eins
og stoðkerfis-, hjarta- og
æðasjúkdómum, beinþynningu, einn-
ig fylgja vandamál aldurstengdri
hrörnun. Afleiðingar af því eru mikill
sársauki og stundum beinbrot. Þess
vegna þurfa aldraðir oftast lengri
tíma til að ná heilsu til að takast á við
daglegt líf á ný. Mikilvægt
er að skipuleggja öruggt og
gott stuðningsnet kringum
aldraðra einstaklinga sem
vilja vera heima sem lengst,
þess vegna er heima-
hjúkrun í samvinnu við að-
standendur afar mikilvæg.
Sjúkra- og iðjuþjálfun
þarf að skilgreina og upp-
fylla þarfir einstaklinga til
að þeir geti verið heima sem
lengst. Mönnun í heima-
þjónustunni þarf að vera
nægileg til að sinna óvænt-
um veikindum skjólstæðinga. Með því
tryggjum við öryggi og vellíðan skjól-
stæðinga okkar og fjölskyldna þeirra.
Úrlausnir í
öldrunarþjónustu
Eftir Grazynu M.
Okuniewska
Grazyna M.
Okuniewska
Höfundur er varaþingmaður
Sjálfstæðisflokksins.
ÉG ER alin upp af róttæku alþýðu-
fólki. Móðurafi minn, Haraldur Björns-
son sjómaður og verkamaður, sagði mér
margt um samtakamáttinn og þær fórn-
ir sem alþýða manna færði til að ná fram
þeim réttindum sem mín kynslóð hefur
búið við til þessa, og tekur sem sjálf-
sögðum hlut.
En nú eru blikur á lofti. Eftir ár
græðgisvæðingar og einstaklingshyggju
þar sem samtakamátturinn þótti hallær-
islegur en einstaklingshyggjan var tísk-
an, er hætta á að réttindi fólks verði
skert. Við þurfum að standa vörð um velferðina og þau
réttindi sem áunnist hafa. Þess vegna vil ég nú taka
þátt í stjórnmálum.
Í störfum mínum sem fjölmiðlakona hef ég fjallað um
þjóðfélagsmál í 23 ár. Ég hef hlustað á og tekið viðtöl
við fólk í öllum stéttum. Hef heimsótt fátækasta fólkið,
fólk í skýlum fyrir heimilislausa, auðmenn, unglinga í
vímuefnavanda, fólk sem orðið hefur gjaldþrota, fjöl-
skyldur langveikra barna og geðsjúkt fólk, afreksfólk,
fanga og fyrirtæki. Kynni mín af fjölmörgum hliðum ís-
lensks samfélags hafa orðið til þess að nú langar
mig að vinna fyrir fólk á þingi.
Mér finnst Alþingi eiga að endurspegla þjóð-
ina, þar eiga að vera konur og karlar úr öllum
stéttum og störfum. Ég vil að þingmenn hlusti á
þjóðina, hvetji hana til dáða og tali mannamál.
Önnur ástæða þess að mig langar að fá tæki-
færi til að vinna fyrir þjóðina á Alþingi er að allir
mínir draumar hafa ræst og ég vil fá að þakka
fyrir það. Ég á gott líf mitt meðal annars að
þakka góðri fjölskyldu, hvatningu og velferð-
arsamfélagi. Mig langar til að næstu kynslóðir fái
líka að njóta sín.
Ég hef átt kost á að mennta mig í háskóla,
óháð efnahag. Ég gat notið menningar og bók-
mennta, óháð efnahag. Og í bernsku fékk ég, ásamt
móður minni, öruggt húsnæði í félagslega húsnæð-
iskerfinu. Ég gat alltaf fengið vinnu á sumrin og notið
lífsins. Þetta vil ég að næstu kynslóðir fái líka.
Ég vil að hér ríki friður, frelsi, réttlæti og jöfnuður.
Og við verðum að bretta upp ermar og vinna í því að
skapa fleiri störf. Ég vil leggja mitt af mörkum.
Þingmenn eiga að vera
í tengslum við þjóðina
Eftir Sigríði Arnardóttur
Sigríður
Arnardóttir
Höfundur er félags- og fjölmiðlafræðingur og gefur kost á
sér í 5.-6.sæti Samfylkingarinnar í Reykjavík.
Í ÁRATUGI hefur Sementsverk-
smiðjan á Akranesi framleitt sement
fyrir landsmenn úr innlendum hráefnum
með hug og hönd góðs starfsfólks. Í
meira en hálfa öld hefur hún veitt
hundruðum fólks störf á Akranesi og
víðar. Sementsverksmiðjan er eitt af
staðartáknum Akraness í huga lands-
manna eins og gullaldarlið þeirra í fót-
bolta, ÍA. Ég var þeirrar skoðunar að
ríkið ætti áfram að eiga sinn hlut í verk-
smiðjunni og standa með því að því að
tryggja rekstur hennar og framtíð. En í einkavæð-
ingaræði fyrrverandi ríkisstjórna var hún því miður
einkavædd og seld þrátt fyrir hörð mótmæli okkar í
VG.
Hvað sem því líður er hún áfram mikilvægur vinnu-
staður og tryggir framleiðslu á innlendu sementi fyrir
þjóðina. Í upphafi þenslutímabilsins sem nú er lokið
var hafinn stórfelldur innflutningur á sementi frá
Danmörku. Nú er það svo sem gott og blessað að það
sé samkeppni á þessum markaði, verði henni við kom-
ið og hún til hagsbóta fyrir landsmenn. En þegar
þrengir að á byggingamarkaði er það mögulegt fyrir
innflytjandann að draga úr innflutningi og skerða
reksturinn. Sementsverksmiðjan er hins vegar með
sinn fastakostnað í mannvirkjum og auk þess stór og
dýrmætur vinnustaður. Hún getur illa skorið niður
framleiðsluna nema að það bitni á rekstri fyrirtæk-
isins og fjölda starfsmanna. Þá er okkur afar brýnt nú
að spara gjaldeyri sem kostur er og vera okkur sem
mest sjálfum okkur nóg um sem flestar nauðsynjar.
Ég get gert orð Jóns Steindórs Valdimarssonar, fram-
kvæmdastjóra Samtaka iðnaðarins, að mínum þegar
hann segir: „Við erum að tala um það að við þurfum
að spara gjaldeyri og velja íslenskt og þá er ekki
heppilegt að kaupa danskt sement. … Ef það eru tveir
valkostir í boði, íslensk einokun eða dönsk, þá vil ég
þessa íslensku.“ (Fréttir á Stöð 2, 30. jan. 2009)
Áskorun Starfsmannafélagsins
Starfsmannafélag Sementsverksmiðjunnar
sendi okkur alþingismönnum kjördæmisins
bréf 24. febrúar sl., þar sem bent er á góða
framleiðslu og mikilvægi verksmiðjunnar fyrir
atvinnulíf Akraness og landsins alls: „Sements-
verksmiðjan á Akranesi hefur frá upphafi skil-
að þjóðinni miklum arði. Hún hefur framleitt
rúmlega 5,5 milljónir tonna af sementi úr inn-
lendu hráefni og sparað þjóðinni þann gjald-
eyri sem annars hefði verið varið til innflutn-
ings á sementi.“ Verði stoðunum kippt undan
starfsemi verksmiðjunnar mun það hafa alvar-
legar afleiðingar: „Vel á annað hundrað störf glatast,
tækniþekking sem byggð hefur verið upp á síðustu
áratugum verður að engu og sement, aðlagað þörfum
íslensks markaðar, víkur fyrir innfluttu sementi.“
Stöndum vörð um innlenda framleiðslu
Ég tók málefni Sementsverksmiðjunnar upp á Al-
þingi í síðustu viku við iðnaðaráðherra og lagði þunga
áherslu að nú bæri okkur að standa vörð um innlenda
framleiðslu eins og sementið. Það mætti ekki ein-
göngu horfa til nýrra framleiðslufyrirtækja heldur
þyrfti einnig að slá skjaldborg um þann góða innlenda
iðnað sem við þegar eigum. Því hvatti ég iðn-
aðarráðherra og ríkið, sem einn stærsta bygging-
araðila landsins, til þess að kaupa alfarið íslenskt
sement á meðan það alvarlega ástand varir sem nú er.
Þar með væri með beinum hætti reynt að tryggja sem
flestum störf og halda dýrmætri framleiðslugrein í
landinu.
Kærar þakkir, ágæta starfsfólk sementsverksmiðj-
unnar, fyrir gott hvatningarbréf til okkar þingmanna.
Ég hef á undanförnum árum barist fyrir hagsmunum
innlendrar sementsframleiðslu og mun gera það
áfram hvar sem ég get lagt henni lið.
Jón Bjarnason
Höfundur er þingmaður Vinstri grænna
í Norðvesturkjördæmi.
Eftir Jón Bjarnason
Sementið frá Akranesi
– dýrmæt íslensk framleiðsla
ÞEGAR frumvarpið um
Varnarmálastofnun kom
fram á Alþingi á síðasta ári,
var málið umdeilt. Nú virð-
ist sem stofnunin sé aftur
komin í umræðuna. Fram
hefur komið að utanrík-
isráðherra sé með málefni
stofnunarinnar til ræki-
legrar endurskoðunar og
segir málefni hennar vera
forgangsmál.
Vinstri grænir vilja leggja Varn-
armálastofnun niður og benda á mik-
inn kostnað sem fari í að reka hana,
sem hægt væri að spara ef hún væri
lögð niður.
Ég get vissulega tekið undir með
þeim sem segja að það þurfi að spara í
ríkisrekstrinum og leita til þess allra
leiða. Að leggja niður Varnarmála-
stofnun og hætta hér loftrýmiseftirliti
og loftrýmisgæslu tel ég að sé ekki
skynsamlegt. Málið varðar samstarf
og þátttöku Íslands í Atlantshafs-
bandalaginu.
Til að ná fram sparnaði í þessum
málaflokki er hægt að horfa á aðrar
leiðir en að leggja stofnunina niður.
Það ætti að skoða það mjög vel hvort
ekki væri rétt að sameina Varn-
armálastofnun og Landhelgisgæsluna
og flytja Landhelgisgæsluna á Kefla-
víkurflugvöll. Í þeirri sam-
einingu gæti falist veru-
legur sparnaður til lengri
tíma litið. Sameining og
samstarf á sviði öryggis-
og varnarmála mun opna
möguleika sem áður voru
lokaðir, t.d. aukinn að-
gangur að upplýsingum
og sameiginleg innkaup
innan Atlantshafs-
bandalagsins sem mun
leiða til sparnaðar í rík-
isútgjöldum.
Á Keflavíkurflugvelli er til staðar
allt það húsnæði sem þarf. Flugskýli,
skrifstofuhúsnæði og íbúðarhúsnæði.
Landrými er auk þess nægjanlegt til
hvers konar æfinga í þessari fyrrver-
andi varnarstöð sem þjónaði sem ör-
yggis- og varnarsvæði landsins í ára-
tugi.
Þegar Varnarliðið fór af landi brott
fékk íslenska ríkið mikið af góðu hús-
næði í fangið. Nú þarf að hagræða og
sameina stofnanir til að ná fram
sparnaði. Nú er ekki tími til að byggja
flugskýli á Reykjavíkurflugvelli eða
skrifstofuhúsnæði. Það er allt til stað-
ar á Keflavíkurflugvelli og býður þess
að stjórnvöld sjái að auðvitað er það
skynsamlegast að flytja starfsemina
þangað og sameina þessar tvær stofn-
anir í eina öfluga stofnun.
Varnarmálastofnun
– Landhelgisgæsla
Eftir Björk
Guðjónsdóttur
Björk Guðjónsdóttir
Höfundur er alþingismaður.
EF búsáhaldabyltingin
hefur sannað eitthvað, þá
er það að þjóðin getur haft
bein áhrif á stjórnvöld
landsins. En ég tel að tími
sé kominn að ganga
lengra og gera það auð-
veldara fyrir almenning
að koma sínum hug-
myndum á framfæri og
ekki bara hafa áhrif á
stjórnvöld, heldur vera
stjórnvöldin sjálf. Þau sem hafa skoð-
að althingi.is hafa kannski tekið eftir
hversu erfið og flókin síðan er. Það er
vegna þess að síðan er ekki beint
hönnuð fyrir kjósendur heldur að-
allega fyrir þingmenn og embætt-
ismenn. Og því verðum við að breyta.
Í fyrsta lagi legg ég til að heimasíðan
althingi.is verður endurskipulögð.
Síðan á að vera einföld, skýr og þægi-
leg fyrir hvern sem er að nota. Við í
Vinstri grænum viljum standa vörð
um lýðræðið, og þess vegna finnst
mér og mörgum öðrum í flokknum að
það ætti að búa til sérstakar und-
irsíður á althingi.is – kannski frum-
vorp.althingi.is sem dæmi – þar sem
hvert frumvarp og hverja þingsálykt-
unartillögu sem lögð eru fram megi
þjóðin ekki bara skoða,
heldur líka koma með at-
hugasemdir, tillögur og
spurningar við.
Í öðru lagi verða þeim
sem vilja fylgjast með af-
drifum frumvarpa og til-
lagna sendar tilkynningar í
tölvupósti þegar frumvarp
er sett í nefnd, fer áfram í
aðra umræðu og svo fram-
vegis. Þar verður hægt að
sjá hvað þingmenn hafa
sagt í ræðum sínum um
frumvörp og tillögur, hvernig þeir
hafa kosið í nefnd, og hvernig þeir
hafa kosið í þingsalnum.
Í þriðja lagi tel ég mikilvægast að
þjóðin hafi beint samband við þing-
menn og ráðherra. Þess vegna tel ég
að á síðum þingmanna eigi að vera
sérstakt spjallborð, þar sem fólk get-
ur lagt fram sínar eigin hugmyndir
varðandi lagabreytingar og stefnu-
mál.
Þessar breytingar kostar ekki mik-
ið, en árangurinn yrði ómetanlegur –
öflugt og kraftmikið lýðræði þar sem
þjóðin hefur tækifæri til að hafa áhrif
á stefnumótun til framtíðar.
Rafrænt lýðræði
Eftir Paul F Nikolov
Paul F. Nikolov
Höfundur gefur kost á sér í 1.-3. sæti
hjá VG í Reykjavík.