Morgunblaðið - 07.03.2009, Blaðsíða 4

4 FréttirINNLENT
MORGUNBLAÐIÐ LAUGARDAGUR 7. MARS 2009
Eftir Önund Pál Ragnarsson
onundur@mbl.is
BIÐLISTAR eftir hjartaþræðingum hafa styst mikið frá
því á sama tíma í fyrra. Nú eru 43 manns að bíða, en á
sama tíma í fyrra voru 123 manneskjur á biðlista eftir
slíkri aðgerð. Þetta kemur fram í samantekt landlæknis á
biðlistum eftir aðgerðum. Þar segir að biðlistar hafi eink-
um verið viðvarandi eftir hjartaþræðingum, liðskiptaað-
gerðum og aðgerðum á augasteini. Biðtími eftir öðrum
aðgerðum sé hins vegar viðunandi. Til dæmis sé enginn
biðlisti fyrir almennar skurðaðgerðir, svo sem gallsteina-
og kviðslitsaðgerðir.
Minnst 19% færri bíða eftir hnjáskiptum
Biðlistar eftir liðskiptaaðgerðum hafa líka styst, þótt
breytingin sé ekki jafnmikil og þegar hjartaþræðingar
eiga í hlut. 12,5% fækkun hefur orðið á biðlista eftir
mjaðmaskiptum frá því á sama tíma í fyrra og að minnsta
kosti 18,7% fækkun á biðlista eftir hnjáskiptum. Biðtími
eftir mjaðmaskiptaaðgerðum er nú sá sami og hann var í
október síðastliðnum, hins vegar hefur bið eftir liðskipt-
um á hné á sama tíma styst mikið á Landspítalanum, úr
17 mánuðum í hálft ár.
Bið eftir augnsteinaaðgerðum styttist hægar
Þótt samanburður sé örðugur á milli mismunandi árs-
tíða hefur biðlisti fyrir aðgerðir á augasteinum styst úr
1.543 manneskjum í 1.224. Ástæðu þess segir Landlækn-
isembættið að hið opinbera hafi gert samninga við lækna-
stofurnar Sjónlag og LaserSjón um aðgerðir á augastein-
um. Biðlistar hafi hins vegar ekki minnkað jafnmikið eftir
þetta og var vænst.
Tölur um biðlista hafa verið kallaðar inn þrisvar sinn-
um á ári, með reglubundnum hætti, frá árinu 2007, sem
hluti af lögbundnu hlutverki Landlæknisembættisins.
Því vekur athygli að St. Jósepsspítali – Sólvangur byrjaði
ekki að skila inn neinum tölum fyrr en júní í fyrra, sem
gerir heildarsamanburð við fyrri ár erfiðari en ella. Upp-
lýsingarnar eru birtar á heimasíðu Landlæknis.
Fækkar á biðlistunum
 Fjörutíu og þrír bíða eftir hjartaþræðingu nú, en voru 123 talsins fyrir ári
 Biðlistar enn viðvarandi í hjartaþræðingum, liðskiptum og augnsteinaaðgerðum
Í HNOTSKURN
»Enginn biðlisti er eftirófrjósemisaðgerðum fyrir
karla. Hins vegar eru sex á
biðlista eftir ófrjósemisaðgerð
fyrir konur.
»72 eru á biðlista eftir æða-hnútaaðgerð. 23 bíða eftir
legnámi. Tveir bíða aðgerðar
á blöðruhálskirtli.
»Tíu manns bíða eftir gall-steinaaðgerð, 129 konur
eru á biðlista eftir aðgerð
vegna legsigs, en 134 bíða eft-
ir brjóstaminnkunaraðgerð.
ALLA daga frá áramótum hafa nemendur í
Hagaskóla átt kost á fiskmáltíð í hádeginu, til
viðbótar við annað sem í boði er. Í gær var t.d.
bæði grjónagrautur og svokallaður bixímatur að
auki en að sögn Þrastar Harðarsonar, matráðs í
Hagaskóla, fóru engu að síður 60 skammtar af
þorskinum, sem rann ljúflega niður kverkar
krakkanna. „Ég er búinn að velta því fyrir mér í
mörg ár að hafa fisk í boði á hverjum degi og
kýldi svo á það nú um áramótin,“ segir hann og
bætir því við að um 30% matargesta borði nú
fiskinn frekar en eitthvað annað.
Fúlsa ekki við fiskinum sem er í boði alla daga
Morrgunblaðið/RAX
„OKKUR langaði bara til að gera eitthvað jákvætt og gott
og hrista saman fjölskyldur í kreppunni, þess vegna fórum
við í það að skipuleggja þetta,“ segir Sigurður Páll Sig-
urðsson en hann og Sunnefa Burgess standa fyrir Blá-
fjalladeginum í dag.
„Þetta er ein allsherjar fjölskylduskemmtun og það
verður opið til tíu í kvöld. Það verða fríar rútuferðir í boði
Iceland Excursions frá BSÍ klukkan hálf fimm og hálf sjö
og svo aftur til baka klukkan tíu,“ segir Sigurður Páll.
Plötusnúðurinn Áki Pain sér um að spila tónlist allan dag-
inn, Brettafélagið sýnir listir sínar á brettum og Ölgerðin
ætlar að gefa brettadrykkinn Mountain Dew. Verslunin
Brim verður með tískusýningu, sem grínistinn Þorsteinn
Guðmundsson ætlar að stjórna sem og uppboði á bæði
vörum og þjónustu sem tengjast vetraríþróttum. Öll inn-
koma af uppboðinu mun renna óskipt til Breiðra brosa,
sem eru samtök aðstandenda barna með skarð í vör og
góm. Öll miðasala á skíðasvæðið eftir klukkan fimm renn-
ur líka óskipt til samtakanna. Einnig verður boðið upp á
fría bretta- og skíðakennslu fyrir byrjendur og hægt verð-
ur að kaupa sér kjötsúpu, kakó og piparkökur.
„Klukkan hálf níu verða öll ljós slökkt í fjallinu og farin
verður blysför niður brekkuna og ef skyggni verður gott
eigum við von á að hún sjáist til borgarinnar. Dr. Spock
ætlar svo í lokin að stíga á snjósviðið sem við erum búin að
láta gera, og skemmta öllum af sinni alkunnu snilld með
tónleikum. Við hvetjum alla landsmenn til að koma og
taka þátt í gleðinni og styrkja gott málefni í leiðinni.“
khk@mbl.is
Bláfjalladagur í dag með
blysför og allskonar fjöri
MIKIÐ verður
um að vera í
stjórnmálum um
helgina því að
prófkjör og for-
val verður hjá
Samfylkingu,
Vinstrigrænum
og Framsókn á
nokkrum stöð-
um.
Auk þess sem aukakjördæmisþing
verður hjá Framsókn í Reykjavík
þar sem lögð verður fram tillaga for-
valsnefndar að vali á framboðslista
flokksins í Reykjavíkurkjördæmum.
Fundurinn hefst kl. 10 í aðalsal Hót-
el Hilton Reykjavík Nordica í dag.
Framsóknarmenn í Suðvestur-
kjördæmi halda prófkjöri í dag frá
kl. 9-18 í félagsheimili framsóknar-
manna við Digranesveg í Kópavogi.
Forval VG í Reykjavík fer einnig
fram í dag í húsnæði VG í Reykjavík,
Suðurgötu 3, og stendur frá 10-22.
Í dag lýkur einnig netkosningu
Samfylkingar í Suðurkjördæmi, svo
og lýkur opnu prófkjöri Samfylking-
ar í Norðausturkjördæmi.
Á sunnudag halda framsóknar-
menn í Suðurkjördæmi aukakjör-
dæmisþing sitt þar sem framboðs-
listi Framsóknar í heild er lagður
fyrir þingið kl. 13 á Hótel Selfossi að
aflokinni póstkosningu. Á sunnudag
lýkur póstkosningu Frjálslyndra í
Norðvesturkjördæmi og netkosn-
ingu Samfylkingar í sama kjördæmi.
Lífleg
helgi í
pólitíkinni
Prófkjör og forval í
flestum kjördæmum
FYLGI Samfylkingar eykst og
mælist 30,5% samkvæmt könnun,
sem MMR hefur gert á fylgi stjórn-
málaflokkanna. Fylgi Sjálfstæðs-
flokks mælist 29,3% og fylgi VG
22,7%. Rétt yfir helmingur svarenda
segist styðja ríkisstjórnina.
Fylgi Samfylkingarinnar hefur
aukist frá könnun, sem MMR gerði í
febrúar en þá mældist það 24,1%.
Fylgi Framsóknarflokksins dalar
nokkuð og fer úr 14,9% í febrúar í
10% nú. Stuðningur við Sjálfstæðis-
flokk og Vinstri græna breytist lítið.
Fylgi Frjálslynda flokksins mælist
2,2%. Þeim fækkar sem segjast ætla
að kjósa aðra flokka en buðu fram
síðast og eru bú 5,3% Könnunin var
gerð dagana 3.-5. mars og fjöldi svar-
enda var 891.
Samfylking
eykur fylgið
Opið hús
á sunnudaginn
Nú á sunnudag verður opið hús á
kosningaskrifstofu Bjarna Benediktssonar
í Hlíðasmára 15.
Leikararnir Gói og Atli koma
og skemmta kl. 16. Boðið verður
upp á kaffi og veitingar.
Allir velkomnir.
www.bjarniben.is
Bjarni Benediktsson í 1. sæti
í prófkjöri Sjálfstæðisflokksins,
SV-kjördæmi, 14. mars.