Morgunblaðið - 07.03.2009, Blaðsíða 22

22 FréttirERLENT
MORGUNBLAÐIÐ LAUGARDAGUR 7. MARS 2009
www.veggfodur.is
BARACK Obama
er 47 ára og nú
er fullyrt að gráu
hárunum hafi
fjölgað talsvert á
þeim 45 dögum
sem hann hefur
setið í embætti.
Rakari í Chicago,
Zariff að nafni,
staðfestir orð-
róminn en hann hefur klippt
Obama undanfarin 17 ár. „Ég held
ekki að við ættum að hafa allt of
miklar áhyggjur. Þetta hefur ekki
haft áhrif á frammistöðu hans í
körfunni,“ segir Zariff. Sumir velta
fyrir sér hvort liðsmenn Obama ýta
undir þessa hárumræðu til að fólk
átti sig á því hve hart forsetinn
leggur að sér í embættinu.
kjon@mbl.is
Barack Obama
Gránandi
Obama?
Eftir Boga Þór Arason
bogi@mbl.is
UM 651.000 manns misstu atvinn-
una í Bandaríkjunum í febrúar og
8,1% vinnufærra landsmanna eru án
atvinnu. Þetta er mesta atvinnuleysi
í landinu í 25 ár.
Vinnumálaráðuneyti Bandaríkj-
anna birti einnig tölur sem benda til
þess að atvinnuleysið hafi aukist
meira í janúar og febrúar en gert
hafði verið ráð fyrir. Áætlað er nú að
655.000 manns hafi misst atvinnuna í
janúar. Enn fleiri, eða 681.000
manns, misstu atvinnuna í desember
og er það mesta fækkun starfa á ein-
um mánuði í Bandaríkjunum frá
október 1949.
Febrúar er fjórði mánuðurinn í
röð þar sem meira en hálf milljón
starfa tapaðist. Embættismenn í
Washington segja að alls hafi 4,4
milljónir starfa tapast frá því að
efnahagssamdrátturinn hófst í des-
ember 2007, þar af um 2,6 milljónir á
síðustu fjórum mánuðum.
Vonarglæta í myrkrinu
Hagfræðingar spá því að atvinnu-
leysið haldi áfram að aukast út þetta
ár og í byrjun næsta árs. Gert er ráð
fyrir því að 9-10% vinnufærra
Bandaríkjamanna verði án atvinnu
þegar atvinnuleysið tekur að minnka
aftur, að sögn dagblaðsins The New
York Times.
Samkvæmt nýjustu gögnum
vinnumálaráðuneytisins fjölgaði
þeim, sem vilja fullt starf en þurfa að
sætta sig við hlutastarf, um 787.000 í
febrúar í alls 8,6 milljónir.
Nýju tölurnar endurspegla þá
miklu erfiðleika sem stjórn Baracks
Obama forseta þarf að takast á við
næstu misserin. „Þetta er ljótt og
virðist alltaf verða ljótara með
hverjum mánuðinum sem líður,“
hafði fréttastofan AFP eftir Robert
MacIntosh, aðalhagfræðingi fjár-
festingarfyrirtækisins Eaton Vance.
„Þetta er djúp og dimm kreppa.“
Hagfræðingar eygðu þó vonar-
glætu í myrkrinu og bentu á að færri
misstu vinnuna í febrúar en í janúar
og desember. Bandaríski hagfræð-
ingurinn Cary Leahey sagði að
nokkrir hagfræðingar hefðu óttast
að allt að milljón manna hefði misst
atvinnuna í febrúar. Hann bætti við
að ástæða væri til að ætla að efna-
hagurinn færi að rétta úr kútnum
eftir þrjá til sex mánuði þegar áhrifa
skattalækkana og fleiri efnahags-
aðgerða stjórnarinnar færi að gæta.
Mesta atvinnuleysi í 25 ár
Rúm 8% vinnufærra Bandaríkjamanna atvinnulaus og
búist er við að atvinnuleysið aukist í allt að 10% á næsta ári
Reuters
Sorg Atvinnulaus kona grætur á
skrifstofu vinnumálaráðuneytisins.
Reuters
Hjónadans Tsvangirai dansar við
konu sína á samkomu í september.
Slys eða
tilræði?
MORGAN Tsvangirai, nýr forsætis-
ráðherra Simbabve, var fluttur á
sjúkrahús í gær eftir árekstur sem
varð eiginkonu hans að bana.
Hjónin voru í jeppa á leiðinni til
heimabæjar síns í Buhera-héraði
þegar þau lentu í árekstri við flutn-
ingabíl. „Ökumaður flutningabíls-
ins virtist hafa verið sofandi,“ var
haft eftir ráðherra í flokki Tsvang-
irais. Hermt var að ástand forsætis-
ráðherrans væri stöðugt.
Robert Mugabe, forseti Sim-
babve, og eiginkona hans fóru á
sjúkrahúsið en ræddu ekki við fjöl-
miðlamenn. Tsvangirai hefur oft
verið handtekinn fyrir andóf gegn
Mugabe og sætt pyntingum í fang-
elsi. Tsvangirai hefur haldið því
fram að yfirvöld hafi fjórum sinn-
um reynt að ráða hann af dögum.
Fái stuðningsmenn hans grunsemd-
ir um að áreksturinn hafi verið
banatilræði en ekki slys gæti það
haft alvarlegar afleiðingar fyrir
þjóðstjórn landsins. bogi@mbl.is
TALÍBANAR og ýmsir stuðnings-
hópar þeirra í nokkrum landa-
mærahéruðum í vestanverðu Pak-
istan, Swat-dalnum, hafa samið við
stjórnvöld um að binda enda á bar-
daga við pakistanska stjórn-
arhermenn. Í staðinn fá þeir að inn-
leiða stranga túlkun á hinum fornu
lögum íslams, sharia, á svæðinu.
Margir íbúanna eru að sögn
skelfingu lostnir yfir þessari mála-
miðlun. Mannréttindi eru fótum
troðin og konur verða nú að sætta
sig við enn meiri kúgun en endra-
nær eins og reyndin var í Afganist-
an þegar talíbanar réðu þar ríkjum.
Eitt af því sem hefur verið bannað
er popptónlist, pakistönsk sem er-
lend og vestrænar kvikmyndir.
Eina tónlistin sem nú er leyfð er
trúarlegs eðlis. kjon@mbl.is
Banna alla
popptónlist
LEILA Deen, liðsmaður umhverfisvernd-
arsamtakanna Plane Stupid, virðir fyrir sér
fórnarlambið, Peter Mandelson, viðskiptaráð-
herra Bretlands, í gær. Hún skvetti þykkri,
grænlitaðri sósu á ráðherrann í London þegar
hann var á leið á ráðstefnu um vistvæna orkuöfl-
un og samdrátt í losun koldoxíðs. Deen, sem er
29 ára, gekk óáreitt á brott að loknu verkinu.
Hún segir samtök sín berjast gegn stækkun
Heathrow-flugvallar en ríkisstjórnin samþykkti
nýlega að bætt yrði við flugbraut. Mandelson
væri að reyna að veiða atkvæði út á uppgerð-
arbaráttu gegn loftslagsbreytingum, sagði
Deen, ekkert væri grænt við hann nema „slímið
sem rennur um æðar hans“.
Mandelson viðskiptaráðherra sakaður um óheilindi í umhverfismálum
Reuters
Ataður eiturgrænni sósu
Eftir Kristján Jónsson
kjon@mbl.is
UPPLÝSINGAR eru mikil verð-
mæti og nú getur svo farið að yfir 40
fyrirtæki í Bretlandi verði ákærð
fyrir að kaupa leynilegar upplýsing-
ar um mörg þúsund manns. Fyrir-
tækin vildu grennslast fyrir um al-
menna hegðun fólksins og þátttöku
þess í stéttarfélagsstörfum áður en
þau réðu það í vinnu, að sögn The
Guardian.
Eftirlitsmaður upplýsingamála,
Richard Thomas, hefur gefið í skyn
að þekkt fyrirtæki á borð við Balfour
Beatty, Laing O’Rourke og fleiri hafi
í mörg ár keypt upplýsingar af þessu
tagi. Thomas hefur þegar ákveðið að
láta loka skrifstofu einkaspæjara,
Ians Kerrs, sem hefur sérhæft sig í
að safna með leynd upplýsingum um
3.000 manns og ná sum gögnin aftur
til níunda áratugarins.
Thomas telur að umsækjendum
hafi stundum með ósanngjörnum
hætti verið neitað um vinnu vegna
þess að þeir höfðu engan möguleika
á að andmæla villum í gögnunum
vegna leyndarhjúpsins.
Vilja banna fyrirtækj-
um að nota svarta lista
Þúsundum Breta neitað um vinnu vegna verkalýðsbaráttu
Í HNOTSKURN
»Thomas segir að við sumahafi verið merkt „komm-
únistaflokkurinn“ og aðra
„latur vandræðaseggur“.
»Um er að ræða brot á lög-um um persónuvernd, að
sögn embættismanna. Fyr-
irtækin hafa statt og stöðugt
neitað að þau notuðu gagna-
bankana sem nú hafa fundist.
HARÐUR jarðskjálfti, 6,5 stig á
Richterkvarða, varð á hafsbotni á
milli Svalbarða og Grænlands í
gærmorgun. Er þetta stærsti
skjálfti sem mælst hefur á svæðinu,
að sögn Aftenposten.
Jarðskjálftinn olli engum
skemmdum enda upptökin langt frá
landi. Kuvvet Atakan, prófessor í
jarðeðlisfræði við háskólann í Berg-
en, sagði að ekki ætti að vera hætta
á að skjálftinn kæmi af stað flóð-
bylgju. Um sé að ræða láréttar
hreyfingar jarðflekanna sem valdi
að jafnaði engum flóðbylgjum.
Mikill skjálfti, sex stig, varð á
svæðinu fyrir rúmu ári. Atakan
segir að hræringarnar séu afleiðing
þróunar sem hafi byrjað fyrir 25
milljónum ára. Athyglisvert sé að
svo stutt skuli vera á milli skjálft-
anna sem sýni að mikið sé að gerast
í jarðlögunum. kjon@mbl.is
Skjálftar
í Íshafinu