Morgunblaðið - 15.05.2009, Side 19

Fréttir 19ERLENT
MORGUNBLAÐIÐ FÖSTUDAGUR 15. MAÍ 2009
Eftir Baldur Arnarson
baldura@mbl.is
BRESKI þingmaðurinn Andrew MacKay,
einn ráðgjafa Davids Cameron, leiðtoga
Íhaldsmanna, sagði af sér þingmennsku í gær
eftir að upp komst um rausnarlegar fríðinda-
greiðslur til handa honum og eiginkonu hans.
MacKay varð þar með fyrsti þingmaðurinn
til að segja af sér í kjölfar uppljóstrana dag-
blaðsins The Daily Telegraph um það hve
þingmenn hafa verið iðnir við að mjólka kerfi
sem til einföldunar má segja að sé ætlað að
hlaupa undir bagga með þingmönnum vegna
kostnaðar við reksturs annars heimilis þeirra.
MacKay og kona hans, þingkonan Julie
Kirkbride, færðu sér kerfið í nyt svo um mun-
ar. Þannig sendu þau ríkinu reikning upp á
2,3 milljónir króna vegna afborgana af íbúð í
Lundúnum sem skráð var á hana og litlu
hærri upphæð vegna afborgana af fasteign í
bænum Redditch sem skráð var á MacKay.
Þá létu hjónin skattgreiðendur greiða háar
upphæðir fyrir ýmsa þjónustu og má nefna að
á árinu 2007 lét Kirkbride ríkið endurgreiða
sér um 416.000 krónur vegna ræstingarþjón-
ustu. Staða hennar er þó talin betri þar sem
fasteignin í Redditch er í kjördæmi hennar.
Á sama tíma var Elliot Morley, þingmanni
Verkamannaflokksins og fyrrverandi ráð-
herra, vikið úr þingflokknum eftir að í ljós
kom að hann lét ríkið endurgreiða sér um 3,2
milljónir króna vegna fasteignaláns sem hann
var þegar búinn að greiða niður.
Morley, sem var m.a. sjávarútvegsráðherra
á árunum 1997 til 2003, tók við slíkum
greiðslum í 18 mánuði eftir að lánið var
greitt, háttsemi sem gæti varðað við almenn
hegningarlög. Hann gæti því átt dóm yfir
höfði sér, ekki síst í ljósi þeirra ummæla
ónafngreinds innanbúðarmanns í Verka-
mannaflokknum að lögreglu bæri að rannsaka
öll tilvik þar sem grunur léki á vísvitandi mis-
notkun kerfisins.
Ráðgjafi Davids Cameron látinn taka pokann sinn
Andrew MacKay Elliot Morley
Látnir fjúka fyrir fríðindahneyksli
Santiago. AFP. | Bráðnun íss á vestur-
hluta suðurskautsins gæti ef fram
heldur sem horfir leitt til hækkunar
á sjávarmáli um sem nemur allt að
3,2 metrum en ekki 5 til 7 metrum-
líkt og talið var, að því er fram kem-
ur í nýrri rannsókn breskra og hol-
lenskra vísindamanna.
Greint er frá rannsókninni í vís-
indaritinu Science og er stuðst við
nýjar aðferðir í mælingum á rúm-
máli íshellunnar sem inniheldur um
nífalt meiri ís en Grænlandsjökull.
Þrátt fyrir þessa niðurstöðu telja
höfundarnir hækkun um sem svarar
einum metra nægjanlega til að hafa
áhrif á segulsvið jarðar á suðurhveli.
Þau áhrif eru talin kunna að hafa
þær afleiðingar að snúningur jarðar
um möndul sinn raskist sem aftur
leiði til þess að sjávarmál hækki
meira á norður- en suðurhvelinu,
einna mest við austur- og vestur-
strönd Bandaríkjanna.
Gæti flotið á brott
Höfundarnir telja vesturhluta
suðurskautsins sérstakt áhyggjuefni
þar sem sá hluti íshellunnar sem
ekki er jarðfastur gæti mögulega
brotnað af meginísnum og flotið á
brott. Óvissa er um hversu hratt
þetta gæti gerst en ef bráðnunin
verður stöðug í 500 ár er það talið
mundu leiða til hækkunar sjávar-
máls um sem nemur 6,5 millimetrum
á ári, eða um hálfum metra á manns-
aldri, sé miðað við um 77 ára meðal-
aldur. Á einni öld jafngildir hækk-
unin samtals 65 sentimetrum.
Áhrifin ofmetin
Bráðnun á suðurskautinu veldur minni
hækkun sjávarmáls en talið var
ÞETTA kóralrif við Indónesíu er meðal þeirra, sem ótt-
ast er að deyi vegna mengunar, loftslagsbreytinga og
hærra sjávarborðs. Vistkerfi sjávar er hvergi auðugara
en á kóralrifjunum og hverfi þau munu að minnsta
kosti 100 milljónir manna missa allt sitt lífsviðurværi.
Kom það fram á ráðstefnu um heimshöfin í Indónesíu.
AP
Óttast um afdrif kóralrifjanna
Í MUMBAI á Indlandi hefur heimili
einnar barnastjörnunnar í ósk-
arsverðlaunamyndinni „Slumdog
Millionaire“ verið lagt í rúst. Voru
það borgaryfirvöld, sem fyrir því
stóðu, og segir í indverskum fjöl-
miðlum, að lögreglan hafi barið
drenginn, Azharuddin Mohammed
Ismail, með bambusstaf er hann var
rekinn út.
Á myndinni er Azharuddin, sem
lék „Salim“ í myndinni, í rústum
heimilis síns en yfirvöld segja, að
fjölskylda hans og aðrar fjölskyldur
hafi í óleyfi hrófað upp kofum á
landi í eigu borgarinnar.
„Nú eigum við hvergi heima,“
sagði Azharuddin en hann var í
fastasvefni er borgarstarfsmenn
komu og skipuðu fólkinu að koma
sér burt. Sögðu þeir, að á þessum
stað ætti að koma upp almennings-
garði.
Shamim Ismail, móðir Azharudd-
ins, sagðist ekki vita hvað tæki við
hjá sér og börnunum. Borgaryf-
irvöld hefðu svikið loforð um að-
stoð og framleiðendur mynd-
arinnar, „Slumdog Millionaire“,
hefðu líka svikið öll sín heit. Tekjur
af myndinni eru til þessa meira en
200 millj. dollara. svs@mbl.is
Reuters
Heimili barnastjörnunnar
í „Slumdog“ rifið niður
NORSKIR ásatrúarmenn fögnuðu því í gær, að þá var
þeim úthlutað landi undir grafreit í Ósló. Verður það
hluti af einum grafreita borgarinnar.
Stine Helen Robertson, talsmaður Bifrastar, félags
ásatrúarmanna, sagði, að félagið hefði í nokkurn tíma
gefið fólk saman að fornum sið og mikilvægt hefði verið
að fá líka sérstakan grafreit. Í honum á að gera úr grjóti
skipslíki og koma fyrir í því ösku látinna ásatrúarmanna.
Við útfarirnar verður lesið upp úr Hávamálum „og síðan
munum við drekka minni hins látna í góðum miði“, sagði
Robertson. svs@mbl.is
Fá sérstakan grafreit
Þór er enn blótaður
í Noregi.
Dagskrá:
09:45 Setning: Dr. Svafa Grönfeldt, rektor Háskólans í Reykjavík
10:00 Luis Moreno-Ocampo, saksóknari Alþjóðasakadómstólsins
The International Criminal Court and National Proceedings: The
Impact of Positive Complementarity.
10:30 Málstofa 1: Impact of international Criminal Courts on Prosecutions at
the National Level.
Fundarstjóri: Ruth Mackenzie, framkvæmdastjóri Centre for International
Courts and Tribunals, University College London.
Framsöguerindi:
Shireen Avis Fisher, dómari við áfrýjunardeild alþjóðadómstólsins í Sierra
Leone:
Internationalized National Courts: Addressing the Challenge of Complementarity
Yuval Shany, prófessor og framkvæmdastjóri Minerva Center for Human
Rights, Hebrew University:
Attaining the Goals of International Criminal Justice Through National Courts.
12:00 Málstofa 2: Prosecuting Serious International Crimes Committed Abroad.
Fundarstjóri: Andre Nollkaemper, prófessor og framkvæmdastjóri Amsterdam
Center for International Law, University of Amsterdam.
Framsöguerindi:
Þórdís Ingadóttir, dósent við Háskólann í Reykjavík og framkvæmdastjóri
DOMAC:
States’ Obligations to Prosecute Serious International Crimes: The Relevance for
Iceland.
Harmen van der Wilt, prófessor við University of Amsterdam:
Equal Standards? On the Dialectics Between National Jurisdictions and the
International Criminal Court.
Fundurinn er haldinn í Verzlunarskóla Íslands (Rauða salnum).
Aðgangur ókeypis og öllum opinn. Málþingið fer fram á ensku.
Frekari upplýsingar má finna á vef DOMAC; www.domac.is
Lagadeild Háskólans í Reykjavík, DOMAC og Landsnefnd um
mannúðarrétt standa fyrir málþingi laugardaginn 16. maí kl. 09:45-13:00.
FRAMFYLGD ALÞJÓÐALAGA ER VARÐA GRÓF
MANNRÉTTINDABROT OG MANNÚÐARLÖG:
SAMSPIL ALÞJÓÐADÓMSTÓLA OG LANDSRÉTTAR
Heiðursgestur málþingsins er Luis Moreno-Ocampo, saksóknari Alþjóðasakadómstólsins
LAGADEILD
HÁSKÓLANS Í REYKJAVÍK