Morgunblaðið - 28.05.2009, Page 12

12 FréttirINNLENT
MORGUNBLAÐIÐ FIMMTUDAGUR 28. MAÍ 2009
MÚLALUNDUR, vinnustofa SÍBS,
er 50 ára og af því tilefni verður op-
ið hús í vinnustofunni að Hátúni
10C, í dag kl. 14-16. Nýjasta fram-
leiðslulína Múlalundar verður
kynnt auk þess sem boðið verður
upp á veitingar.
Helgi Kristófersson, fram-
kvæmdastjóri Múlalundar, býður
gesti velkomna. Sérstakur gestur
verður forseti Íslands, Ólafur
Ragnar Grímsson, auk Katrínar
Júlíusdóttur iðnaðarráðherra og
Árna Páls Árnasonar félagsmála-
ráðherra.
Morgunblaðið/Árni Sæberg
Múlalundur 50 ára
LÖGREGLAN á
höfuðborg-
arsvæðinu fann
við húsleit í
Kópavogi á
þriðjudag rúm-
lega 4 kg af
marijúana og
tæplega 3 kg af
hassi. Einnig var
lagt hald á fé sem grunur leikur á
að séu tilkomið vegna fíkniefna-
sölu. Tveir karlar á þrítugsaldri
voru handteknir. Aðgerðin er liður
í að hamla gegn sölu og dreifingu
fíkniefna en sem fyrr minnir lög-
reglan á fíkniefnasímann 800-5005.
Stöðvuðu
kannabisræktun
STÚDENTARÁÐ Háskóla Íslands
harmar áform Strætó bs. um nið-
urfellingu gjaldfrjálsra strætóferða
fyrir námsmenn. Ráðið tekur undir
með stjórnarformanni Strætó og
kallar eftir því að ríkið styðji við
rekstur félagsins. Ráðið minnir á að
langtímamarkmið gjaldfrjálsra
strætóferða er minni umferð einka-
bíla, aukin umhverfisvernd og auk-
inn sparnaður fyrir stúdenta og
samfélagið í heild.
Ókeypis strætó
ÞANN 1.-18. júní nk. verður sýning
í Listahorninu í Árbæjarsafni undir
heitinu „Ísland um hálsinn“. Að
sýningunni standa þær Ólöf Ein-
arsdóttir textíllistamaður og Sig-
rún Einarsdóttir glerhönnuður. Á
sýningunni getur að líta hálsmen úr
íslenskum efniviði, til dæmis grjóti
og hrosshári, en einnig gleri,
tvinna, silfri, hraunsteinum og
grjóti.
Íslensk hálsmen
NOKKRAR stúlkur í 7. bekk Landakotsskóla tóku sig nýverið til og út-
bjuggu bækling um þá hættu sem stafar af reykingum. Þær dreifðu síðan
bæklingnum á Laugaveginum samhliða því að selja bakkelsi. Framtakið
var hluti af verkefninu „Reyklaus bekkur“. Samtals söfnuðust 11.000 krón-
ur í sölunni og ákváðu stúlkunar að gefa féð til Krabbameinsfélags Íslands.
Reyna að stöðva reykingar
STUTT
Eftir Bergþóru Njálu
Guðmundsdóttur
ben@mbl.is
LEIKSKÓLARÁÐ samþykkti í gær
hækkun á gjöldum fyrir leikskólavist
umfram átta klukkustundir um allt
að 63,3%, eða tæpar 15 þúsund krón-
ur. Gert er ráð fyrir að hækkunin taki
gildi 1. ágúst næstkomandi en gjald
fyrir vistun í átta tíma eða skemur
verður óbreytt.
Hingað til hafa leikskólagjöld verið
niðurgreidd um 87-95% að sögn Þor-
bjargar Helgu Vigfúsdóttur, for-
manns leikskólaráðs. Með breyting-
unni verði kostnaðarþátttaka
foreldra hins vegar á bilinu 21-50%
fyrsta hálftímann eftir átta stundir og
41-100% fyrir síðasta klukkutímann,
þ.e. þegar vistunin er 8,5-9,5 klukku-
stundir. Þetta þýðir að leikskólagjöld
fyrir 9,5 tíma vistun hækka í heildina
um 14.794 kr. hjá foreldrum í sam-
búð, eða 63,3%.
Þorbjörg segir greiningu sýna að
foreldrar nýti ekki allan þann tíma
sem þeir kaupi fyrir börn sín en innan
við 200 börn séu með 9,5 tíma vistun.
En er forsvaranlegt að leggja á þá
sem þurfa á lengri vistun að halda yf-
ir 60% hækkun leikskólagjalda, þeg-
ar verðbólgan mælist 11,6% og ár-
ferðið er jafn slæmt og raun ber vitni?
„Það er forsvaranlegt á þeim for-
sendum að þetta sé ekki grunnþjón-
usta sem sveitarfélagið og skattgreið-
endur þurfa að veita því grunn-
þjónusta í leikskóla er átta stundir,“
svarar Þorbjörg. „Í staðinn fyrir að
hækka hlutdeild allra foreldra finnst
okkur sanngjarnara að leggja það á
þá sem þurfa á viðbótarþjónustunni
að halda, af því að við teljum að það sé
svigrúm í kerfinu til að nýta það bet-
ur. Að sjálfsögðu munum við mæta
foreldrum sem eru mjög illa staddir,
velferðarsvið hjálpar þeim. Og ef
raunveruleg þörf er á þessu hjá ein-
hverjum munum við að sjálfsögðu
skoða það.“
Í samþykktinni er einnig gert ráð
fyrir að niðurgreiðslur til einkarek-
inna leikskóla og dagmæðra lækki til
samræmis við þetta, þannig að hlut-
deild foreldra í kostnaði síðustu dag-
vistunarstundanna aukist.
Þorbjörg segir aðspurð að áfram
verði fjögurra tíma gjaldfrjáls leik-
skóli fyrir elstu börnin og að ekki sé
áætluð hækkun annars staðar í kerf-
inu, s.s. á frístundaheimilum.
Gert er ráð fyrir að hagræðing af
aðgerðunum verði á bilinu 220-230
milljónir á ári, að því er segir í grein-
argerð með samþykktinni.
Segir að lengri vistun
sé ekki grunnþjónusta
 Leikskólagjöld borgarinnar hækka um
allt að 63,3% þegar vistun fer yfir 8 klst.
Morgunblaðið/Eggert
Mótmæli Sigrún Erla Sigurðardóttir, með barn í fangi, mótmælti ákvörðun Leikskólaráðs við Miðbæjarskólann er fundur ráðsins var haldinn þar.
„Ég varð mjög reið þegar ég sá
að borgin ætlaði að byrja á því
að ganga á barnafólkið, sem við
vitum að er skuldsettast,“ segir
Sigrún Erla Sigurðardóttir,
tveggja barna móðir, sem efndi
til mótmæla í gær fyrir utan
Miðbæjarskólann þar sem fundur
leikskólaráðs fór fram. „Ég hef
þurft að hafa barnið mitt lengur
en átta tíma á dag í leikskóla til
að halda vinnunni. Það er ekkert
minna í boði en átta tíma vinnu-
dagur og það tekur 20 mínútur
að aka milli vinnu og leikskóla.“
Hún segir að varla muni nokk-
ur maður nýta sér lengri vistun
með þessu. „Þetta verður bara
til þess að ég þarf að biðja
þriðja aðila að sækja son minn
sem þarf þá að fara í pössun á
annan stað. Þetta bitnar því á
börnunum. Mér finnst líka slá-
andi að þeim hafi fjölgað sem
hafa lengri vinnutíma eftir síð-
asta haust sem segir okkur að
fólk þarf að vinna meira til að ná
endum saman. Það er mjög sér-
stakt að fyrstu aðgerðir Reykja-
víkurborgar sem snúa að borg-
urunum felist í því að fara beint
í vasa barnafjölskyldna. “
Bitnar mest á börnunum
Árleg MA hátíð verður haldin í Íþróttahöllinni á
Akureyri þriðjudaginn 16. júní nk.
Miðapantanir til 13. júní - www.bautinn.muna.is - Til sama tíma er einnig
hægt að leggja inn á reikning 0311-13-000672, kt 030564-3919.
Miðar verða afhentir í Höllinni 15. og 16. júní kl. 13.00-17.00
gegn greiðslu eða/greiðslukvittun.
Miðaverð er kr. 8.900 og 5.400 fyrir eins árs stúdenta.
Húsið verður opnað kl. 18.00. Fordrykkur frá 18.00 til 18.45
Hljómsveitin MILLJÓNAMÆRINGARNIR leikur fyrir dansi.
Miðar á dansleik verða seldir við innganginn, eftir kl. 23.30, verð kr. 3.500.
Afmælisárgangar eru hvattir til að fjölmenna. Samkvæmisklæðnaður.
25 ára júbilantar MA - stúdentar 1984 - www.ma1984.blog.is
FJÖLMENNUM
Á MA-HÁTÍÐ



  
    
 
 
 

 

 



 
  

  
    
 
 


 

 
 !"#$% 
&'  $"#(")*