Morgunblaðið - 28.05.2009, Blaðsíða 30

30 MenningFRÉTTIR
MORGUNBLAÐIÐ FIMMTUDAGUR 28. MAÍ 2009
Eftir Helga Snæ Sigurðsson
helgisnaer@mbl.is
TIGER Woods gaf mér þessa
peysu,“ segir Erró ósköp hversdags-
lega á meðan verið er að ljósmynda
hann yfir morgunkaffi á Hótel Borg.
Kylfingurinn þekkir kunningja Errós
og gaf honum peysuna þegar þeir
sátu að snæðingi, var með fullan poka
af Nike-golfpeysum. Erró kann vel
við peysuna þó svo hann leiki ekki
golf.
Í dag kl. 18 verður opnuð sýningin
Mannlýsingar í Hafnarhúsinu. Þar er
lögð áhersla á mannlýsingamyndir
listamannsins af þekktum ein-
staklingum, lífs eða liðnum. Þá verð-
ur einnig opnuð sýning á verkum ís-
lenskra kvenna sem hlotið hafa
viðurkenningu úr sjóði sem Erró
stofnaði og kenndur er við móð-
ursystur hans, Guðmundu S. Krist-
insdóttur. Tíundi verðlaunahafi
sjóðsins verður kynntur á sama tíma
og Erró verður á staðnum. Hann seg-
ist ekki ætla að opna sýninguna held-
ur vera „á bak við safnstjórann“.
Best á Formentera
Það er ómögulegt að telja upp öll
afrek þessa þekktasta myndlistar-
manns Íslendinga, svo margar eru
yfirlitssýningarnar, löndin sem hann
hefur sýnt í, risaverkefnin sem hann
hefur fengist við og sögufrægir lista-
menn sem hann hefur umgengist og
unnið með. Erró býr og starfar í Par-
ís en fer oft til Spánar að vinna, á eyj-
una Formentera. Þar segist hann
vinna langbest, fá mestan frið.
„Ég vakna um sexleytið, fer á
vinnustofuna um sjöleytið, fer heim
um áttaleytið. Dagurinn gengur á tíu
mínútum,“ segir Erró og hlær þegar
hann lýsir dæmigerðum vinnudegi
hjá sér í París. Hann vilji vinna einn
en verði þó að hafa aðstoðarmenn
þegar setja eigi upp stóra ker-
amikveggi. Það er alltaf nóg að gera,
margar sýningar á döfinni og verk-
pantanir sem þarf að sinna.
Forvinnan skemmtileg
„Við erum að gera stóran vegg fyr-
ir utan París, í háskóla, 40 metra
langan og fimm metra háan. Hann
verður um málshætti,“ segir Erró
þegar hann er beðinn um dæmi um
verkefni sem liggja fyrir. Hann muni
taka á umfjöllunarefninu með sínum
kunnuglega evrópopplistarstíl. Þar
ægir öllu saman, teiknimynda- og
sögupersónur koma saman í kraft-
miklum klippimyndastíl.
Forvinnuna, klippimyndirnar,
vinnur Erró á Spáni. Þar hefur hann
sankað að sér efni og reynir að finna
myndasyrpur en í þeim geta verið allt
að 100 myndir. „Þetta er skemmtileg-
asta vinnan að vissu leyti, þetta eru
orginalarnir svo málverkin verða
bara kópíur. Það breytist svo mikið
þegar þetta kemst upp á léreft.“ Mál-
verkin stóru málar Erró hins vegar á
vinnustofu sinni í París.
Þú hlýtur að vera mikill aðdáandi
teiknimyndasagna?
„Ég les aldrei þessar bækur,“ seg-
ir Erró og hlær, bendir svo á að í
Bandaríkjunum séu seldar 250 þús-
und teiknimyndabækur á dag. „Það
er lygilegt,“ segir hann brosandi.
Ég á stundum dálítið erfitt með að
átta mig á tengingum í verkunum
þínum. Ég var t.d. að skoða málverk
þar sem Maó formaður og Marilyn
Monroe koma saman. Hvernig tengj-
ast þau?
„Þetta er hér um bil tilviljun, eins
og í draumi hjá mér. Þegar ég vinn
klippimyndirnar og set saman mis-
munandi myndir þá veit ég ekki hvað
ég er að gera að vissu leyti. Svo skoða
ég það í enda dagsins og næsta dags
kannski og stundum nokkrum árum
seinna. Ég tek upp gamlar klippi-
myndir og finn að þetta er nothæft,
myndi passa með öðru.“
Ég ímynda mér að þú hrökkvir í
gang að morgni, sért á fullu að vinna
allan daginn og vitir svo ekki alveg
hvað gerðist þegar vinnudegi lýkur.
Er það rétt?
„Alveg rétt, mhm,“ svarar Erró í
miðjum kaffisopa.
Gaman að vinna með börnum
Verk Erró virðast höfða til ís-
lenskra barna og unglinga, enda
teiknimyndaleg í grunninn. Erró er
mjög ánægður með þær vinsældir
enda hefur hann m.a. unnið að list-
sköpun með skólabörnum á eyjunni
Réunion-eyju í Indlandshafi. Af-
rakstur þess samstarfs er verkið „Mil
masques“ sem hann setti upp á eyj-
unni.
Þú hefur ekki hugsað þér að gera
eitthvað svipað á Íslandi?
„Það væri nú gaman, að sjá hvað
skeður. Ég verð að tala við Hafþór
(Yngvason, safnstjóra Listasafns
Reykjavíkur, innsk.blm.), þetta er
góð hugmynd. Verðum bara að setja
það af stað,“ segir Erró og er greini-
lega áhugasamur. „Er ekki best að
fara í skólana?“ spyr hann svo blaða-
mann sem segir það hljóma vel.
Að lokum, sérðu eftir einhverju á
listferlinum?
„Ég held ekki, ég hef verið mjög
heppinn. Með vinnu, með konur og
með líf. Með allt saman,“ segir Erró
og sér ekki eftir neinu.
Les ekki myndasögur
Morgunblaðið/Eggert
Erró Í golfpeysunni góðu frá Tiger Woods, í kaffi á Hótel Borg. Hann segist hafa verið mjög heppinn.
 Myndlistarmaðurinn Erró verður viðstaddur opnun á sýningunni Myndlýs-
ingar í Hafnarhúsi í dag  Hefur áhuga á því að vinna með íslenskum börnum
LEIÐSÖGN um sýningar Jón-
ínu Guðnadóttur og Guðnýjar
Guðmundsdóttur verður kl. 18
í dag í Hafnarborg. Þar er
tveimur kynslóðum listamanna
teflt saman en hvor um sig er
mótuð af sterkum tíðaranda og
aðstæðum sem hafa áhrif á fer-
il þeirra og sköpun. Í frétt frá
Hafnarborg segir að í verkum
kvennanna mæti jarðbundinn
og efnislegur heimur leirs og
lands, huglægum og fíngerðum heimi þar sem
form og frásögn eru fléttuð saman í sterka heild.
Sýningarnar tvær eru samtal tveggja kynslóða
sem mótaðar eru af ólíkum aðstæðum.
Myndlist
Leiðsögn um sýn-
ingar í Hafnarborg
Guðný við eitt
verka sinna.
LEIKRITIÐ Mistero
Buffo með Ramesh
Meyyappan verður sýnt á
döff-leiklistarhátíðinni
Draumum 2009 í kvöld kl.
20 í Kassanum, Þjóðleik-
húsinu. Í frétt frá hátíðinni
segir að með sinni einstöku
kómísku og sjónrænu frá-
sagnarlist færi Ramesh
Meyyappan áhorfandanum sjónræna leikgerð af
hinni dularfullu gamansömu sögu Dario Fo. Í leik-
gerðinni er drykkjumaðurinn hinn venjulegi mað-
ur sem dæmdur er af sjálfumglöðum engli fyrir
það eitt að vilja njóta lífsins. Meyyappan er sjálfur
leikari, leikstjóri og höfundur leikgerðar.
Leiklist
Döffaður Dario Fo
í Þjóðleikhúsinu
Ramesh Meyyappan
EDDAN: The Invicible Sword
of the Elf Smith verður frum-
flutt í Norræna húsinu í kvöld
kl. 19.30, og er þar um heims-
frumflutning að ræða. Höf-
undur er Mats Wendt. Verkið
verður flutt í gegnum tölvur og
geta gestir valið hvaða þætti
þeir vilja hlusta á sem kemur
sér vel því verkið er 16 klukku-
tímar í heild sinni og hefur
Mats unnið að smíði þess í 9 ár.
Steindór Andersen kveður úr Hrafnagaldri Óð-
ins og Bjarki Sveinbjörnsson ræðir við tónskáldið
um tilurð verksins. Hægt er að hlusta á verkið í
allt sumar í skálanum, austan megin við húsið.
Tónlist
Ósýnilega sverðið
í Norræna húsinu
Steindór Andersen
Eftir Bergþóru Jónsdóttur
begga@mbl.is
EINHVERN tíma var það haft
eftir Gennadí Rosdestvenskí,
hljómsveitarstjóranum rússneska,
að sinfóníuhljómsveitir væru
betri eftir því sem norðar drægi
á hnettinum. Með fylgdi, að þess
vegna langaði hann að koma til
Reykjavíkur til að stjórna Sinfón-
íuhljómsveit Íslands.
Skömmu síðar var ákveðið að
hann kæmi hingað vorið 1996 til
að stjórna hljómsveitinni, en
þessi stórstjarna meðal rúss-
neskra hljómsveitarstjóra forfall-
aðist, og ekkert varð úr komu
hans.
En nú er tækifærið langþráða
upp runnið, því Rosdestvenskí
stjórnar Sinfóníuhljómsveitinni á
tónleikum á vegum Listahátíðar í
Háskólabíói í kvöld kl. 19.30.
Vinur Sjostakovits
Rosdestvenskí
hefur lengi verið
stórt nafn meðal
hljómsveit-
arstjóra heims-
ins, og óhemju
atorkusamur.
Hann var aðeins
tvítugur þegar
hann stjórnaði
Hnotubrjót
Tsjaíkovskís í
Bolshoi-leikhúsinu, höfuðvígi óp-
erutónlistarinnar í Rússlandi, en í
Bolshoi átti hann síðar meir eftir
að verða allsráðandi sem listrænn
stjórnandi.
Rosdestvenskí man tímana
tvenna í Rússlandi. Hann var ná-
inn samstarfsmaður Prokofijevs
og Sjostakovits og þeir tileinkuðu
honum verk sín í virðingarskyni
við ótvíræðar gáfur hans.
Rosdestvenskí heiðrar minn-
ingu vinar síns Sjostakovits á
tónleikunum í kvöld, þar sem
hann stjórnar Leningrad-
sinfóníunni, sem var samin á
þeim miklu hörmungartímum
þegar Þjóðverjar sátu um borg-
ina í 900 daga og um milljón
manns lét lífið úr hungri og
kulda.
Rosdestvenskí er ekki einn á
ferð, því eiginkona hans, Viktoria
Postnikova, sjálf heimsþekktur
píanóleikari, verður í einleiks-
hlutverkinu í seinna verkinu á
tónleikunum, hinum ægifagra pí-
anókonsert í c-moll eftir Mozart.
Norðlægar
hljómsveitir
eru betri
Gennadí Rosdest-
venskí stjórnar
Sinfóníunni í kvöld
Rosdestvenskí Þykir sérvitur og
stjórnar ekki frá palli en gengur um.
Viktoría
Postnikova
Hún er lágstemmd-
ari einhvern veg-
inn, … kannski aðeins
súrari 32
»
Listfræðingurinn Danielle Kvaran
er sýningarstjóri sýningarinnar
Mannlýsingar og ritstjóri nýrrar
bókar sem kemur brátt út í
tengslum við hana. Sýningin er af-
mælissýning, haldin í tilefni af því
að 20 ár eru liðin frá því að Erró gaf
Reykjavíkurborg mikilvægt safn
verka sinna og skjala.
Í inngangi bókarinnar lýsir Dani-
elle mannlýsingum Errós m.a.
þannig: „Mannlýsingar Errós
sprengja ramma allra skilgreininga
og uppröðunar. Þær eru mismun-
andi stórar, ólíkar að myndskrift,
tóni og byggingu, þær gera ýmist
að upphefja persónu fyrirmynd-
arinnar eða gagnrýna, ellegar nálg-
ast þær viðfangsefnið á hlutlausan
hátt, nánast eins og heim-
ildamyndir, stundum hins vegar
með pólitískari hætti og beita þá ír-
óníu, skopstælingu, satíru og
myndskáldskap. Portrettmyndirnar
geta ýmist verið byggðar á tveimur,
þremur, fjórum aðalmyndum eða
myndbrotum eða miklu fleiri og
þessar myndir geta verið í sama stíl
eða alls ekki. En þær eiga það sam-
eiginlegt, að endurskrifa sögur,
bæði einstaklinga og samfélags-
legar sögur með því að nota myndir
sem eru þegar til en setja þær í nýtt
samhengi.“
Sýningin verður í tveimur sölum
Hafnarhússins.
Sprengja ramma allra skilgreininga
Wagner Ein af myndlýsingum
Errós, frá árinu 1974.
Frekari upplýsingar á:
www.listasafnreykjavikur.is