Morgunblaðið - 15.06.2009, Side 2

2 FréttirINNLENT
MORGUNBLAÐIÐ MÁNUDAGUR 15. JÚNÍ 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
FRÉTTASKÝRING
Eftir Helga Bjarnason
helgi@mbl.is
ÓÁNÆGJA er meðal sjálfstæðismanna í
Kópavogi með að Gunnar I. Birgisson stígi til
hliðar sem bæjarstjóri. Málið er enn í deigl-
unni og ekki vitað hvað lagt verður til á full-
trúaráðsfundi um málið í kvöld.
Gunnar I. Birgisson, bæjarstjóri og oddviti
sjálfstæðismanna í bæjarstjórn Kópavogs,
bauðst í síðustu viku til að láta af starfi bæj-
arstjóra ef það gæti orðið til þess að greiða
fyrir því að framhald yrði á meirihluta-
samstarfi Sjálfstæðisflokks og Framsóknar-
flokks. Kröfur höfðu komið fram innan raða
Framsóknarflokksins um að ekki væri rétt að
halda þessu samstarfi áfram, sérstaklega eftir
að fram komu upplýsingar um viðskipti Kópa-
vogsbæjar við fyrirtækið Frjálsa miðlun sem
er í eigu dóttur Gunnars Birgissonar. Ómar
Stefánsson, bæjarfulltrúi framsóknarmanna,
og Gunnar kynntu hugmyndir um áframhald-
andi samstarf á þessum grunni í sínum röðum
síðastliðið fimmtudagskvöld. Ekki var um ann-
að rætt, eftir því sem næst verður komist, en
að Gunnar yrði áfram bæjarfulltrúi og oddviti
flokksins.
Stuðningsmenn Gunnars eru óánægðir með
þessa þróun mála og hafa komið upp hug-
myndir um að leggja tillögu fyrir fulltrúaráðið
um að skora á Gunnar að hætta ekki.
Niðurstaða ekki fengin
Málið hefur verið rætt á óformlegum fund-
um hjá sjálfstæðismönnum undanfarna daga
og manna í millum. Niðurstaða er ekki fengin.
Gunnar hefur ekki sagt frá því hvernig hann
sjái framhaldið fyrir sér og hann kallaði bæj-
arfulltrúana ekki saman til fundar í gær, eins
og til stóð. Afstaða bæjarstjórnarflokksins til
þess hvort arftaki Gunnars eigi að koma úr
þeirra röðum eða hvort leita eigi annað, liggur
því ekki fyrir.
Líklegt er úr þessu að málið skýrist ekki
fyrr en eftir fund fulltrúaráðsins sem boðaður
hefur verið klukkan átta í kvöld. Þá kynnir
Gunnar væntanlega hugmyndir sínar um
framhaldið.
Fulltrúaráð flokksins hefur endanlegt
ákvörðunarvald um málið.
Ómar Stefánsson vildi ekki svara því í gær-
kvöldi hver yrðu viðbrögð framsóknarmanna
ef sjálfstæðismenn tilnefndu ekki nýjan bæj-
arstjóra.
Gunnar nýtur trausts
Óttar Felix Hauksson, formaður full-
trúaráðsins, telur að Gunnar njóti óskoraðs
stuðnings sjálfstæðismanna í Kópavogi og er
ósáttur við að hann þurfi að víkja að kröfu
framsóknarmanna. Hann segist ekki vita hvort
fulltrúarnir fallist á meirihlutasamstarf á nýj-
um grunni. „Það er verið að reyna að ganga á
milli bols og höfuðs á Sjálfstæðisflokknum og
augjóst að við það er beitt brögðum eineltis.
Gunnar Birgisson er einn af kraftmestu og öfl-
ugustu bæjarstjórum landsins. Ég tel að ekk-
ert komi fram í skýrslu Deloitte sem réttlætir
afsögn hans,“ segir Óttar Felix.
Vilja ekki að Gunnar hætti
 Sjálfstæðismenn í Kópavogi funda um áframhaldandi meirihlutasamstarf með framsóknarmönnum
 Formaður fulltrúaráðsins er ósáttur við að Gunnar Birgisson skuli víkja að kröfu framsóknarmanna
Í HNOTSKURN
»Sjálfstæðismenn og framsóknar-menn hafa stjórnað Kópavogi í sam-
einingu í nítján ár. Gunnar Birgisson
hefur allan þann tíma verið forystumað-
ur sjálfstæðismanna og bæjarstjóri frá
2005.
»Sjálfstæðismenn hafa fimm bæj-arfulltrúa, Gunnar I. Birgisson,
Gunnstein Sigurðsson, Ármann Kr.
Ólafsson, Ásthildi Helgadóttur og Sig-
urrós Þorgrímsdóttur. Ómar Stefánsson
er bæjarfulltrúi framsóknarmanna.
Fulltrúaráð Sjálfstæðisflokksins í Kópa-
vogi tekur allar ákvarðanir um samstarf
við aðra flokka og hvernig því skuli hagað.
Reiknað er með að málin skýrist eftir fund
fulltrúaráðsins í kvöld.
VÍKINGAR prýða Hafnarfjörð um þessar mundir, því nú
stendur yfir elsta víkingahátíð landsins. Henni lýkur ekki fyrr
en 17. júní. Hátíðin hefur verið haldin síðustu 14 ár og mættu
fjölmargir nú og fylgdust með bardögum, kraftajötnum og
amstri víkinganna. „Þetta er hápunktur sumarsins,“ segir
Birna Rut Viðarsdóttir, þjónn á Fjörukránni. Hún bíður
spennt eftir að víkingamarkaðurinn verði opnaður aftur á
þriðjudaginn og hyggst skella sér á dansleik um kvöldið. Má
væntanlega sjá víkinga frá mörgum löndum stíga þar dans.
Margt fólk sótti hátíðina, sérstaklega í gær, sunnudag. Síð-
ustu forvöð að sjá víkingana er á þjóðhátíðardaginn, en
klukkan hálf átta um kvöldið er lokablót að hætti þeirra.
Margt fólk sótti sólstöðuhátíð víkinga við Fjörukrána í Hafnarfirði um helgina
Morgunblaðið/Eggert
„Þetta er hápunktur sumarsins“
UM þessar mundir vinnur Háfell hf. að vegafram-
kvæmdum á þjóðveginum í Hamarsfirði rétt sunnan við
Djúpavog. Þar hamast menn við. Einungis vantar 3,3
kílómetra upp á að unnt sé að aka á malbiki milli Djúpa-
vogs og Reykjavíkur, en svo verður þegar fram-
kvæmdum lýkur á haustdögum. Þá verður hægt að aka
á slitlögðum vegi hringinn í kringum landið, sé farin
leiðin um sunnanverða Austfirði, nema hvað enn á eftir
að byggja upp og bæta örstuttan kafla í Berufjarðar-
botni. Auk þess eru ýmsar stórar framkvæmdir í vega-
gerð á Austurlandi þetta árið, að sögn Einars Þorvarð-
arsonar, umdæmisstjóra Vegagerðarinnar á Austur-
landi. Þar bera hæst framkvæmdir á Vopnafjarðarheiði
og á Hólmahálsi við Eskifjörð. sbs@mbl.is
Morgunblaðið/Ómar
HAMAST Í HAMARSFIRÐI
FYRIR nokkru brá Guðbjörg Jörg-
ensen sér inn í verslun í New York,
þar sem hún keypti vörur fyrir nokk-
ur þúsund krónur. Hún segir að hún
hafi verið nýkomin út úr versluninni
þegar hringt var í síma eiginmanns
hennar, þar sem ekki náðist sam-
band við hennar síma. Sá sem
hringdi var starfsmaður kortafyrir-
tækisins Valitor á Íslandi. „Þeir voru
bara að tékka á því hvort ég væri
ekki örugglega sjálf stödd þarna
úti,“ segir Guðbjörg.
Hún segir að sá sem hringdi frá
Valitor hafi sagt að þetta sé gert
öðru hverju til að kanna hvort ekki
sé öruggt að viðkomandi sé sjálfur að
nota greiðslukortið. „Mér finnst
þetta mikið öryggisatriði og finnst
fínt að vita af því að fylgst sé með
kortanotkuninni með þessum hætti,“
segir Guðbjörg.
Hægt að koma í veg fyrir svik
Bergsveinn Sampsted, fram-
kvæmdastjóri einstaklingssviðs hjá
Valitor, segir að hjá fyrirtækinu sé
viðvörunarkerfi sem vakti notkunina
stöðugt. Samkvæmt því sé fylgst
með allri kortanotkun. Ekkert sér-
stakt sé í gangi um þessar mundir og
ekki sé meira um það að verið sé að
kanna kortanotkunina en áður.
„Það eru ákveðnir öryggisventlar
innbyggðir í kerfið, og ef einhverjar
bjöllur hringja þá er strax haft sam-
band við korthafann. Í flestum til-
vikum á þetta sér eðlilegar skýring-
ar, en það hefur verið hægt að koma í
veg fyrir svik með þessum hætti.“
gretar@mbl.is
Gott að fylgst sé
með notkuninni
Hringt eftir notkun á VISA í New York
Fylgjast með Fylgst er vandlega
með allri kortanotkun erlendis hjá
greiðslukortafyrirtækjunum.