Morgunblaðið - 08.07.2009, Qupperneq 13

Fréttir 13INNLENT
MORGUNBLAÐIÐ MIÐVIKUDAGUR 8. JÚLÍ 2009
vi
lb
or
ga
@
ce
nt
ru
m
.is
-hágæðaheimilistæki
Suðurlandsbraut 20, Reykjavík | Sími 588 0200 | www.eirvik.is
GE kæliskáparnir hafa innbyggða klakavél með
mulningi og ísköldu íslensku vatni. Þeir eru
öflugir, endingargóðir og glæsilega innréttaðir.
kr. 299.995 stgr.
Fullt verð kr. 428.500
Afmælistilboð
30% afsláttur
Eftir Orra Pál Ormarsson
orri@mbl.is
FRJÁLSAR strandveiðar
eiga að njóta vafans enda
þótt þær þýði að inn í
greinina komi á nýjan leik
útgerðarmenn sem selt
hafa kvótann sinn og eiga
jafnvel bátana ennþá.
Þetta er afstaða Kol-
brúnar Jónu Pétursdóttur,
sem gerir út bát með kvóta
frá Keflavík ásamt eig-
inmanni sínum. „Hvað með
alla þá sem aldrei hafa átt kvóta? Þeir eru
væntanlega mun fleiri. Aðalmálið er að það
þarf að leiðrétta kvótakerfið og kannski er
þetta fyrsta skrefið í þá átt,“ segir Kolbrún.
Það sem hrellir Kolbrúnu mest er óvissan í
greininni. „Þegar við fórum út í að kaupa bát
árið 2004 voru forsendurnar nokkuð skýrar.
Við ákváðum að taka þátt í kerfinu eins og
það var en nú er óvissan mikil og eftir fyr-
irheit um fyrningarleið nýju ríkisstjórn-
arinnar hafa rekstrarskilyrði orðið mun erf-
iðari,“ segir hún.
Hjónin hafa ákveðið að sækja ekki um
strandveiðileyfi í bili. Takmarkanirnar séu of
miklar og þau telja hagkvæmara fyrir sig að
halda áfram að leigja kvóta, þ.e.a.s. fái þau yf-
irhöfuð leigðan kvóta. „Í kvótakerfinu er
hægt að sækja lengra út, vera lengur í einu
og nýta alla daga nema þegar veður og kvóti
koma í veg fyrir veiðar.“
Hjónin keyptu 14 tonn af kvóta á árunum
2006 og 2007 fyrir tæpar þrjátíu milljónir
króna. Þau lentu í 33%-skerðingunni 2007
eins og aðrir en fengu svo aukningu í vetur.
Þau hafa í tvígang fengið byggðakvóta, 5,8
tonn árið 2004 og 5,7 tonn árið 2005. Ekkert
síðan.
Byggðakvóti hefði skipt miklu
Í samtali við Tryggva Ársælsson á Tálkna-
firði í Morgunblaðinu sl. mánudag kom fram
að hann fékk úthlutað 28 tonnum af byggða-
kvóta á yfirstandandi fiskveiðiári sem síðan
skertist um helming vegna strandveiðanna.
„Hver er sanngirnin í því að hann fái 28 tonn
á meðan við fáum lítinn sem engan byggða-
kvóta? Ég væri ofurglöð fengi ég 14 tonn
frítt. Hvað þá fengi ég 28 tonn. Það hefði
skipt miklu fyrir okkar útgerð að hafa slíkan
kvóta síðastliðin ár,“ segir Kolbrún.
Í hinum nýju lögum um strandveiðar er
landinu skipt í fjögur landsvæði. Svæðið sem
Kolbrún tilheyrir, sem nær frá sveitarfé-
laginu Hornafirði að Borgarbyggð, fær út-
hlutað samtals 690 tonnum meðan hin svæðin
þrjú fá úthlutað frá 936 tonnum upp í 1.316
tonn „Hver er sanngirnin í þessu?“ spyr hún.
Kolbrún telur strandveiðikerfið aftur á
móti ekki bjóða upp á meira brottkast á fiski
en kvótakerfið almennt. „Flest kerfi sem ver-
ið hafa hér, nema kannski dagakerfi, stuðla
að því að einungis verðmætasti aflinn er hirt-
ur, þannig að ekki er þar með sagt að engu
verði hent þótt byggðakvóta sé úthlutað.“
Strandveiðar njóti vafans
 Útgerðarkona í Keflavík, Kolbrún Jóna Pétursdóttir, segir strandveiðar e.t.v. fyrsta skrefið í að
leiðrétta kvótakerfið  Hún gagnrýnir úthlutun byggðakvóta og telur litla sanngirni felast í henni
Í höfninni Vegna strandveiðanna er fjöldi
báta á sjó meiri en nokkru sinni fyrr.
Kolbrún Jóna
Pétursdóttir
LITRÍKIR tónleikar voru haldnir á
þaki Hljómskálans í Reykjavík í gær
þar sem blásarasveitin Brasskar-
arnir steig á stokk ásamt Snorra
Helgasyni í Sprengjuhöllinni.
Tónleikarnir eru hluti af Íslensku
tónlistarsumri sem hófst í gær um
land allt. Blásarasveitin Brasskar-
arnir eru meðal fjölmargra hópa í
skapandi sumarstörfum á vegum
Hins hússins í sumar.
Verk þeirra spanna að sögn allt
frá rafmagnsraunsæi til töfra-
módernisma og verður sveitin á út-
opnu við spilamennsku í allt sumar.
Brasskarana skipa þær Valdís
Þorkelsdóttir á trompet, Harpa Jó-
hannsdóttir á bassabásúnu, Bergrún
Snæbjörnsdóttir á horn, Ragnhildur
Gunnarsdóttir á trompet og Sigrún
Kristbjörg Jónsdóttir á básúnu.
Morgunblaðið/Heiddi
BLÁSIÐ Á HLJÓMSKÁLANUM
Eftir Halldór Armand Ásgeirsson
haa@mbl.is
UMBOÐSMAÐUR Alþingis sá ekki
ástæðu til að taka kvörtun Sigurðar
Gylfa Magnússonar sagnfræðings
vegna vinnubragða Háskóla Íslands
til frekari meðferðar eftir að hafa at-
hugað málið. Þetta tilkynnti um-
boðsmaður Sigurði og Háskólanum í
maímánuði síðastliðnum.
Sigurður Gylfi var ósáttur við nið-
urstöður dómnefndar sagnfræði- og
fornleifafræðiskorar hugvís-
indadeildar Háskóla Íslands sem
taldi rannsóknarverkefni hans ekki
hæft til doktorsvarnar. Hann taldi
að Loftur Guttormsson, formaður
dómnefndarinnar, hefði verið van-
hæfur til að
gegna hlutverki
sínu af þeim sök-
um að þeir hefðu
átt í fræðilegum
deilum um langt
skeið.
Því kvartaði
hann til umboðs-
manns Alþingis.
Sigurður hélt því
jafnframt fram
að fámennisrök hefðu ráðið því að
Loftur hefði verið skipaður formað-
ur nefndarinnar. Í samtali við Morg-
unblaðið þann 22. september árið
2007 sagði Sigurður: „Í þessu tilfelli
hefði ekki þurft að tilnefna mann
[Loft Guttormsson] sem hefur staðið
í illvígum deilum við mig í 10 ár. Það
hefði verið hægt að leita til tíu ann-
arra fræðimanna sem eru með dokt-
orspróf og hefðu vel getað tekið
þetta að sér.“
Sigurður lauk doktorsprófi frá
Carnegie Mellon-háskólanum í
Pittsburgh í Bandaríkjunum árið
1993. Hann sagðist vilja verja nýja
doktorsritgerð hér á landi til að
koma af stað umræðum. Í þriðju
grein stjórnsýslulaga nr. 37/1993 eru
taldar upp ýmsar vanhæfisástæður.
Í sjötta tölulið greinarinnar er að
finna hina svonefndu almennu van-
hæfisreglu laganna. Umboðsmaður
Alþingis sá hins vegar við frum-
athugun málsins ekki tilefni til að
aðhafast frekar í málinu.
Kvörtun Sigurðar Gylfa
ekki tekin til meðferðar
Sigurður Gylfi
Magnússon
Taldi formann dómnefndar vanhæfan í starfi sínu