Morgunblaðið - 17.09.2009, Blaðsíða 23

til ættingja. Þeim þótti báðum gaman
að ferðast bæði erlendis og hér
heima. Pabbi var reyndar alltaf að
fást við eitthvað og var ekki í rónni
nema hann hefði eitthvað fyrir stafni.
Hann var alla tíð með góða heilsu en
fór að nota heyrnartæki um áttrætt.
Nú hefur pabbi fengið hvíldina sem
hann þráði eins og mamma.
Ég kveð föður minn sem mér þótti
afar vænt um og veitti mér og mínu
fólki ómetanlega leiðsögn í gegnum
lífið.
Megi hann hvíla í friði. Blessuð sé
minning hans.
Gunnar Þórarinsson.
Elsku pabbi, nú ertu loksins búinn
að fá hvíldina. Stuttu eftir að mamma
dó hafðir þú á orði að það yrði ekki
langt í næstu jarðarför en svo leið
tíminn og dauðinn vildi ekki taka þig.
Aðspurður sagðirðu að þér liði vel en
það sáu allir að það var hlaupið óyndi í
þig, þú saknaðir mömmu. Það urðu
þér því mikil vonbrigði er þú fórst á
spítalann, að þú hélst til að deyja, er
þér var sagt að þangað værir þú kom-
inn til hvíldar og hressingar. Þú
þurftir að bíða í mánuð enn, eftir því
sem þú þráðir mest.
Pabbi lærði smíðar hjá Ingólfi sem
kenndur var við Sögina og vann þar í
mörg ár eftir að hann lauk sveins-
prófi, eftir það fór hann að vinna sjálf-
stætt, enda hafði hann fengið réttindi
sem húsasmíðameistari. Sumrin voru
sá tími sem mest var að gera í smíð-
inni, en verkefnum fækkaði þegar líða
tók á veturinn og janúar og febrúar
voru oft steindauðir. Þá var gott að
vera kominn af sjómönnum og kunna
vel til verka, bæði í aðgerð og að
beita. Við beitningar vann hann í
beitningarskúrum úti á Granda og
fyrir neðan þar sem Búllan er núna.
Mamma sendi mig í strætó að færa
pabba nesti og stundum leyfði hann
mér að staldra aðeins við og skera síld
í bita. Pabbi var fljótur að beita en
hamaðist aldrei við vinnu sína, það
var ekki hans háttur, en þó gerðist
það eitt sinn að ungur maður kom að
beita með honum og sá hafði á orði að
enginn væri fljótari að beita en hann.
Pabbi stóðst ekki áskorunina og ein-
setti sér það að beita alltaf einum bala
meira en strákstaulinn, dag hvern.
Það var sama hvað strákur hamaðist,
í lok dags var pabbi með einum bala
meira. Reyndar sagði pabbi seinna að
þetta hefði verið með því vitlausasta
sem hann hefði gert, því það eina sem
hann hefði haft upp úr þessu hefðu
verið þær verstu sinaskeiðabólgur
sem hann hefði nokkurn tímann feng-
ið en þó heyrði maður að hann var
hreykinn af því að láta ekki srákstaul-
ann taka sig.
Þannig var þetta, pabbi vann og
mamma sá um heimilið. Pabbi kom
ekki með beinum hætti að uppeldi
okkar, um það sá mamma, en sýndi
okkur fordæmi með vinnusemi sinni,
sem hefur verið okkur systkinum gott
veganesti í lífinu.
Tengdapabbi var ekki mjúkur
maður, þrautseigur töffari sem kvart-
aði aldrei og sá um sig sjálfur til síð-
asta dags. En hann átt til mýkri hlið-
ar, sérstaklega þegar barnabörnin
voru lítil og ég man hvað mér þótti
fallegt að sjá að þegar ég var að koma
heim til þeirra með tengdamömmu
frá lækni, þá fögnuðu þau hvort öðru
og föðmuðust, því þau vissu að það
var ekki sjálfgefið að koma alltaf aft-
ur heim. Þau hugsuðu vel um börnin
sín og uppskáru eftir því. Þau áttu
meira en 60 ár saman.
Ef það er eitthvað sem þú kenndir
mér, afi minn, þá er það að vera
fylginn sjálfum sér, fús til vinnu,
kveinka sér aldrei og umfram allt að
vera sinn eigin herra.
Elsku afi, þú hugsaðir vel um þitt
og þrátt fyrir hrjúft yfirbragð varstu
elskandi fjölskyldufaðir sem vildir
ástvinum þínum aðeins það besta.
Þar að auki varstu afar snjall og því
hafði ég gaman af.
Guð blessi minningu þína.
Ágúst, Sigríður Hanna,
Ebba Guðný og Jóhannes Þór.
Kveðjustundin er komin og margs
að minnast. Pabbi vann mikið þegar
við ólumst upp enda tíðkaðist að
vinna sex daga vikunnar. Sjaldan var
tekið sumarfrí en þegar það var gert
var okkur fimm systkinunum safnað
saman í gráa blöðruskódann og
gjarnan ekið í Stóru-Mörk, sveitina
hennar mömmu, farið í Þykkvabæinn
í heimsókn til Mummu og Júlla bróð-
ur pabba. Skemmtilegast fannst
pabba að fara á Snæfellsnes, þá yf-
irleitt síðsumars til að tína ber. Hjá
pabba voru engin ber nema á Snæ-
fellsnesi. Í minningunni voru þetta
rigningaferðir og þá voru ekki til fínir
húsvagnar og fellihýsi heldur sofið í
heimasaumuðu botnlausu tjaldi og
stundum enduðu næturnar í skódan-
um.
Á hátíðisdögum var oft gripið í spil;
brids, Svarta-Pétur og vist. Pabbi
hafði mjög gaman af því að spila brids
og komu bræður hans oft í heimsókn
og þurftum við stundum að leysa
menn af ef þeir mættu seint. Mamma
var þá búin að baka kökur og þeir
áttu til að laumast í pela undir borð-
um.
Eftir að við systkinin vorum farin
að heiman fengu pabbi og mamma
tækifæri til að taka meira frí og þá
varð ekki aftur snúið. Þau ferðuðust
mikið innanlands og fóru oft til út-
landa. Pabbi komst þá að því hvað
honum fannst skemmtilegt að kaupa
skó og útvarpstæki.
Pabbi var heilsuhraustur alla tíð.
Hann hjálpaði okkur að byggja heim-
ili okkar og var alltaf tilbúinn að að-
stoða okkur. Það gerði hann með
glöðu geði langt fram á níræðisaldur.
Pabbi keyrði einnig bíl að nálgast ní-
rætt, þrátt fyrir að hafa aldrei verið
góður bílstjóri.
Við minnumst þess aldrei að hann
hafi verið veikur en síðustu árin var
hann farinn að heyra lítið og erfitt að
eiga við hann samræður sökum þess.
Eftir að mamma lést 30. janúar síð-
astliðinn var eins og lífsneisti hans
fjaraði út. Hann saknaði mömmu
mikið enda erfitt að kveðja eftir
meira en 60 ára samvist.
Pabbi hefur lokið sinni löngu góðu
ævi með okkur og er nú kominn til
mömmu, þangað sem hann vildi fara.
Elsku pabbi, minningin um ykkur
verður alltaf í huga okkar og hjarta.
Þín börn,
Katrín, Sigrún
og Sæmundur.
Elsku afi minn. Það varð stutt á
milli ykkar hjónanna. Aðeins réttir 8
mánuðir. Þið voruð búin að vera gift í
rúm 50 ár og voruð einkar samrýnd
og góð hvort við annað. Ég varð
þeirrar ánægju aðnjótandi að búa hjá
ykkur hjónum í rúm fjögur ár á mín-
um háskólaárum. Það var góður tími
og skemmtilegur. Þú fylgdist alltaf
vel með námsframvindu minni og
rakst mig áfram þegar þér fannst
þurfa.
Það var ekki augljóst þegar ég bjó
hjá ykkur að þú værir kominn fast að
áttræðu. Þú varst jú enn að vinna í
smíðaverkefnum ýmiss konar, og
keyrðir bíl eins og unglingur. Þú
hafðir góða sýn á peningamál og sótt-
ist ekki eftir háum vöxtum heldur var
meira hugsað um öryggi bankastofn-
ana sem þú áttir viðskipti við. Hafðir
lifað tímana tvenna og vissir að
áhættan var ekki þess virði. Þú lifðir
eftir þinni sannfæringu.
Eftir að þið fluttuð af Steinaselinu
á Skúlagötuna kom ég oft í heimsókn.
Fljótlega fór ég að koma með hana
Guðrúnu með mér og síðan strákana
mína eftir að þeir fæddust. Reglan
var að koma annan hvern laugardag.
Alltaf var vel tekið á móti okkur og
alltaf dróst þú eitthvað upp úr poka-
horninu fyrir langafastrákana og allt-
af máttu þeir taka það með sér heim.
Yfirleitt var um eitthvert sniðugt
leikfang að ræða sem kallaði fram
hlátur hjá pjökkunum og þá hlóst þú
dátt með þeim. Það lýsir þér vel að þú
hafir gert þér ferð í Kolaportið til að
kaupa eitthvað handa langafabörnun-
um til að gefa þeim.
Elsku afi minn. Ég og fjölskylda
mín þökkum þér allar góðu stundirn-
ar.
Guðni Þór.
Minningar 23
MORGUNBLAÐIÐ FIMMTUDAGUR 17. SEPTEMBER 2009
Smáauglýsingar 569 1100 www.mbl.is/smaaugl
Dýrahald
HRFÍ Tíbet spaniel hvolpar til
sölu - HRFÍ. Yndislegir Tíbet spaniel
hvolpar til sölu í lok október, mjög
góðir heimilishundar fyrir góða
eigendur! Eru 4 til 7 kg. Uppl. í síma
462 7786 og 864 7786.
Hreinræktaðar ungverskar
Vizslur til sölu. Enn eru eftir hvolpar
(rakkar) af þessari frábæru tegund.
Frábærir fjölskylduhundar og góðir
veiðihundar með réttri þjálfun. Ein-
staklega barngóðir og lyndir vel við
önnur gæludýr. Fljótir að læra og
þegar farnir að ganga í ól og vaða.
Mjög tignarleg og falleg skepna.
Allar nánari uppl. í s. 860 4280 eða í
gegnum kiddyoli@gmail.com.
Heilsufóður - dreifingaraðilar
óskast. Sjálfstæðir dreifingar-
aðilar óskast á hágæða heilsufóðri
fyrir hunda og ketti. Ný vara og
spennandi sölukerfi með miklum
tekjumöguleikum. Uppl. í s. 771 8550
eða heilsufodur@gmail.com
Húsnæði í boði
Íbúðir til leigu
Reykjavík 101, Flórída USA,
Barcelona, Costa Brava, Menorca,
www.helenjonsson.ws og
starplus.info. Sími 899 5863.
Atvinnuhúsnæði
Verslunarhúsnæði
140 m² til leigu í Hlíðarsmára 13.
Einnig 132 m² verslunar- og þjónustu-
rými II. hæð. Góður sölustaður.
Uppl. í síma 66 45 901.
Geymdu gullin þín í Gónhól
Ferðabílar, hjólhýsi og fleira og fleira.
Upplýsingar og skráning á gonholl.is
og í síma 771 1936.
Hlýjar ferðavagnageymslur
í Borgarfirði. Löng reynsla. Gott verð.
Hýsi einnig báta o.fl.
Upplýsingar í síma 663 2130 og
magnus1220@ hotmail.com
Sumarhús
Sumarbústaðalóðir
Eignarlönd til sölu í landi Kílhrauns á
Skeiðum, 50 km frá Rvk. í stærðunum
0,5 ha. til 1,1 ha. Hentar vel til
gróðursetningar og er með fallega
fjallasýn, kalt vatn, síma og þriggja
fasa rafmagn að lóðarmörkum, til
afhendingar strax, hagstætt verð og
góð kjör. Verið velkomin.
Hlynur í síma 824 3040.
www.kilhraunlodir.is
Falleg og vönduð sumarhús frá
Stoðverk ehf. í Ölfusi
Gott verð. Teiknum eftir óskum kaup-
enda.
Símar: 660 8732, 660 8730,
892 8661, 483 5009.
stodverk@simnet.is
Til sölu
OPIÐ til kl. 22.00
BLÓMAHLÍÐ á horni Miklubrautar og
Lönguhlíðar, opið virka daga til kl.
21.00 og helgar til kl. 22.00.
RÓSATILBOÐ - Frí heimsending á
samúðarvöndum. Sími 511 3100.
Óska eftir
KAUPUM GULL
Kaupum gull til að smíða úr. Spörum
gjaldeyri. Heiðarleg viðskipti. Aðeins
í verslun okkar Laugavegi 61. Jón og
Óskar - jonogoskar.is - s. 552-4910.
KAUPI GULL !
Ég, Magnús Steinþórsson gull-
smíðameistari, kaupi gull, gull-
peninga og gullskartgripi af fólki
og veiti ég góð ráð. Kaupi allt
gull, nýlegt, gamalt og illa farið.
Leitið til fagmanns.
Upplýsingar á demantar.is, í síma
699 8000 eða komið í
Pósthússtræti 13. Verið velkomin.
Þjónusta
Byggingavörur
Harðviður til húsabygginga
Sjá nánar á www.vidur.is
Vatnsklæðning, panill, pallaefni,
parket, útihurðir o.fl. Gæði á góðu
verði. Nýkomnar Eurotec A2 harð-
viðarskrúfur. Penofin harðviðarolía.
Indus ehf., Óseyrarbraut 2, Hf.
Upplýsingar hjá Magnúsi í símum
6600230 og 5611122.
Húsviðhald
Skipti um rennur og bárujárn
á þökum, einnig smávægilegar
múrviðgerðir og ýmislegt fl.
Þjónum landsbyggðinni einnig.
Upplýsingar í síma 659-3598.
Geymslur
Fréttatíminn
þegar þér
hentar
✝ RagnheiðurHannesdóttir lést
á hjúkrunarheimilinu
Sunnuhlíð, Kópavogi,
4. sept. sl.
Hún fæddist í
Reykjavík 2. nóv-
ember 1926.
Dóttir hjónanna
Hannesar Júl-
íussonar og Mar-
grétar Einarsdóttur.
Alsystkin hennar
eru: Svava, Sigurður
Einar, Júlíus Svavar,
Ellert N., Ásta Sig-
rún, Guðrún Svandís, Hafsteinn,
Júlía Sæunn,
systir samfeðra: Dagný Björk.
Ragnheiður giftist þ. 20. sept.
1952 Jóni Hróbjarti Einarssyni
Höjgaard, f. 26.2. 1923, d. 20 sept.
2000. Hann var sonur hjónanna
Einars Ásmundar Jónssonar Höj-
gaard og Ólafar Stefaníu Davíðs-
dóttur. Börn Ragnheiðar og Jóns
eru: Grétar, maki Jóna Sigurbjörg
Gísladóttir; Ólöf Stef-
anía, maki Kristinn
Ástvaldsson; Hafdís
Elma, maki Jens
Gíslason; Hannes,
maki Alma Þorláks-
dóttir; Hrönn, maki
Halldór Ingólfsson;
Sigrún Ragna, maki
Hörður Ingþór Tóm-
asson;
Sigurður Fjalar,
maki Agnes Jóns-
dóttir; Brynjar, maki
Hólmfríður Þóra
Óskarsdóttir. Barna-
börnin eru 20 og barnabarnabörn-
in 16. Ragnheiður var alla tíð
heimavinnandi, enda heimilið stórt
og gestagangur mikill. Á timabili
bjuggu fleiri börn en hennar á
heimilinu. Barnabörnin áttu einnig
víst athvarf hjá henni.
Ragnheiður verður jarðsungin
frá Bústaðakirkju í dag, fimmtu-
daginn 17. sept., og hefst athöfnin
kl. 13.
Nú er ljósið dagsins dvín,
þótt dauðinn okkur skilji,
mér finnst sem hlýja höndin þín
hjarta mínu ylji.
Myndin þín hún máist ei
mér úr hug né hjarta.
Hún á þar sæti uns ég dey
og auðgar lífið bjarta.
Þótt okkur finnist ævin tóm
er ástvinirnir kveðja,
minninganna mildu blóm
mega hugann gleðja.
(Ágúst Böðvarsson.)
Hafdís Elma.
Ragnheiður
Hannesdóttir
✝
HELGA SIGRÍÐUR EYSTEINSDÓTTIR
húsfreyja
á Hrauni í Ölfusi
er látin.
Útför hennar fer fram frá Þorlákskirkju í Þorláks-
höfn mánudaginn 21. september kl. 15.00.
Blóm og kransar eru vinsamlega afþakkaðir, en þeim sem vilja minnast
hennar er bent á að láta dvalarheimilið á Blesastöðum í Árnessýslu
njóta þess, reikningur 0152-05-001735, kt. 560695-2929.
Þórdís Ólafsdóttir, Ólafur Þór Ólafsson,
Guðrún Ólafsdóttir, Helgi Ólafsson,
Hjördís Ólafsdóttir, Marc Origer,
Ásdís Ólafsdóttir, Sverrir Matthíasson,
Þórhildur Ólafsdóttir, Hannes Sigurðsson,
Herdís Ólafsdóttir, Þórhallur B. Jósepsson
og fjölskyldur.